|
ວັນທີ 3 ເມສາ, ໃນງານແຂ່ງຂັນສະນຸກເກີຈີນໂອເພັນທີ່ຈັດຂຶ້ນຢູ່ທີ່ປັກກິ່ງແລະໄດ້ສິ້ນສຸດລົງນັ້ນ, ທ້າວຕິ່ງຈຸ້ນຮຸຍ ນັກກິລາຈີນໄວພຽງ 18 ປີຊິງໄດ້ແຊມປຽນ, ໃນການແຂ່ງຂັນຊິງຊະນະເລີດ, ລາວໄດ້ເອົາຊະນະທ່ານແຮນດຼີ ດາລາສະນຸກເກີສະກົດແລນທີ່ມີຊື່ສຽງດ້ວຍຄະແນນ 9 ຕໍ່ 5. ງານແຂ່ງຂັນສະນຸກເກີຈີນໂອເພັນແມ່ນນັດສຸດທ້າຍຂອງງານແຂ່ງຂັນສະນຸກເກີອາຊີບໂລກ 7 ນັດ, ນັກກິລາລະດັບໂລກຜ່ານການແຂ່ງຂັນທີ່ຢູ່ປັກກິ່ງທຳຄວາມພະຍາຍາມສຸດທ້າຍເພື່ອເຂົ້າຮ່ວມງານແຂ່ງຂັນສະນຸກເກີຊິງຊະນະເລີດໂລກທີ່ຈະຈັດຂຶ້ນຢູ່ອັງກິດໃນທ້າຍເດືອນເມສານີ້. ເມື່ອຊິງໄດ້ແຊມປຽນເທື່ອນີ້ແລ້ວ, ທ້າວຕິ່ງຈຸ້ນຮຸຍກາຍເປັນນັກກິລາໜຸ່ມຜູ້ທີສອງທີ່ຊິງໄດ້ແຊມປຽນໃນງານແຂ່ງຂັນລະດັບໂລກເຊິ່ງຖັດຈາກທ່ານໂອ ຊຸນລີວັນ.
ວັນທີ 31 ມີນາ, ຄະນະກຳມະການຈັດງານກິລາໂອລິມປິກປັກກິ່ງປະກາດວ່າ, ວຽກງານຊັກຊວນນັກທຸລະກິດອຸປະຖຳງານກິລາໂອລິມປິກປັກກິ່ງປີ 2008 ໄດ້ເລີ່ມດຳເນີນໄປຢ່າງເປັນທາງການແລ້ວ. ແຜນການພັດທະນາຕະຫຼາດງານກິລາໂອລິມປິກປັກກິ່ງປີ 2008 ປະກອບດ້ວຍແຜນການອຸປະຖຳ ແຜນການອະນຸຍາດເປັນພິເສດແລະແຜນການວຽກງານຂາຍປີ້, ໃນນັ້ນແຜນການອຸປະຖຳແບ່ງເປັນສາມລະດັບ: ລະດັບສູງສຸດແມ່ນຄູ່ຂາຮ່ວມມືງານກິລາໂອລິມປິກ; ລະດັບທີສອງແມ່ນນັກທຸລະກິດອຸປະຖຳ, ລະດັບທີສາມແມ່ນນັກທຸລະກິດສະໜອງສິນຄ້າ. ຈຳນວນເງິນອຸປະຖຳແລະອຸປະຖຳໃນດ້ານໃດຂອງນັກທຸລະກິດອຸປະຖຳແມ່ນຕ່າງກັນ, ສິດປະໂຫຍດໃນການຊົມໃຊ້ຊັບພະຍາກອນທີ່ກ່ຽວຂ້ອງຂອງງານກິລາໂອລິມປິກປັກກິ່ງປີ 2008 ກໍ່ຕ່າງກັນ.
ຫໍກິລາອູເຄີ່ຊົ່ງ ທາງພາກຕາເວັນຕົກປັກກິ່ງແມ່ນຫໍກິລາແຂ່ງຂັນບານບ້ວງຂອງງານກິລາໂອລິມປິກປັກກິ່ງ, ໄດ້ເລີ່ມລົງມືກໍ່ສ້າງໃນວັນທີ 29 ມີນາ. ນີ້ແມ່ນໂຄງການສະໜາມກິລາງານກິລາໂອລິມປິກແຫ່ງທີ 5 ທີ່ສ້າງຢູ່ປັກກິ່ງ, ສ່ວນ 4 ແຫ່ງອື່ນທີ່ເລີ່ມ ລົງມືກໍ່ສ້າງກ່ອນແລ້ວນັ້ນແມ່ນສະໜາມກິລາແຫ່ງຊາດ ສູນລອຍນ້ຳແຫ່ງຊາດ ຫໍຍິງເປົ້າປັກກິ່ງແລະສະໜາມແຂ່ງຂັນລົດຖີບທີ່ພູລາວຊານ. ຕາມໄດ້ຊາບ, ງານກິລາໂອລິມ ປິກປັກກິ່ງປີ 2008 ຕ້ອງການຫໍແລະສະໜາມກິລາ 36 ແຫ່ງ, ໃນນັ້ນມີ 31 ແຫ່ງຢູ່ປັກກິ່ງ, 5 ແຫ່ງຢູ່ຕົວເມືອງຊ່ອຍຈັດງານກິລາໂອລິມປິກ, ຄື: ນະຄອນຊິງຕາວ ນະຄອນຊຽງໄຮ້ ນະຄອນທຽນສິນ ນະຄອນເສິນຢາງແລະນະຄອນສິນຫວງຕາວ.
ຫວ່າງມໍ່ໆນີ້, ທ່ານຈຽງຊ້ຽວອີ ຮອງປະທານຄະນະກຳມະການຈັດງານກິລາໂອລິມປິກປັກກິ່ງກ່າວວ່າ, ເພື່ອຮັບປະກັນໃຫ້ງານກິລາໂອລິມປິກລະດູຮ້ານປັກກິ່ງປີ 2008 ຈັດຂຶ້ນຢ່າງສະດວກ, ແຕ່ປີ 2005 ຮອດປີ 2008, ຈຸດໜັກໜຶ່ງໃນວຽກງານຂອງຄະນະກຳມະການຈັດງານກິລາໂອລິມປິກປັກກິ່ງແມ່ນອົບຮົມພະນັກງານທີ່ມີຄຸນທາດສູງປະມານ 2 ແສນຄົນທີ່ມີສ່ວນກ່ຽວຂ້ອງກັບງານກິລາໂອລິມປິກ.
ຫວ່າງມໍ່ໆນີ້ ນັກຂ່າວໄດ້ຊາບຈາກພາກສ່ວນທີ່ກ່ຽວຂ້ອງວ່າ, ປັກກິ່ງຈະສ້າງລະບົບກອບກູ້ປິ່ນປົວສຸກເສີນສຳລັບງານກິລາໂອລິມປິກປີ 2008 ບົນພື້ນຖານສັບຊ້ອນຊັບພະຍາກອນກອບກູ້ປິ່ນປົວສຸກເສີນໃນທົ່ວນະຄອນ. ຕາມໄດ້ຊາບ, ໃນຫຼາຍປີຂ້າງໜ້ານີ້, ປັກກິ່ງຈະລົງທຶນ 400 ລ້ານໂດລາສະຫະລັດ, ໃຊ້ເຂົ້າໃນການສ້ອມແປງຫຼືຂະຫຍາຍສ້າງພື້ນຖານໂຄງລ່າງປິ່ນປົວແລະສາທາລະນະສຸກຊື້ອຸປະກອນປິ່ນປົວໃໝ່, ແລະຈະເພີ່ມລົດພະຍາບານໃໝ່ 400 ຄັນ.
1 2
|
