|
|
 |
| (GMT+08:00)
2005-03-31 16:47:32
|
 |
|
ຈີນເອົາໃຈໃສ່ນຳບັນຫາຮັກສາສຸຂະພາບຂອງຊາວນາທີ່ໄປເຮັດການຢູ່ໃນຕົວເມືອງ
cri
Author: huachunmei
ຄຽງຄູ່ກັບເສດຖະກິດຈີນໄດ້ມີການພັດທະນາ, ແຮງງານເຫຼືອຢູ່ຊົນນະບົດຢ່າງຫຼວງຫຼາຍ, ພວກເຂົ້າໄປເຮັດການໃນຕົວເມືອງໃຫຍ່ແລະຜ້ານກາງ, ຊາວທີ່ໄປເຮັດການຢູ່ໃນຕົວເມືອງເຫຼົ່ານີ້, ສ່ວນຫຼາຍແມ່ນເຮັດວຽກລຳບາກແລະມີລາຍຮັບຂ້ອນຂ້າງໜ້ອຍ, ຕົວຢູ່ຄືຜູ້ບໍລິການໃນຮ້ານອາຫານຂະໜາດກາງແລະນ້ອຍ, ກຳມະກອນກໍ່ສ້າງ ພໍ່ຄ້າຊາວຂາຍໃນຕະຫຼາດເຊົ້າແລະກໍ່ຜູ້ເຮັດອະນາໄມເທດສະບານເປັນຕົ້ນ. ສະນັ້ນ, ພາກສ່ວນຕ່າງໆຂອງອົງການປົກຄອງທຸກຂັ້ນຂອງຈີນນັບມື້ນັບເອົາໃຈໃສ່ນຳການອູ້ມຊູແລະຊ່ອຍເຫຼືອແຮງງານເຫຼົ່ານີ້, ໃນນັ້ນ, ພາກສ່ວນຄຸ້ມຄອງການກິລາຂອງອົງການປົກຄອງທີ່ຖືການເອົາໃຈໃສ່ນຳສຸຂະພາບຂອງຊາວນາທີ່ໄປເຮັດການໃນຕົວເມືອງ, ການຊີ້ນຳພວກເຂົາເຈົ້າຮັກສາສຸຂະພາບຕາມຫຼັກວິທະຍາສາດເປັນວຽກງານສຳຄັນລາຍໜຶ່ງ.
ໃນທ້າຍປີກາຍ, ງານກິລາທີ່ໃຫ້ຊື່ວ່າ"ງານກິລາບ້ານເກີດແຫ່ງທີສອງ"ໄດ້ຈັດຂຶ້ນຢູ່ເຂດເສົາຢາງ ໃຈກາງນະຄອນປັກກິ່ງ, ລວມມີ 1000 ກວ່າຄົນໄດ້ເຂົ້າຮ່ວມການແຂ່ງຂັນ.
ທ່ານວາງປາວເຫີ ຮອງຫົວໜ້າພະແນກກິລາເຂດເສົາຢາງ ຜູ້ຈັດຕັ້ງງານກິລາສະເໜີວ່າ, ນີ້ແມ່ນເຂດເສົາຢາງຈັດງານກິລາແນວນີ້ເປັນຄັ້ງທຳອິດ.ທ່ານເວົ້າວ່າ: "ໃນຫຼາຍປີມານີ້, ຄຽງຄູ່ກັບການສ້າງສາແລະພັດທະນາຂອງນະຄອນປັກກິ່ງ, ຊາວນາຕ່າງຖິ່ນທີ່ມາເຮັດການຢູ່ນະຄອນປັກກິ່ງໄດ້ປະກອບສ່ວນອັນໃຫຍ່ຫຼວງເຂົ້າໃນການສ້າງສາເຂດເສົາຢາງແລະປັກກິ່ງ, ຖ້າບໍ່ມີຊາວນາຕ່າງຖິ່ນທີ່ມາເຂົ້າຮ່ວມການສ້າງສາແລ້ວ, ປັກກິ່ງກໍອາດຈະບໍ່ໄດ້ພັດທະນາເຖິງລະດັບປະຈຸບັນນີ້. ພະແນກກິລາເຂດເສົງຢາງຈັດງານກິລາດັ່ງກ່າວມີຈຸດປະສົງຢາກເຮັດໃຫ້ສຸຂະພາບຂອງພວກເຂົາເຈົ້າແຂງແຮງຂຶ້ນ, ໃຫ້ເຂົາເຈົ້າປະກອບສ່ວນດີກວ່າເກົ່າເຂົ້າໃນການສ້າງສາແລະພັດທະນາປັກກິ່ງ."
ຊາວນາຕ່າງຖິ່ນທີ່ມາເຮັດການຢູ່ນະຄອນປັກກິ່ງມີປະມານ 1 ລ້ານກວ່າຄົນ, ໃນນັ້ນ, ຢູ່ເຂດເສົາຢາງ ເຊິ່ງເປັນເຂດພັດທະນາໄວກວ່າໝູ່ກໍມີຫຼາຍແສນຄົນ. ຍ້ອນລາຍຮັບຂອງເຂົາເຈົ້າຂ້ອນຂ້າງຕ່ຳ, ສະນັ້ນ, ພວກເຂົ້າສ່ວນຫຼາຍບໍ່ຢາກໃຊ້ເງິນໄປຫຼິ້ນກິລາເພື່ອສຸຂະພາບ, ຫຼາຍຄົນກໍບໍ່ຄວາມຊິນເຄີຍໃນດ້ານນີ້. ເມື່ອທຽບກັບກິລາເພີດທີ່ເຂດຄຸ້ມເຮືອນຢູ່ໃນຕົວເມືອງຈັດຂຶ້ນນັ້ນແລ້ວ, ການກິລາແລະການແຂ່ງຂັນສຳລັບຊາວນາທີ່ເຮັດວຽກຢູ່ໃນຕົວເມືອງມີໜ້ອຍທີ່ສຸດ, ສະພາບສຸຂະພາບຂອງເຂົາເຈົ້າໄດ້ພາໃຫ້ຄົນທັງຫຼາຍເປັນຫ່ວງນຳ. ທ່ານວາງປາວເຫີກ່າວວ່າ, ພະແນກກິລາເຂດເສົາຢາງຈັດ"ງານກິລາບ້ານເກີດແຫ່ງທິສອງ", ກໍຢາກບອກໃຫ້ຊາວນາທີ່ມາເຮັດການຢູ່ປັກກິ່ງຊາບວ່າ, ເຂົາເຈົ້າບໍ່ໄດ້ຖືກອົງການປົກຄອງປັກກິ່ງລືມໄປຈັກເທື່ອ.
ທ່ານວາງປາວເຫີເວົ້າວ່າ, "ພວກຂ້າພະເຈົ້າຫວັງຜ່ານການຈັດງານກິລາຄືແນວນີ້ມາລະດົມຄວາມຫ້າວຫັນຮັກສາສຸຂະພາບຂອງຊາວນາທີ່ມາເຮັດການຢູ່ປັກກິ່ງ, ຊ່ອຍເຂົາເຈົ້າສ້າງຄວາມຊິນເຄີຍຝຶກຫັດຮ່າງກາຍ". ໃນໝູ່ພວກເຂົາເຈົ້າ, ສ່ວນຫຼາຍແມ່ນອອກແຮງງານດ້ວຍກຳລັງກາຍ. ທ່ານວາງປາວເຫີກ່າວວ່າ,"ພວກຂ້າພະເຈົ້າຍັງຫວັງຊ່ອຍເຂົາເຈົ້າຕັ້ງທັດສະນະຢ່າງໜຶ່ງຂຶ້ນ. ນັ້ນກໍ່ຄືອອກແຮງງານດ້ວຍກຳລັງການຈະເຂົ້າແທນການຮັກສາສຸຂະພາບຕາມຫຼັກວິທະຍາສາດບໍ່ໄດ້."
1 2
|
|
|
