|
ເຄື່ອງນຸ່ງທີ່ວາງສະແດງເທື່ອນີ້ມີຫຼາຍຮູບຫຼາຍແບບຈົນເຮັດໃຫ້ຄົນລາຍຫູລາຍຕາ,ນາງຢາງທີ່ແຕ່ງຕົວທັນສະໄໝພວມຊົມເບິ່ງເຄື່ອງນຸ່ງຢ່າງຕິດອົກຕິດໃຈ.ນາງບອກນັກຂ່າວວ່າ, ແຕ່ລະເດືອນນາງຕ້ອງໃຊ້ຈ່າຍສຳລັບເຄື່ອງນຸ່ງຂອງຖືປະມານພັນສອງພັນຢວນ,ເພື່ອຕົບແຕ່ງຊີວິດຂອງຕົນດ້ວຍເຄື່ອງນຸ່ງທີ່ສວຍງາມ.ນາງໄດ້ມາເບິ່ງງານສະແດງເຄື່ອງນຸ່ງສາກົນຈີນ7ຫາ8ຄັ້ງແລ້ວ.ເມື່ອເວົ້າເຖິງຄວາມຮູ້ສຶກຂອງຕົນ,ນາງເວົ້າວ່າ:
"ປັດຈຸບັນ,ງານວາງສະແດງຈັດໄດ້ດີກວ່າເກົ່າແລ້ວ,ຂ້ອຍຮູ້ສຶກວ່າລັກສະນະກວມລວມຂອງງານຍິ່ງເປັນແບບສາກົນ.ບໍ່ວ່າຊຸດຜູ້ຊາຍຫຼືແມ່ຍິງ, ເຄື່ອງນຸ່ງປະເພດຕ່າງໆລ້ວນແຕ່ໄດ້ສະແດງໃຫ້ເຫັນລົດນິຍົມຂອງໂລກ.ຢູ່ແຫ່ງນີ້ເຮົາຈະໄດ້ເຫັນເຄື່ອງນຸ່ງຫຼາຍຢ່າງຫຼາຍແນວ,ເຫັນການອອກແບບທີ່ຕ່າງກັນຂອງບໍລິສັດຕ່າງໆ.ເຫັນການປະກາດແບບເສື້ອທີ່ໃໝ່ທີ່ສຸດ,ຈາກງານນີ້,ເຮົາຈະໄດ້ຂ່າວຄາວກ່ຽວກັບເຄື່ອງນຸ່ງທີ່ໃໝ່ສຸດແລະທັນສະໄໝທີ່ສຸດ."
ກ່ອນຈີນໄຂປະຕູສູ່ພາຍນອກເມື່ອ20ກວ່າປີກ່ອນ,ເຄື່ອງນຸ່ງຂອງຄົນຈີນມີແຕ່ສີຟ້າສີດຳແລະແບບດຽວກັນໝົດ.ແຕ່ດຽວນີ້,ເຄື່ອງນຸ່ງຖືນັບມື້ນັບທັນສະໄໝແລະມີຄວາມຮຽກຮ້ອງຕ້ອງການສູງຂຶ້ນເລື້ອຍໆ.ຕໍ່ເລື່ອງນີ້,ທ່ານລີວຢົງອີ ຊ່າງອອກແບບຂອງບໍລິສັດເຄື່ອງນຸ່ງກາຕ້າຕີ້ ຂອງແຂວງຟູຈ້ຽນມີຄວາມຮູ້ສຶກຢ່າງເລິກເຊິ່ງ:
"ເວົ້າແບບງ່າຍໆ,ຂ້າພະເຈົ້າໃນນາມຊ່າງອອກແບບ,ແຕ່ກ່ອນ,ຂ້າພະເຈົ້າມີແຕ່ຄິດວ່າ,ເຄື່ອງນຸ່ງທີ່ຂ້າພະເຈົ້າອອກແບບນັ້ນຄົນທັງຫຼາຍກ້ານຸ່ງບໍ່?ແຕ່ດຽວນີ້ຕ່າງແລ້ວ,ຕ້ອງກັບມາຖາມຕົນເອງວ່າເຈົ້າກ້າອອກແບບບໍ່?ບໍ່ຕ້ອງເປັນຫ່ວງວ່າຜູ້ອື່ນຈະບໍ່ກ້ານຸ່ງ"
1 2 3 4 5 6 7 8
|
