|
|
 |
| (GMT+08:00)
2005-03-23 17:59:36
|
 |
|
ເພງປະມວນໜຶ່ງທີ່ຂັບຮ້ອງໂດຍນາງເມີງເກີ(ສຽງ)
cri
Author: huachunmei
ໃນການເຄື່ອນໄຫວສະຫລອງວັນສ້າງຕັ້ງປະເທດຈີນໃໝ່ຄົບຮອບ 50 ປີແລະສະຫລອງມາກາວກັບຄືນສູ່ປະເທດຊາດນັ້ນ, ນາງເມີງເກີໄດ້ຮ້ອງເພງ"ປະເທດຊາດ ຂ້າຂໍສົ່ງພອນແກ່ເຈົ້າຈົນຊົ່ວນິລັນດອນ", ໃນສຽງເພງທີ່ດັງກ້ອງກັງວານແລະແຈ່ມໃສເຕັມໄປດ້ວຍນ້ຳໃຈສະແຫວງຫາສິລະປະແລະຄວາມຮັກໄຄ່.
ເນື້ອເພງຮ້ອງວ່າ: ເຈົ້າແມ່ນທ້ອງຟ້າ, ຂ້າແມ່ນນົກສັນຕິພາບຂອງເຈົ້າ, ບິນເຫາະເຫີນໃນທ່າມກາງລົມລະດູບານໃໝ່, ເລົ່າຄວາມຮູ້ສຶກຢູ່ໃຕ້ແສງຕາເວັນຂອງເຈົ້າ. ຄວາມສວຍງາມຂອງຂ້າ, ຄວາມຮັກຄວາມແພງຂອງຂ້າ, ລ້ວນແຕ່ແມ່ນເພງທີ່ອວຍພອນເຈົ້າ.
ໃນພຶດຕິກຳສິລະປະຍາວນານ, ນາງເມີງເກີໄດ້ວາງຄາດໝາຍໃຫ້ແກ່ຕົນເອງສູງຂຶ້ນເລື້ອຍໆ, ໄດ້ສຸກງອມແລະກ້າວໜ້າຢ່າງບໍ່ຢຸດຢັ້ງ, ປີ 1995, ນາງໄດ້ກາຍເປັນນັກສຶກສາປະລິນຍາໂທຂອງວິຊາດົນຕີຊົນຊາດຂອງວິທະຍາຄານດົນຕີຈີນ. ໃນໄລຍະຮ່ຳຮຽນ, ນາງໄດ້ຮັບລາງວັນທີໜຶ່ງໃນການປະກວດນັກຮ້ອງດີເລີດທີ່ຜູ້ຟັງທົ່ວປະເທດຈີນມັກກວ່າໝູ່ສອງເທື່ອຕໍ່ເນື່ອງ. ນອກນັ້ນ, ນາງເມີງເກີຍັງໄດ້ຕິດຕາມຄະນະຜູ້ແທນສິນລະປິນຈີນໄປຢ້ຽມຢາມປະເທດແລະເຂດແຄວ້ນຕ່າງໆຄືການາດາ ສິງກະໂປແລະຍີ່ປຸ່ນເປັນຕົ້ນ, ສຽງຄໍທີ່ເສາະໃສ, ແລະລີລາສະແດງອັນນິ້ມນວນ, ລ້ວນແຕ່ໄດ້ຮັບຄວາມຊົມເຊີຍຈາກຜູ້ຟັງຕ່າງປະເທດ.
ທ່ານຜູ້ຟັງ, ມ້ວນທ້າຍລາຍການມື້ນີ້, ເຊີນຟັງເພງ"ຂໍຄວາມອວຍພອນໝົດທຸກຢ່າງ" ຂັບຮ້ອງໂດຍນາງເມີງເກີ.
"ທາງນີ້ແມ່ນນົດເພງທີ່ມ່ວນປານສຽງໄຂ່ມຸກຕົກສົ່ນໃສ່ພາແກ້ວ, ທາງນັ້ນແມ່ນວາດຟ້ອນທີ່ສວຍງາມປານກີບດອກໄມ້ທີ່ປີວເປື້ອງເຕັມທ້ອງຟ້າ. ພວກເຮົາຖາມຂ່າວຫາກັນ, ຖະໜອມຄວາມຊົງຈຳທີ່ລືມຍາກ, ພວກເຮົາຍົກຈອກດື່ມເພື່ອຮັກສາຄວາມຮັກໄຄ່ອັນຈິງໃຈ, ໃນຍາມທີ່ເຕົ່າໂຮມກັນຢ່າງມ່ວນຊື່ນນີ້, ຂໍໃຫ້ພວກເຮົາຈົ່ງຖະໜອມຜາສຸດທຸກຢ່າງ, ພ້ອມກັນມຸ່ງໄປຫາອະນາຄົດທີ່ດີງາມ. " ທ່ານຜູ້ຟັງທີ່ເຄົາລົບ, ຄຽງຄູ່ກັບສຽງເພງອັນໄພເລາະຂອງນາງເມີງເກີ ນັກຮ້ອງຊາວໜຸ່ມທີ່ມີຊື່ສຽງຂອງຈີນ, ລາຍການນັດພົບໃນວັນອາທິດພາກນີ້ຂໍຈົບລົງພຽງທໍ່ນີ້, ສົມບູນແລະກຸຫລາບຜູ້ຮຽບຮຽງຂອບໃຈທ່ານທີ່ຮັບຟັງ, ພົບກັນໃໝ່ໃນວັນອາທິດໜ້າ, ສະບາຍດີ.
1 2
|
|
|
