|
|
 |
| (GMT+08:00)
2005-03-22 16:17:49
|
 |
|
ຕາທິບທີ່ສັງເກດການເຄື່ອນໄຫວຂອງດວງຕາເວັນ
cri
Author: q
ກ່ອນຫນ້ານີ້,ດາວທຽມສັງເກດຕາເວັນຍັງສັງເກດເຫັນພາບອັນປະຫຼາດຫຼາຍຢ່າງ,ອຳນວຍໃຫ້ນັກວິທະຍາສາດເຂົ້າໃຈດວງຕາເວັນຫຼາຍກວ່າເກົ່າ.ລົມຕາເວັນແມ່ນກະແສວັດຖຸອະນຸພາກທີ່ພົ່ນອອກມາຈາກເກີ້ງຕາເວັນຊັ້ນນອກສຸດຂອງຊັ້ນອາກາດຫນາຂອງດວງຕາເວັນທີ່ເບັ່ງຕົວຂຶ້ນຍ້ອນຄວາມຮ້ອນສູງ,ບາຫຼາຍມື້ຈິ່ງພົ່ນຂຶ້ນເທື່ອຫນຶ່ງດ້ວຍຄວາມໄວປະມານ 1 ລ້ານ 4 ແສນ 5 ຫມື່ນກິໂລແມັດຕໍ່ຊົ່ວໂມງ ບາສອງສາມເດືອນຈິ່ງພົ່ນມາຫາຫນ່ວຍໂລກເທື່ອຫນຶ່ງ,ເຊິ່ງມີຜົນສະທ້ອນຕໍ່ດາວທຽມ,ການສື່ສານທາງວິທະຍຸ ການສະຫນອງໄຟຟ້າ ສາຍໂທລະສັບແລະເຄື່ອງເອເລັກໂຕຼນິກອື່ນໆ,ເມື່ອດາວທຽມສັງເກດຕາເວັນຂຶ້ນເມືອຮອດອາວະກາດບໍ່ດົນ,ກໍຕິດຕາມປະກົດການພົ່ນກະແສອະນຸພາກຂອງດວງຕາເວັນດັ່ງກ່າວໄດ້ໂລດ,ແລະໄດ້ຖ່າຍເອົາຮູບມັນພວມພົ່ນຢ່າງຊັດແຈ້ງທີ່ສຸດ,ເຄື່ອງວັດແທກລັງສີເກີ້ງຕາເວັນໃນດາວທຽມໄດ້ສັງເກດເຫັນວ່າ,ການພົ່ນນັ້ນຍຶດເຍືອມາຕັ້ງ 5 ຊົ່ວໂມງວັດຖຸທີ່ພົ່ນອອກມານັ້ນ,ແຕ່ກົກຮອດປາຍຫ່າງກັນ 5 ລ້ານ 6 ແສນກິໂລແມັດ,ບັນດານັກວິທະຍາສາດຖືວ່າການພົ່ນດັ່ງກ່າວແມ່ນຢູ່ໃນຂະຫນາດປານກາງ,ວັດຖຸທີ່ພົ່ນອອກມານັ້ນມີ 10 ຕື້ໂຕນ,ພາກສ່ວນຕົ້ນຕໍແມ່ນອິດໂດຼແຊນແລະເຮລີ.
ໃນເວລາດາວທຽມສັງເກດຕາເວັນເລີ່ມເຮັດວຽກນັ້ນ,ຈຸດດຳໃນຕາເວັນພວມຢູ່ໃນໄລຍະກົ້ນໂສກ,ແຕ່ວ່າເມື່ອປີ 1996,ນັກວິທະຍາສາດໄດ້ວິເຄາະຂ່າວຄາວທີ່ດາວທຽມສັງເກດຕາເວັນສົ່ງຄືນມາ,ແລ້ວສັງເກດເຫັນຢ່າງເປັນຫນ້າຕົກໃຈວ່າ,ການເຄື່ອນໄຫວຂອງຕາເວັນນັ້ນ,ດຸເດືອດກວ່າຄວາມຄາດຄຶດຂອງຄົນເຮົາຕັ້ງຫຼວງຫຼາຍ,ເຖິງວ່າໄລຍະຫມູນຮອບຂອງການເຄື່ອນໄຫວຈຸດດຳຂອງຕາເວັນທີ່ຫ່າງກັນ 11 ປີ,ພວມຢູ່ໃນໄລຍະກົ້ນໂສກກໍຕາມ,ແຕ່ສະຫນາມແມ່ເຫຼັກຂອງສອງຂົ້ວຕາເວັນກໍຍັງເຮັດໃຫ້ອາຍວັດຖຸພົ່ນອອກມາຕັ້ງຫຼາຍຮ້ອຍລ້ານໂຕນ,ປະກອບເປັນກະແສຄວາມຮ້ອນແບບຂົນນົກສູງຮອດ 20 ລ້ານກິໂລແມັດ.
ໃນຫຼາຍປີມານີ້,ປະກົດການທີ່ອຸນຫະພູມຂອງເກີ້ງຕາເວັນລື່ນກາຍອຸນຫະພູມຜິວຕາເວັນຕັ້ງ 100 ເທົ່ານັ້ນ,ກໍກວນສະຫມອງນັກວິທະຍາສາດທັງຫຼາຍຕະຫຼອດມາ,ຕາມກົດເກນທຳມະຊາດແລ້ວ,ຄວາມຮ້ອນນັ້ນແມ່ນຈາກບ່ອນສູງລົງມາຫາບ່ອນຕ່ຳ,ແຕ່ປະກົດຢູ່ເທິງຕາເວັນພັດພໍດີກົງກັນຂ້າມ,ດາວທຽມສັງເກດຕາເວັນປະກົດເຫັນວ່າ,ລະຫວ່າງຜິວຕາເວັນກັບເກີ້ງຕາເວັນມີຜືນພົມແມ່ເຫຼັກ.ພົມແມ່ເຫຼັກຖືກປົກຫຸ້ມດ້ວຍພະລັງງານທີ່ເຕັ້ນດ່ອງໆ,ພະລັງງານນີ້ແມ່ນເຕັ້ນອອກຈາກພົມແມ່ເຫຼັກ ຂຶ້ນໄປຫາເກີ້ງຕາເວັນ,ແລະລະບາຍຄວາມຮ້ອນໃຫ້ເກີ້ງຕາເວັນ,ແລ້ວຕ່າວຄືນມາພົມແມ່ເຫຼັກອີກ,ນີ້ຫຼົບໄປຫຼົບມາ,ນັກວິທະຍາສາດຄຳນວນວ່າ,ບົດບາດຂອງພົມແມ່ເຫຼັກແລະຮ່ວງພະລັງງານຢູ່ຜິວຕາເວັນອາດຈະແມ່ນມູນເຫດຫນຶ່ງທີ່ພາໃຫ້ອຸນຫະພູມຊັ້ນອາກາດຫນາສູງຂຶ້ນ.
1 2
|
|
|
