|
|
 |
| (GMT+08:00)
2005-04-06 23:18:05
|
 |
|
ຈີນມຽນມາຮ່ວມກັນປາບຢາເສບຕິດ
cri
Author: da
ຕອນບ່າຍວັນທີ 6 ມີນາ,ໃຕ້ຄຳສັ່ງຂອງຜູ້ບັນຊາການ,ຜູ້ຕາງໜ້າລັດຖະບານກາງມຽນມາ ພ້ອມດ້ວຍທະຫານ ປວງຊົນແລະເຈົ້າໜ້າທີ່ຂອງເຂດພິເສດທີສອງລັດຊານມຽນມາແລະຜູ້ຕາງໜ້າທີ່ກ່ຽວຂ້ອງຂອງແຂວງຢຸນນານຈີນ,ຜູ້ຕາງໜ້າທີ່ກ່ຽວຂ້ອງຂອງອົງການຈັດຕັ້ງສາກົນທີ່ກ່ຽວຂ້ອງກໍເລີ່ມຈູດໄຟເຜົາຢາເສບຕິດ,ທັງຕັດຕົ້ນຝີ່ນຢູ່ຕາມສວນດ້ວຍພ້າຍາວແລະແຜ່ນໄມ້ໄຜ່.ຄຽງຄູ່ກັບຖັນແຖວຕັດຕົ້ນຝີ່ນເຄື່ອນໄປໜ້າ,ຕົ້ນຝີ່ນທີ່ເປັນໝາກດົກໜາກໍຖືກຕັດຖິ້ມໝົດ.ຊາວມຽນມາຜູ້ໜຶ່ງທີ່ມາເບິ່ງໄດ້ເວົ້າວ່າ,ປີໜ້າ ຢູ່ແຫ່ງນີ້ຈະບໍ່ມີຕົ້ນຝີ່ນອີກແລ້ວ,ມີແຕ່ເຄື່ອງປູກກະສີກຳ.
ທ່ານວັງສີຮວາ ຫົວໜ້າຂະແໜງຮ່ວມມືສາກົນຂອງຫ້ອງການຄະນະກຳມະການເກືອດຫ້າມຢາເສບຕິດແຂວງຢູນນານທີ່ເຂົ້າຮ່ວມການເຄື່ອນໄຫວເທື່ອນີ້ໄດ້ເວົ້າຕໍ່ນັກຂ່າວວ່າ,ນີ້ແມ່ນເມືອງສີເມົາແຂວງຢູນນານຈີນກັບເຂດພິເສດທີສອງລັດຊານມຽນມາຮ່ວມກັນເຜົາຢາເສບຕິດແລະຕັດຕົ້ນຝີ່ນຢູ່ມຽນມາເປັນເທື່ອທຳອິດ.
ຢູ່ສະຖານທີ່ເຜົາຢາເສບຕິດ,ທ່ານຊຽວມິງລຽງ ຮອງປະທານອົງການປົກຄອງເຂດພິເສດທີສອງລັດຊານມຽນມາເວົ້າວ່າ:"ການເຄື່ອນໄຫວເທື່ອນີ້ໄດ້ສະແດງໃຫ້ເຫັນຄວາມຕັດສິນໃຈຂອງພວກເຮົາໃນດ້ານຕ້ານຢາເສບຕິດ,ແມ່ນເພງໂຫມໂລງຂອງການບັນລຸເປົ້າໝາຍທີ່ເຊົາປູກຝີ່ນຢູ່ແຫ່ງນີ້ໃນເດືອນມີຖຸນາປີ 2005 ,ທັງເປັນການຮ່ວມມືທີ່ສຳເລັດຜົນລະຫວ່າງພາກສ່ວນຕ້ານຢາເສບຕິດຢູ່ເຂດຊາຍແດນມຽນມາຈີນ."
ຕາມແນະນຳວ່າ,ຢູ່ເຂດນີ້ໄດ້ມີປະຫວັດປູກຕົ້ນຝີ່ນມາ 100 ກວ່າປີແລ້ວ,ຜູ້ຮັບຜິດຊອບເຂດພິເສດທີສອງລັດຊານມຽນມາເຄີຍໃຫ້ຄຳໝັ້ນສັນຍາຕໍ່ທົ່ວໂລກວ່າ,ຈະເຊົາປູກຕົ້ນຝີ່ນໃນແດນມຽນມາໃນປີ 2005.
ກ່ຽວກັບເລື່ອງນີ້,ທ່ານວັງສີຮວາຊີ້ອອກວ່າ,ອົງການປົກຄອງເຂດພິເສດທີສອງລັດຊານມຽນມາຢາກເຮັດໄດ້ຕາມຄຳໝັ້ນສັນຍາຕ້ານຢາເສບຕິດໃນແດນນມຽນມາໃນປີນີ້ຍັງລຳບາກຫຼາຍ,ຝ່າຍຈີນຈະຮ່ວມມືກັບຝ່າຍທີ່ກ່ຽວຂ້ອງຢ່າງຕັ້ງໜ້າ,ຊຸກຍູ້ໃຫ້ມຽນມາບັນລຸຄຳໝັ້ນສັນຍາດັ່ງກ່າວນີ້.
ຜູ້ແທນສຳນັກງານເກືອບຫ້າມຢາເສບຕິດແລະບັນຫາຕ້ອງໂທດຂອງສະຫະປະຊາຊາດປະຈຳມຽນມາເວົ້າວ່າ,ພີທີຕ້ານຢາເສບຕິດທີ່ຈັດຂຶ້ນໃນວັນທີ 6 ມີນາມີຄວາມໝາຍສຳຄັນຫຼາຍ,ມັນເປັນຂີດໝາຍສະແດງໃຫ້ເຫັນວ່າ ເຂດພິເສດທີສອງລັດຊານມຽນມາກັບລັດຖະບານຈີນແລະມຽນມາພວມອອກແຮງຮ່ວມມືກັນໃນການຕ້ານຢາເສບຕິດຕາມກົດໝາຍ,ປະຊາຄົມໂລກກໍຄອງຄອຍເຂດພິເສດທີສອງລັດຊານມຽນມາປະຕິບັດຕາມຄຳໝັ້ນສັນຍາທີ່ຈະເຊົາປູກຕົ້ນຝີ່ນ.
ເພື່ອແກ້ໄຂບັນຫາຊີວິດການເປັນຢູ່ຂອງປວງຊົນຢູ່ແຫ່ງນັ້ນຫຼັງຈາກຕັດຕົ້ນຝີ່ນຖິ້ມແລ້ວ,ອົງການປົກຄອງທ້ອງຖິ່ນນີ້ກໍໄດ້ລົງທຶນຫຼາຍຂຶ້ນພັດທະນາເສດຖະກິດແລະການປູກພືດອື່ນໆເຂົ້າແທນ,ຕົ້ນຢາງພາລາ,ຕົ້ນຊາ,ຕົ້ນໄມ້ສັກແລະພືດອື່ນໆທີ່ປູກແທນໄດ້ກວມເນື້ອທີ່ເກືອບ 2 ໝື່ນ 6 ພັນເຮັກຕາແລ້ວ.ທ່ານເຊເພີຍຄຸນ ຮອງປະທານຄະນະກຳມະການເກືອດຫ້າມຢາເສບຕິດເມືອງສີເມົາແຂວງຢູນນານແນະນຳວ່າ:"ໃນຫຼາຍປີມານີ້,ພວກຂ້າພະເຈົ້າໄດ້ຊ່ອຍເຫຼືອເຂດພິເສດທີສອງລັດຊານມຽນມາປູກພືດແນວອື່ນແທນຕົ້ນຝີ່ນໂດຍຕະຫຼອດ,ທັງໄດ້ຮັບຜົນດີຫຼາຍ.ຕໍ່ໄປພາຍໜ້າ ພວກຂ້າພະເຈົ້າຍັງຈະເພີ່ມທະວີວຽກງານໃນດ້ານນີ້ຕື່ມອີກ."
1 2
|
|
|
