|
|
 |
| (GMT+08:00)
2005-03-31 16:47:32
|
 |
|
ຈີນເອົາໃຈໃສ່ນຳບັນຫາຮັກສາສຸຂະພາບຂອງຊາວນາທີ່ໄປເຮັດການຢູ່ໃນຕົວເມືອງ
cri
Author: huachunmei
ສຳລັບບັນຫາຊາວນາຜູ້ມາເຮັດການຢູ່ປັກກິ່ງຢ່າງຫຼວງຫຼາຍບໍ່ມີເງິນບໍລິໂພກຫຼິ້ນກິລານັ້ນ, ທ່ານວາງປາວເຫີກ່າວວ່າ, ຈະສາມາດຊອກຫາວິທີແກ້ໄຂໃຫ້ຕົກໄດ້. ປະຈຸບັນ, ຢູ່ຕົວເມືອງໃຫຍ່, ຄື, ປັກກິ່ງ ຊຽງໄຮ້ແລະກວາງໂຈ່ວເປັນຕົ້ນໄດ້ຕິດຕັ້ງເຄື່ອງຫຼິ້ນກິລາຢູ່ສະຖານທີ່ສາທາລະນະຫຼາຍແຫ່ງ. ນີ້ບໍ່ພຽງແຕ່ໄດ້ອຳນວຍຄວາມສະດວກໃຫ້ໄທເມືອງໃນການຫັດກາຍບໍລິຫານທໍ່ນັ້ນ, ຫາກຍັງອຳນວຍຄວາມສະດວກໃຫ້ຊາວນາທີ່ເຮັດວຽກຢູ່ຕົວເມືອງໃນການຫັດກາຍບໍລິຫານອີກດ້ວຍ. ນອກນີ້, ຊາວນາທີ່ເຮັດການໃນຕົວເມືອງຍັງສາມາດເລືອກຮູບແບບຫັດກາຍບໍລິຫານທີ່ບໍ່ຕ້ອງເສຍຄ່າຫຼືເສຍຄ່າໜ້ອຍ, ຄື, ແອໂຣບິກ ການແລ່ນແລະຕີດອກປີກໄກ່ເປັນຕົ້ນ, ກໍຈະໄດ້ຮັບຜົນດີເຊັ່ນດຽວກັນ.
ຕາມສະເໜີວ່າ, ກົມໃຫຍ່ກິລາແຫ່ງຊາດຈີນໄດ້ຖືກການເພີ່ມທະວີການບໍລີການດ້ານການຮັກສາສຸຂະພາບຂອງຊາວນາທີ່ເຮັດການຢູ່ໃນຕົວເມືອງເປັນວຽກງານຈຸດໜັກລາຍໜຶ່ງໃນການຜັນຂະຫຍາຍແຜນການຮັກສາສຸຂະພາບທົ່ວປວງຊົນໃນຫຼາຍປີຂ້າງໜ້າ. ພາຍໃຕ້ການລິເລີ່ມຂອງສື່ມວນຊົນແລະອົງການຄຸ້ມຄອງການກິລາ, ວິສາຫະກິດໃນຕົວເມືອງຂອງຈີນຈຳນວນໜຶ່ງທີ່ມີຊາວນາເຮັດການຂ້ອນຫຼາຍນັ້ນໄດ້ທະຍອຍກັນຈັດຕັ້ງກຳມະກອນໃນວິສາຫະກິດຕົນເຂົ້າຮ່ວມການຫຼິ້ນກິລາຫັດການບໍລິຫານ, ນີ້ໄດ້ກາຍເປັນວິທີບັງເກີດຜົນຊະນິດໜຶ່ງໃນກາຍປົວແປງສຸຂະພາບຂອງຊາວນາທີ່ເຮັດການໃນຕົວເມືອງ. ນາງລີລີ້ເຟີນມາຈາກແຂວງເຫີໄປແມ່ນໜຶ່ງໃນຊາວນາ 1000 ກວ່າຄົນທີ່ເຮັດການຢູ່ລີສອດເຊຕາວທີ່ປັກກິ່ງ.
ນາງເວົ້າວ່າ, "ຂ້າພະເຈົ້າມາເຮັດວຽກຢູ່ລີສອດເຊຕາວກວ່າເຄິ່ງປີແລ້ວ, ປີໃດພວກຂ້າພະເຈົ້າກໍໄດ້ຈັດງານກິລາຫຼາຍເທື່ອ, ມີການແລ່ນທົນ 5000 ແມັດ ຕີປິງປອງ ລູກທຸ້ມແລະດຶງເຊືອກເປັນຕົ້ນ, ເທື່ອໃນຂ້າພະເຈົ້າກໍ່ເຂົ້າຮ່ວມການແຂ້ງຂັນ, ງານກິລາແບບນີ້ມີຜົນດີຕໍ່ສຸຂະພາບຂອງພວກເຮົາ, ທັງຊ່ອຍໃຫ້ພວກເຮົາສ້າງຄວາມຊິນເຄີຍຫັນກາຍບໍລິຫານ. ໃນຍາມທຳມະດາ, ຂ້າພະເຈົ້າຫັດກາຍທຸກໆມື້, ໄປແລ່ນໃນຕອນເຊົ້າທຸກໆມື້."
ດຽວນນີ້, ຮ້ານອາຫານ ຮ້ານເສີມສວຍບໍ່ໜ້ອຍຢູ່ປັກກິ່ງໄດ້ຈັດຕັ້ງລູກຈ້າງເຕັ້ນແອໂຣບິກຢູ່ໜ້າປະຕູຮ້ານໃນທຸກມຶ້, ນີ້ໄດ້ກາຍເປັນພາບວິວອັນໜຶ່ງຢູ່ຕາມຖະໜົນປັກກິ່ງ, ເມື່ອ 5-6 ປີກ່ອນ, ສະພາບເຫຼົ່ານີ້ມີບໍ່ໜ້ອຍ.
ທ່ານວາງປາວເຫີ ຮອງຫົວໜ້າພະແນກກິລາເຂດເສົາຢາງນະຄອນປັກກິ່ງເວົ້າວ່າ, "ປະຈຸບັນ, ລັດຖະບານສົ່ງເສີມການຄຸ້ມຄອງຕ້ອງຖືຄົນເປັນກົກ, ນີ້ກໍ່ແມ່ນຕ້ອງເອົາໃຈໃສ່ນຳກຸ່ມຄົນຕ່າງໆເປັນຢ່າງດີ, ເອົາໃຈໃສ່ນຳສຸຂະພາບດ້ານຮ່າງກາຍແລະດ້ານຈິດໃຈຂອງພວກເຂົາເຈົ້າ, ລວມທັງການປະກອບອາຊີບແລະການອົບຮົມພວກເຂົາເຈົ້າ. ສຳລັບກຸ່ມຄົນ ຄື, ຊາວນາທີ່ເຮັດການຢູ່ໃນຕົວເມືອງ, ພວກຂ້າພະເຈົ້ານັບມຶ້ນັບຮູ້ສຶກວ່າ, ໃນການພັດທະນາແລະກໍ່ສ້າງຂອງຂະແໜງການຕ່າງໆຢູ່ປັກກິ່ງ, ກຸ່ມຄົນເຫຼົ່ານີ້ມີຄຸນງາມຄວາມດີທີ່ປະຕິເສດບໍ່ໄດ້. ຖ້າກຸ່ມຄົນນີ້ຈາກປັກກິ່ງໄປແລ້ວ, ຈົນຮອດອາຫານເຊົ້າຂອງຄົນປັກກິ່ງກໍ່ອາດຈະເປັນບັນຫາ, ກໍຈະບໍ່ມີຄົນຂາຍຜັກທຸກມື້, ຕະຫຼາດເຊົ້າກໍເປັນບັນຫາຄືກັນ. ສະນັ້ນ, ພວກຂ້າພະເຈົ້າຕ້ອງເອົາໃຈໃສ່ນຳກຸ່ມຄົນນີ້."
1 2
|
|
|
