|
|
 |
| (GMT+08:00)
2005-03-31 17:09:06
|
 |
|
ເມືອງກວາງໂຈວ:ການຍົກຍ້າຍແບບມີອາລະຍະທຳເຮັດໃຫ້ການຍົກຍ້າຍໃນຕົວເມືອງຫາຍຄວາມເຈັບປວດ
cri
ຊີວິດການເປັນຢູ່ຂອງຄອບຄົວທີ່ຕ້ອງຍົກຍ້າຍມີຄວາມຫຍຸ້ງຍາກ ຫລາຍ,ຈິ່ງມີຄົນໄປຮ້ອງທຸກຕໍູ່ພາກສ່ວນທີ່ກ່ຽວຂ້ອງເລື້ອຍໆ,ນີ້ກໍ່ແມ່ນຄວາມເຈັບປວດແຫ່ງການຍົກຍ້າຍໃນຕົວເມືອງຂອງຈີນ.ໃນຫລາຍປີມານີ້, ເມືອງກວາງໂຈວໄດ້ອອກແຮງສ້າງເບົ້າແບບເຮັດວຽກແບບໃຫມ່ໃນການຍົກຍ້າຍຄື:ຖືຄົນເປັນກົກ,ຍົກຍ້າຍແບບມີອາລະຍະທຳ,ເຮັດໃຫ້ບັນຫາຈັດວາງແລະເກື້ອກູນຄອບຄົວທີ່ຕ້ອງຍົກຍ້າຍອອກຈາກບ່ອນທີ່ຄ້າຄາກັນ 125 ບ່ອນທີ່ຕົກທອດມາແຕ່ປະຫວັດສາດໄດ້ຮັບການແກ້ໄຂຫລືໄດ້ວາງແຜນແກ້ໄຂໃນເບື້ອງຕົ້ນ,ສ່ວນໂຄງການສ້າງໃຫມ່ກໍ່ບໍ່ມີບັນຫາທີ່ຄາກັນອີກແລ້ວ,ແລະບໍ່ໄດ້ເກີດເຫດການລະເມີດກົດຫມາຍແລະກົດຂໍ້ກຳນົດໃນການຍົກຍ້າຍອີກ,ການກ່າວຟ້ອງຂອງມວນຊົນກໍ່ຫລຸດຫນ້ອຍຢ່າງຫລວງຫລາຍ.
ຕາມການສຳຫລວດຂອງພະແນກຄຸ້ມຄອງເຮືອນຢູ່ແລະທີ່ດິນເມືອງກວາງໂຈວໃນເດືອນຕຸລາປີ 2003,ສະຖານທີ່ກໍ່ສ້າງທີ່ມີບັນຫາຄ້າງຄາກັນຢູ່ທີ່ຈົດທະບຽນໃນທົ່ວເມືອງມີ 125 ບ່ອນ, ກິນເນື້ອທີ່ 9 ແສນກວ່າແມັດຕາ, ກ່ຽວພັນເຖິງຜູ່ຕ້ອງຍົກຍ້າຍ 40000 ກວ່າຄົນ. ຍ້ອນສະຖານທີ່ມີບັນຫາເຫລົ່ານີ້ສ່ວນຫລາຍຕັ້ງຢູ່ເຂດເມືອງເກົ່າ, ຄອບຄົວທີ່ຖືກຍົກຍ້າຍສ່ວນຫລາຍ ບໍ່ຮັ່ງ, ຫລັງຈາກຍົກຍ້າຍແລ້ວ,ຍ້ອນສິດປະໂຫຍດທາງກົດຫມາຍບໍ່ຮັບປະ ກັນ,ຊີວິດການເປັນຢູ່ຂອງເຂົາເຈົ້າສ່ວນຫລາຍຈິ່ງຕົກຢູ່ໃນສະພາບຫຍຸ້ງຍາກ,ເລີຍໄປກ່າວຟ້ອງຮ້ອງທຸກເລື້ອຍໆ.
ໂດຍແນໃສ່ສະພາບແນວນີ້, ຄະນະພັກແລະອົງການປົກຄອງເມືອງກວາງໂຈວໄດ້ຄົ້ນຄວ້າຫລາຍເທື່ອ, ຕົກລົງໃຫ້ພະແນກຄຸ້ມຄອງເຮືອນຢູ່ແລະທີ່ດິນເມືອງກວາງໂຈວເປັນຜູ່ຮັບຜິດຊອບ, ໃຊ້ສາມວິທີມາແກ້ໄຂຄື ຈັດວາງໃຫ້ຍ້າຍຄືນບ່ອນເກົ່າທີ່ໄດ້ສ້ອມແປງແລ້ວ, ຈັດວາງການຍົກບ້າຍສ້າງພາຍ ຫລັງສ້າງໃຫມ່,ເກື້ອກູນຫລືຂາຍຕາມກົດຫມາຍ.
ພາຍຫລັງໄດ້ປະຕິບັດຕາມສາມວິທີດັ່ງກ່າວແລ້ວ, ໄດ້ຮັບຜົນສັກສິດ.
ປະຈຸບັນ,ສະຖານທີ່ກໍ່ສ້າງທີ່ຄ້າງຄາຢູ່ 125 ບ່ອນໃນທົ່ວເມືອງມີ 42 ບ່ອນໄດ້ແກ້ໄຂບັນຫາຈັດວາງແລະໃຫ້ຄ່າເກື້ອກູນແກ່ຜູ່ຍົກຄາຍຢ່າງເຫມາະສົມຫລືບຸກເບີກຄືນໃຫມ່ເປັນປົກກະຕິ, ແລະໄດ້ຈ່າຍຄ່າຍົກຍ້າຍຊົ່ວຄາວຕາມເວລາກຳນົດ;ຫົວຫນ່ວຍທີ່ມີບ່ອນຄ້າງຄາໄວ້ຢູ່ 23 ບ່ອນນັ້ນກຳລັງແກ້ໄຂບັນຫາຈັດວາງແລະຍົກຍ້າຍດ້ວຍການກໍ່ສ້າງສະຖານທີ່ດັ່ງກ່າວຄືນໃຫມ່; ອີກ 60 ກວ່າບ່ອນໄດ້ຕົກລົງໃຫ້ແກ້ໄຂດ້ວຍວິຖີທາງດ້ານກົດຫມາຍແລ້ວ, ໃນນັ້ນ,ງວດທຳອິດມີ 18 ບ່ອນໄດ້ແກ້ໄຂທາງຕຸລາການ.
1 2 3
|
|
|
