|
|
 |
| (GMT+08:00)
2005-03-30 21:20:59
|
 |
|
ຈີນອອກແຮງສົ່ງເສີມໃຫ້ປົກປ້ອງລິຂະສິດ(ສຽງ)
cri
Author: mo
|
ທ້າຍເດືອນກຸມພາປີນີ້, ກົມລິຂະສິດແຫ່ງຊາດຈີນໄດ້ຈັດການເຄື່ອນໄຫວຕ່າງໆຄືງານຄອນເສີດດາລາເພງເປັນຕົ້ນເພື່ອປົກປ້ອງລິຂະສິດ, ແລະເພື່ອໃຫ້ສັງຄົມແລະສາທາລະນະຊົນມີສະຕິປົກປ້ອງລິຂະສິດຫລາຍຂຶ້ນຕື່ມອີກ, ການເຄື່ອນໄຫວເຫຼົ່ານີ້ໄດ້ມີຜົນສະທ້ອນຢ່າງຟົດຟື້ນ.
ທີ່ທ່ານພວມຟັງຢູ່ນີ້ແມ່ນອັດສຽງງານສະຖານທີ່ຈັດງານຄອນເສີດດາລາເພງຮ້ອຍຄົນປົກປ້ອງລິຂະສິດທີ່ກົມລິຂະສິດແຫ່ງຊາດຈີນຈັດຂຶ້ນ, ງານຄອນເສີດມີຫົວເລື່ອງວ່າ"ຮັກສາບ້ານແຫ່ງນ້ຳໃຈຂອງພວກເຮົາ", ດາລາເພງນັບເປັນຮ້ອຍຄົນທີ່ມາຈາກແຜ່ນດິນໃຫຍ່ປະເທດຊາດ, ຮົງກົງ ໄຕ້ຫວັນແລະສ.ເກົາຫລີໄດ້ພ້ອມກັນຮ້ອງເພງ"Shouwang" ເຝົ້າຮັກສາ, ຮຽກຮ້ອງໃຫ້ສາທາລະນະຊົນປົກປ້ອງສິດຊັບສິນທາງປັນຍາດ້ວຍການກະທຳຕົວຈິງ, ເຝົ້າຮັກສາບ້ານແຫ່ງນ້ຳໃຈຂອງມວນມະນຸດ.
ໃນຊຸມປີ 80-90 ສະຕະວັດທີ່ແລ້ວ, ຈີນເຄີຍຈັດງານຄ່ອນເສີດດາລາເພງຮ້ອຍຄົນທີ່ມີຜົນສະທ້ອນຫລາຍທີ່ສຸດໃນສັງຄົມ ເຊິ່ງຕ່າງມີຫົວຂໍ້ວ່າ: "ສັນຕິພາບຂອງໂລກ"ແລະ"ອະນຸລັກສິ່ງແວດລ້ອມ". ໃນສະຕະວັດໃໝ່, ການປົກປ້ອງສິດຊັບສິນທາງປັນຍາໄດ້ກາຍເປັນຈຸດສຸມທີ່ລັດຖະບານແລະສັງຄົມຈີນເອົາໃຈໃສ່ນຳກັນ, ລັດຖະບານຈີນໄດ້ຈັດເອົາການປົກປ້ອງສິດຊັບສິນທາງປັນຍາເປັນວຽກງານຈຸດໜັກໃນການປັບປຸງສັບຊ້ອນໃຫ້ລະບຽບເສດຖະກິດຕະຫລາດເປັນແບບສະບັບສອງປີລຽນຕິດ, ເພື່ອສະແດງໃຫ້ເຫັນທ່າທີແລະຄວາມຕັດສິນໃຈຂອງລັດຖະບານຈີນໃນການປົກປ້ອງສິດຊັບສິນທາງປັນຍາ, ປຸກລະດົມທົ່ວສັງຄົມໃຫ້ເອົາໃຈໃສ່ແລະສະໜັບສະໜູນວຽກງານປົກປ້ອງສິດຊັບສິນທາງປັນຍາ, ຍົກສະຕິປົກປ້ອງລິຂະສິດຂອງສັງຄົມແລະສາທາລະນະຊົນໃຫ້ສູງຂື້ນຕື່ມ, ກົມລິຂະສິດແຫ່ງຊາດຈີນ, ກົມການໜັງສືພິມແລະພິມຈຳໜ່າຍ, ແລະອົງການປົກຄອງນະຄອນປັກກິ່ງໄດ້ພ້ອມກັນຈັດງານຄ່ອນເສີດດາລາເພງຮ້ອຍຄົນ"ປົກປ້ອງລິຂະສິດ"ເທື່ອນີ້.
ທ່ານຢຽນສຽວຫົງ ຮອງຫົວໜ້າກົມປົກປ້ອງລິຂະສິດແຫ່ງຊາດຈີນແນະນຳວ່າ:
ງານຄ່ອນເສີດເທື່ອນີ້ແມ່ນການເຄື່ອນໄຫວແລະມາດຕະການຕົວຈິງໜຶ່ງໃນດ້ານໂຄສະນາການສຶກສາຂອງພວກເຮົາ, ມັນບໍ່ພຽງແຕ່ງານຄ່ອນເສີດຮ້ອງເພງຂອງດາລາທັງຫລາຍທໍ່ນັ້ນ, ຫາກແມ່ນໄດ້ເອົາດາລາເພງທີ່ມວນຊົນນິຍົມພົວພັນກັບເລື່ອງປົກປ້ອງລິຂະສິດ, ເຮັດແບບນີ້ອາດຈະເກີດມີຜົນສະທ້ອນໃນສັງຄົມວ່ອງໄວແລະແຂງແຮງກວ່າ.
ເພື່ອສົມທົບກັບງານຄ່ອນເສີດ, ອອກສຽງສະໜັບສະໜູນການເຄື່ອນໄຫວປົກປ້ອງລິຂະສິດ, ກົມລິຂະສິດແຫ່ງຊາດຈີນຍັງໄດ້ດຳເນີນການເຄື່ອນໄຫວຕ່າງໆ. ເຊັ່ນ:ໃນມື້ຈັດງານຄ່ອນເສີດ, ນະຄອນປັກກິ່ງໄດ້ທຳລາຍແຜ່ນCDລອກແບບຫລາຍໝື່ນແຜ່ນແລະປື້ມໜັງສືທີ່ລັກລອກແບບເຊິ່ງຍຶດໄດ້ໃນໄລຍະມໍ່ໆນີ້, ບຸກຄົນວົງການສິລະປະສ່ວນໜຶ່ງກໍມາຊ່ອຍ, ເອົາສິ່ງລັກລອກແບບເຫຼົ່ານີ້ປ່ອນໃສ່ຈັກບົດ. ໃນພິທີທຳລາຍສິ່ງລອກແບບ, ທ່ານນາງຊຸນຊ້ຽງຕຸ່ງ ຫົວໜ້າພະແນກລິຂະສິດນະຄອນປັກກິ່ງກ່າວວ່າ,
ໃນຫລາຍປີມານີ້, ປັກກິ່ງໄດ້ຈັດພິທີທຳລາຍສິ່ງລອກແບບຢ່າງຂະໜາດໃຫຍ່ຊູ່ປີ, ແຕ່ການໃຫ້ເຈົ້າພາບລິຂະສິດທຳລາຍສິ່ງລອກແບບທີ່ລ່ວງສິດເຫຼົ່ານີ້ເອົາເອງນັ້ນ, ເທື່ອນີ້ແມ່ນເທື່ອທຳອິດ, ຈາກການເຄື່ອນໄຫວທື່ອນີ້, ພວກເຮົາຫວັງໃຫ້ບຸກຄົນວົງການສິລະປະທີ່ເຂົ້າຮ່ວມພິທີທຳລາຍມື້ນີ້ສົ່ງສຽງຮຽກຮ້ອງຢ່າງກວ້າງຂວາງ, ປຸກລະດົມໃຫ້ທົ່ວສັງຄົມສົນໃຈແລະສະໜັບສະໜູນວຽກງານປົກປ້ອງສິດຊັບສິນທາງປັນຍາ.
1 2
|
|
|
