|
|
 |
| (GMT+08:00)
2005-03-23 14:58:36
|
 |
|
[ທ່ານເຟີງອີຕ້າຍ ນັກປາດທີ່ມີຊື່ສຽງຂອງຈີນ](ສຽງ)
cri
Author: mo
|
ທ້າຍເດືອນກຸມພາ, ທ່ານເຟີງອີຕ້າຍ ນັກປາດທີ່ມີຊື່ສຽງ ທັງເປັນນັກແປພາສາຂອງຈີນໄດ້ເຖິງແກ່ກຳຢູ່ ທີ່ປັກກິ່ງຍ້ອນພະຍາດຂອງຜູ້ກ່ຽວ. ວົງການວັດທະນະທຳຈີນໄດ້ຈັດການເຄື່ອນໄຫວຫລາຍຢ່າງໃນທັນທີ, ລະນຶກນັກປາດທີ່ມີອາຍຸ 92 ປີຜູ້ນີ້.
ໃນວົງການວັດທະນະທຳຈີນ, ທ່ານເຟີງອີຕ້າຍມີຊື່ສຽງດົ່ງດັງທີ່ສຸດ. ໃນຕະຫຼອດຊີວິດຂອງທ່ານ ໄດ້ປະກອບສ່ວນທີ່ມີລັກສະນະປະດິດສ້າງຢ່າງຫຼວງຫຼາຍເຂົ້າໃນຂົງເຂດຕ່າງໆຄືການພິມຈຳໜ່າຍແລະການແປບົດວັນນະຄະດີ, ສະນັ້ນໄດ້ຮັບຄວາມເຄົາລົບນັກຖືຈາກຄົນທັງຫລາຍ. ໃນໜຶ່ງປີກ່ອນ, ທ່ານເຟີງອີຕ້າຍນອນຢູ່ໂຮງໝໍຍ້ອນເປັນພະຍາດ, ຈຶ່ງຈຳເປັນຕ້ອງຢຸດຕິການອ່ານໜັງສືແລະແຕ່ງບົດປະພັນທີ່ຕົນມັກໃນປັດຊິມມະໄວ. ເຖິງຈະເປັນແນວນີ້ກໍຕາມ, ການທີ່ທ່ານເຖິງແກ່ກຳນັ້ນແມ່ນຄົນທັງຫຼາຍບໍ່ນຶກບໍ່ຝັນ. ທ່ານຕິງຊົງ ນັກແຕ້ມຮູບຕະຫຼົກທີ່ມີສື່ສຽງຂອງຈີນແມ່ນຊ່ຽວຂອງທ່ານເຟິງອີຕ້າຍ, ໃນເວລາໃຫ້ສຳພາດຕໍ່ນັກຂ່າວ, ທ່ານເວົ້າວ່າ:
ຂ້າພະເຈົ້າຮູ້ກັບທ່ານເຟິງອີຕ້າຍແມ່ນຫລັງຈາກໄປຮອດຮົງກົງເມື່ອທ້າຍປີ 1937, ແຕ່ນັ້ນມາຮອດປັດຈຸບັນ, ພວກເຮົາໄດ້ຮັກແພງກັນ 70 ກວ່າປີແລ້ວ. ລູກຊາຍເພີ່ນເວົ້າວ່າ, ເພີ່ນເປັນລົມອີກ, ພວກເຮົາຍັງນຶກວ່າບໍ່ເປັນຫຍັງ, ເພາະວ່າ, ກ່ອນນີ້ເພີ່ນເຄີຍເປັນລົມ 6-7 ເທື່ອແລ້ວ, ເພີ່ນກໍຜ່ານຜ່າໄດ້, ແຕ່ບໍ່ນຶກບໍ່ຝັນວ່າ, ເທື່ອນີ້ທ່ານພັດໄປໄວໂພດ, ຈົນບໍ່ມີໂອກາດຈະລົມກັນ, ເຮັດໃຫ້ເຮົາຮູ້ສຶກໂສກເສົ້າຫລາຍ.
ທ່ານເຟິງອີຕ້າຍເກີດຢູ່ເມືອງຫາງໂຈວແຂວງເຈີ້ຈຽງໃນປີ 1913, ແມ່ຂອງເພີ່ນເຄີຍຮຽນຢູ່ຍີ່ປຸ່ນ, ອາຍຸ 28 ປີ ເກີດທ່ານເຟີງອີຕ້າຍ, ເດືອນປາຍກໍເສຍຊີວິດຍ້ອນເປັນພະຍາດແມ່ລູກອ່ອນອອກໝາກ. ຕັ້ງແຕ່ທ່ານເຟິງອີຕ້າຍຮູ້ຄວາມເປັນຕົ້ນມາ, ມີແຕ່ຮູ້ຈັກແມ່ຈາກຮູບຖ່າຍ.
ປີ 1936, ທ່ານເຟີງອີຕ້າຍຮຽນຈົບຈາກມະຫາວິທະຍາໄລຮູຈຽງຊຽງໄຮ້, ຮຽນວິຊາການຄຸ້ມຄອງອຸດສາຫະກຳການຄ້າ. ໃນຊຸມປີຮຽນມະຫາວິທະຍາໄລ, ທ່ານເຟີງອີຕ້າຍຮູ້ຈັກກັບນາງເຈີ້ງອານນາ ສະມາຊິກກອງສິລະປະກຳພາສາອັງກິດ, ພາຍລຸນມາ, ສອງຄົນໄດ້ແຕ່ງດອງເປັນຜົວເມຍກັນ. ທ່ານຕິງຊົງ ນັກແຕ້ມຮູບຕະຫຼົກທີ່ມີສື່ສຽງຫວນຄືນວ່າ:
ທ່ານຮຽນວິຊາການຄຸ້ມຄອງອຸດສາຫະກຳການຄ້າຢູ່ມະຫາວິທະຍາໄລຮູຈຽງ, ມັກລະຄອນເວົ້າສິລະປະຫລາຍ. ພັນລະຍາຂອງເພີ່ນເປັນຜູ້ແປພາສາ, ສະນັ້ນສອງຄົນແປພາສານຳກັນ, ທ່ານດຸໝັ່ນຫລາຍ, ທັງຮັກຫອມຊີວິດ, ພາຍລຸນມາກໍກາຍເປັນນັກແປພາສາສະໝັກຫຼີ້ນ.
1 2
|
|
|
