|
|
 |
| (GMT+08:00)
2005-03-22 16:17:49
|
 |
|
ຕາທິບທີ່ສັງເກດການເຄື່ອນໄຫວຂອງດວງຕາເວັນ
cri
Author: q
ຢູ່ຕາມຫນ່ວຍໂລກທີ່ພວກເຮົາພາກັນອາໃສເພື່ອດຳລົງຄົງຕົວຢູ່ນີ້,ການເຄື່ອນເຫນັງທຸກອະລິຍະບົດຂອງທຳມະຊາດ,ແມ່ນພົວພັນກັບການດຳລົງຊີວິດຂອງພວກເຮົາຢ່າງສະຫນິດແຫນ້ນ,ໄພທຳມະຊາດຕ່າງໆເຊັ່ນ:ນ້ຳນອງ ລົມພາຍຸ ແຜ່ນດິນໄຫວແລະອື່ນໆແມ່ນສັດຕູໂຕໃຫຍ່ທີ່ສຸດທີ່ມວນມະນຸດພວກເຮົາພວມຊອກຫາທຸກວິທີຜາບແພ້ມັນ,ແຕ່ທ່ານກໍຮູ້ບໍ່ວ່າ,ຈົນມາຮອດດຽວນີ້,ນັກວິທະຍາສາດທັງຫຼາຍກໍຍັງບໍ່ທັນພະຍາກອນແຜ່ນດິນໄຫວໃຫ້ຖືກຕ້ອງແມ່ນຢຳເທື່ອແລ້ວເຮັດໃຫ້ຊີວິດແລະຊັບສົມບັດຂອງພວກເຮົາເສຍຫາຍຢ່າງຫຼວງຫຼາຍພາຍມາກ,ບໍ່ສະເພາະແຕ່ມີຢູ່ຕາມຫນ່ວຍໂລກທໍ່ນັ້ນ,ຢູ່ຕາມດວງຕາເວັນກໍມີປະກົດການແນວນີ້ຄືກັນ,ເຊິ່ງນັກວິທະຍາສາດທັງຫຼາຍເອີ້ນວ່າຕາເວັນໄຫວ.
ຕາເວັນໄຫວເທື່ອນີ້ແມ່ນຫນ່ວຍຜູ່ຊ່ຽວຊານທີ່ປະກອບດ້ວຍນັກວິທະຍາສາດມະຫາວິທະຍາໄລສະແຕນຟອດແຫ່ງອາເມລິກາແລະມະຫາວິທະຍາໄລກັຼສໂກແຫ່ງອັງກິດໄດ້ຊ່ອງເຫັນເມື່ອເດືອນກໍລະກົດປີ 1996 ,ຕາເວັນໄຫວເທື່ອນີ້ຄວາມແຮງຂອງມັນທໍ່ກັບ 11,3 ລິກເທີ,ລື່ນກາຍແຜ່ນດິນໄຫວແຮງທີ່ສຸດເທື່ອຫນຶ່ງຄືຂັ້ນ 8,6 ທີ່ເກີດຂຶ້ນຢູ່ແຂວງການຊູ່ປະເທດຈີນເມື່ອປີ 1920 ທີ່ໄດ້ບັນທຶກໄວ້ຈົນຮອດປະຈຸບັນ,ບັນດານັກວິທະຍາສາດທີ່ຊ່ອງເຫັນຕາເວັນໄຫວນັ້ນເວົ້າວ່າ,ຕາເວັນໄຫວເຮັດໃຫ້ມີກະແສກະທົບສູງຕັ້ງ 3 ກິໂລແມັດປາຍໄດ້ແຜ່ຂະຫຍາຍທົ່ວຜິວ,ດວງຕາເວັນດ້ວຍຄວາມໄວ 4 ແສນກິໂລແມັດຕໍ່ຊົ່ວໂມງ,ຈົນກິນເວລາຊົ່ວໂມງກວ່າຈຶ່ງຄ່ອຍໆມິດໄປ,ບັນດານັກວິທະຍາສາດຄາດຄະເນວ່າ,ພະລັງແຮງທີ່ຕາເວັນໄຫວເທື່ອນີ້ແຜ່ອອກມານັ້ນ,ທໍ່ກັບ 4 ຫມື່ນເທົ່າຂອງແຜ່ນດິນໄຫວຂັ້ນ 8ຢູ່ຊານຟຼານສິສໂກແຫ່ງອາເມລິກາເມື່ອປີ 1906 .
ດວງຕາເວັນທີ່ຫ່າງຈາກຫນ່ວຍໂລກພວກເຮົາປະມານ 150 ລ້ານກິໂລແມັດນັ້ນແມ່ນແຫຼ່ງຄວາມຮ້ອນອັນມະຫາສານແສງແລະຄວາມຮ້ອນທີ່ກຳເນີດຈາກດວງຕາເວັນໄດ້ຫໍຼ່ລ້ຽງສິ່ງທີ່ມີຊີວິດທັງປວງໃນຫນ່ວຍໂລກ,ແຕ່ພ້ອມກັນນີ້,ການເຄື່ອນເຫນັງແຮງຕ່າງໆຢູ່ຕາມຜິວດວງຕາເວັນເຊັ່ນຕາເວັນໄຫວທີ່ພວກເຮົາເວົ້າກັນຢູ່ນີ້ແມ່ນມີຜົນສະທ້ອນອັນມະຫາສານຕໍ່ການສະຫນອງພະລັງງານ,ການສື່ສານທາງວິທະຍຸ,ການນຳທາງດາວທຽມ,ແລະການປ່ຽນແປງຂອງມວນອາກາດເປັນຕົ້ນເພື່ອຄົ້ນຄວ້າຄວາມເລິກລັບຂອງດວງຕາເວັນແລະການເຄື່ອນໄຫວຂອງມັນ,ເມື່ອເດືອນທັນວາປີ 1995,ກົມການບິນອາວະກາດເອີລົບກັບການບິນອາວະກາດອາເມລິກາໄດ້ຮ່ວມມືກັນຍິ່ງສົ່ງດາວທຽມສັງເກດດວງຕາເວັນ,ເລີ່ມດຳເນີນແຜນການສັງເກດວັດແທກດວງຕາເວັນອັນໃຫຍ່ໂຕທີ່ສຸດຕັ້ງແຕ່ມີປະຫວັດສາດຂອງມວນມະນຸດເປັນຕົ້ນມາ.
ດາວທຽມສັງເກດດວງຕາເວັນໄດ້ປະກອບເຄື່ອງວັດແທກວິທະຍາສາດ 12 ເຄື່ອງ,ໂດຍແບ່ງອອກເປັນ 3 ປະເພດ,ຄື:ເຄື່ອງສຳຜັດທາງໄກເພື່ອວັດແທກອາກາດຫນາຂອງຕາເວັນ,ເຄື່ອງວັດແທກລົມແຮງຢູ່ດວງຕາເວັນແລະເຄື່ອງວັດແທກການສັ່ນສະເທືອນຂອງດວງຕາເວັນ,ດາວທຽມສັງເກດຕາເວັນແມ່ນຕັ້ງຢູ່ລະຫວ່າງກາງແຮງດຶງດູດທໍ່ກັນລະຫວ່າງຫນ່ວຍໂລກກັບດວງຕາເວັນ,ສະນັ້ນ,ມັນຈິ່ງສາມາດຫມູນອ້ອມຕາເວັນດ້ວຍຄວາມໄວແລະຢູ່ໃນມຸມສາກດຽວກັບຫນ່ວຍໂລກ,ຫມາຍຄວາມວ່າ,ມັນຈະຢູ່ຕາມຂະຫນານດຽວກັບຫນ່ວຍໂລກແລະດວງຕາເວັນໂດຍຕະຫຼອດ,ເມື່ອເປັນແນວນີ້,ມັນຈຶ່ງບໍ່ຖືກແຮງດຶງດູດລົບກວນ,ແລ້ວສ່ອງເບິ່ງດວງຕາເວັນໄດ້ຕະຫຼອດ 24 ຊົ່ວໂມງ,ຄືກັນກັບຕາທິບຂອງຫນ່ວຍໂລກທີ່ສັງເກດການເຄື່ອນໄຫວຂອງດວງຕາເວັນ.
ໃນສອງປີທີ່ຜ່ານມາ,ດາວທຽມສັງເກດດວງຕາເວັນໄດ້ສົ່ງຂ່າວຄາວເປັນຈຳນວນຫຼວງຫຼາຍຄືນມາໃຫ້ຫນ່ວຍໂລກ,ວັນທີ 28 ເມສາ,ກົມອະວະກາດເອີລົບໄດ້ປະກາດການສ່ອງເຫັນຫຼ້າສຸດຂອງດາວທຽມສັງເກດດວງຕາເວັນຢູ່ຂະແຫນງການວິທະຍາສາດອາວະກາດຫ້ອງທົດລ້ອງແຫ່ງຊາດອັງກິດ,ໂດຍປະກາດວ່າ,ດາວທຽມສັງເກດດວງຕາເວັນຈະຕໍ່ອາຍຸປະຈຳການໄປຮອດປີ 2003 ,ເພື່ອລົງເລິກຄົ້ນຄວ້າໄລຍະການເຄື່ອນໄຫວຂຶ້ນສູ່ຍອດສູງຂອງຈຸດດຳຮອບໃຫມ່ໃນດວງຕາເວັນທີ່ຈະມາເຖິງໃນໄວໆນີ້.ໃນຫຼາຍປີຕໍ່ໄປເມືອໜ້າ,ດາວທຽມດັ່ງກ່າວຍັງຈະຕິດຕາມສັງເກດຢ່າງໃກ້ຊິດກ່ຽວກັບສະພາບການເຄື່ອນເໜັງແຮງຂອງດວງຕາເວັນຕໍ່ໄປ,ຂ່າວຄາວກ່ຽວກັບການເຄື່ອນໄຫວຂອງດວງຕາເວັນທີ່ໄດ້ຮັບນັ້ນ,ຈະສົ່ງຜ່ານຕາຫນ່າງຈຳເພາະໄປໃຫ້ແຫ່ງຕ່າງໆໃນໂລກ,ຊ່ອຍຂະແໜງການພະລັງໄຟຟ້າດາວທຽມແລະຄອມພິວເຕີທີ່ອາດຈະຖືກຜົນກະທົບນັ້ນຫ້າງກຽມໄວ້ກ່ອນ.
ຕາມກົມການບິນອະວະກາດເອີລົບສະເຫນີໃຫ້ຮູ້ວ່າ,ຫມາກຜົນສຳຄັນຫຼ້າສຸດທີ່ດາວທຽມສັງເກດດວງຕາເວັນໄດ້ຮັບນັ້ນແມ່ນໄດ້ສັງເກດເຫັນລົມບ້າຫມູແບບກົ້ນຫອຍອັນມະຫາສານຢູ່ຜິວດວງຕາເວັນ,ລົມບ້າຫມູ 10 ກວ່າບ່ອນທີ່ປະກົດເຫັນນັ້ນໄດ້ສຸມຢູ່ຂົ້ວໃຕ້ແລະຂົ້ວເໜືອຂອງດວງຕາເວັນພັດດ້ວຍຄວາມໄວ,ປະມານ 5 ແສນກິໂລແມັດຕໍ່ຊົ່ວໂມງ.ປະຈຸບັນ,ບັນດາວິທະຍາສາດຍັງບໍ່ທັນຮູ້ຫຍັງຫຼາຍກ່ຽວກັບເຫດຜົນທີ່ພາໃຫ້ເກີດລົມຕາເວັນ,ບັນດາຜູ່ຊ່ຽວຊານຂອງກົມການບິນອະວະກາດເອີລົບຖືວ່າ,ລົມບ້າຫມູໃນດວງຕາເວັນທີ່ປະກົດເຫັນຫຼ້າສຸດນີ້,ອາດຈະແມ່ນມູນເຫດສຳຄັນຫນຶ່ງທີ່ພາໃຫ້ເກີດລົມຕາເວັນ.
1 2
|
|
|
