|
|
 |
| (GMT+08:00)
2005-03-30 21:20:59
|
 |
|
ຈີນອອກແຮງສົ່ງເສີມໃຫ້ປົກປ້ອງລິຂະສິດ(ສຽງ)
cri
Author: mo
"ກອງປະຊຸມສຸດຍອດກ່ຽວກັບການປົກປ້ອງລິຂະສິດເຄື່ອງສຽງແລະພາບຂອງຈີນ"ທີ່ສະມາຄົມເຄື່ອງສຽງແລະພາບຂອງຈີນເປັນເຈົ້າພາບນັ້ນກໍໄດ້ຈັດຂຶ້ນພ້ອມກັນ. ໃນກອງປະຊຸມ, ວົງການເຄື່ອງສຽງແລະພາບຂອງຈີນໄດ້ເປັນເອກະສັນກັນຜ່ານຮັບຮອງເອົາ"ຄຳຖະແຫຼງການປັກກິ່ງ--ວົງການເຄື່ອງສຽງແລະພາບຈີນຕ້ານການລອກແບບ: ເຝົ້າຮັກສາບ້ານແຫ່ງນ້ຳໃຈຂອງພວກເຮົາ", ໄດ້ສະແດງໃຫ້ເຫັນຄວາມຕັດສິນໃຈແລະຄວາມໝັ້ນໃຈຂອງລັດຖະບານ ວົງການສິລະປະ ວົງການເຄື່ອງສຽງແລະພາບແລະສາທາລະນະຊົນອັນໄພສານທີ່ຈະພ້ອມກັນປົກປ້ອງລິຂະສິດ.
ການເຄື່ອນໄຫວໂຄສະນາປົກປ້ອງລິຂະສິດຂອງກົມລິຂະສິດແຫ່ງຊາດຈີນຍັງໄດ້ຜ່ານຈາກອິນເຕີເນັດ ຂໍ້ຄວາມສັ້ນ ແລະວິທະຍຸ, ຄັດເລືອກແລະປະກວດ"ຜູ້ໂຄສະນາການປົກປ້ອງລິຂະສິດປະຈຳປີຂອງຈີນ", ທ່ານເຝິງສຽວກາງ ຜູ້ກຳກັບການສະແດງຮູບເງົາທີ່ມີຊື່ສຽງຂອງຈີນໄດ້ຮັບເລືອກຕັ້ງເປັນຜູ້ໂຄສະນາການປົກປ້ອງລິຂະສິດປະຈຳປີຂອງຈີນຜູ້ທຳອິດ. ຮູບເງົາສະຫຼອງປີໃໝ່ທີ່ທ່ານເຝິງສຽວກາງກຳກັບການສະແດງນັ້ນໄດ້ຮັບຄວາມຊົມເຊີຍຫລາຍຈາກຜູ້ຊົມຈີນ, ໄດ້ສ້າງຜົນງານດີເດັ່ນໃນການຂາຍປີ້ຫລາຍປີລຽນຕິດ, ສິ່ງປະພັນຂອງທ່ານຖືກລອກແບບຫລາຍ, ທ່ານໄດ້ອອກແຮງຕໍ່ສູ້ກັບການລ່ວງສິດແລະລັກລອກແບບເປັນເວລາຍາວນານ. ໃນກອງປະຊຸມສຸດຍອດດັ່ງກາວ, ທ່ານເຝິງສຽວກາງກ່າວວ່າ:
ໃນຫລາຍປີມານີ້, ຮູບເງົາຂອງຂ້າພະເຈົ້າຖືກລອກແບບຢູ່ບໍ່ຂາດ, ທີ່ຈິງແລ້ວ, ຂ້າພະເຈົ້າກໍແມ່ນຜູ້ໜຶ່ງທີ່ຖືກເສຍຫານທາງສິດປະໂຫຍດເຊັ່ນກັນ. ສະນັ້ນ, ຂ້າພະເຈົ້າຈຶ່ງເຫັນວ່າ ລັດຖະບານຈັດການເຄື່ອນໄຫວທຳລາຍສີ່ງລອກແບບແລະປົກປ້ອງສິດຊັບສິນທາງປັນຍາຢ່າງຂະໜາດໃຫຍ່ໃນມື້ນີ້, ແມ່ນທັນການທີ່ສຸດ, ຂ້າພະເຈົ້າຫວັງໃຫ້ທົ່ວປວງຊົນຈົ່ງຕອບສະໜອງຄວາມຮຽກຮ້ອງຂອງພວກຂ້າພະເຈົ້າ, ພ້ອມກັນລຸກຂຶ້ນຕ້ານການລັກລອກແບບ.
ແຕ່ຈີນປະຕິບັດກົດໝາຍວ່າດ້ວຍສິດປະພັນເມື່ອປີ 1991 ເປັນຕົ້ນມາ, ໃນຂະນະທີ່ສ້າງລະບົບກົດໝາຍແລະປະຕິບັດກົດໝາຍປົກປ້ອງລິຂະສິດບໍ່ຂາດສາຍນັ້ນ, ລັດຖະບານຈີນຍັງໄດ້ສຸມກຳລັງເຜີຍແຜ່ກົດໝາຍແລະການສຶກສາຢ່າງບໍ່ຢຸດຢັ້ງ, ຍົກສະຕິປົກປ້ອງສິດທິບັດຂອງສັງຄົມແລະສາທາລະນະຊົນໃຫ້ສູງຂຶ້ນເລື້ອຍໆ.
ຕາມຊາບວ່າ, ປີນີ້, ກົມລິຂະສິດແຫ່ງຊາດຈີນຈະຈັດການເຄື່ອນໄຫວສຶກສາ ການປົກປ້ອງລິຂະສິດໃນໝູ່ນັກຮຽນມັດທະຍົມ300 ລ້ານຄົນໃນທົ່ວປະເທດ, ຫວັງຜ່ານຈາກຄວາມພະຍາຍາມຍາວນານຕໍ່ເນື່ອງກັນ, ສ້າງສະພາບແວດລ້ອມປົກປ້ອງລິຂະສິດເປັນຢ່າງດີ.
1 2
|
|
|
