|
|
 |
| (GMT+08:00)
2005-04-11 14:00:28
|
 |
|
ຂ່າວກິລາປະມວນໜຶ່ງ(ສຽງ)
cri
Author: huachunmei
ວັນທີ 31 ມີນາຢູ່ທີ່ອົສຕຼາລີ, ທ່ານຊັກ ໂຣເກ ປະທານຄະນະກຳມະການກິລາໂອລິມປິກສາກົນກ່າວວ່າ, ການແກ່ງແຍ່ງກັນເປັນເຈົ້າພາບຈັດງານກິລາໂອລິມປິກປີ 2012 ລະຫວ່າງ 5 ຕົວເມືອງອາດຈະແມ່ນການແກ່ງແຍ່ງທີ່ດຸເດືອດກວ່າໝູ່ໃນປະຫວັດສາດ. ໃນວັນທີ 6 ກໍລະກິດ ຢູ່ທີ່ສິງກະໂປ, ຄະນະກຳມະການກິລາໂອລິມປິກສາກົນຈະທຳການຕົກລົງວ່າ, ໃນ 5 ຕົວເມືອງທີ່ຮ້ອງຂໍເປັນເຈົ້າພາບຈັດງານກິລາໂອລິມປິກ, ເຊັ່ນ: ປາຣີ ລອນດອນ ມາດຼິດ ນິວຢອກແລະມົສກູ, ເມືອງໃດເປັນເຈົ້າພາບຈັດງານກິລາໂອລິມປິກປີ 2012.
ວັນທີ 29 ມີນາ, ທີມບານເຕະເພດຊາຍແຫ່ງຊາດຈີນຊຸດໃໝ່ທີ່ນຳໂດຍທ່ານຈູກວງຮູ ຄູຝຶກຜູ່ໃໝ່ໄດ້ແຂ່ງຂັນມິດຕະພາບກັບທີມຊາດອຽກລັງຢູ່ດູແບຼງ ນະຄອນຫຼວງອຽກລັງ, ແລ້ວໄດ້ເສຍໃຫ້ທິມອຽກລັງດ້ວຍຄະແນນ 0 ຕໍ່ 1, ເມື່ອເປັນຈັ່ງຊັ້ນ, ທີມຊາດຈີນໄດ້ສິ້ນສຸດການຝຶກແອບແຂ່ງຂັນຢູ່ເອີລົບດ້ວຍຜົນແຂ່ງຂັນສອງນັດເສຍສອງນັດ. ໃນການແຂ່ງຂັນກັບທີມແອສປາຍທີ່ຈັດຂຶ້ນກ່ອນໜ້ານີ້, ທີມຈີນເສຍໃຫ້ທີມແອສປາຍ 0 ຕໍ່ 3.
ວັນທີ 2 ເມສາ, ພິທີໄຂງານແຂ່ງຂັນບານເຕະພຼິເມຍລິກຈີນສົກປີ 2005 ໄດ້ຈັດຂຶ້ນຢູ່ນະຄອນຈີໜານ ທາງພາກຕາເວັນອອກຂອງຈີນ. ທ່ານແຊຢາຫຼົງ ຫົວໜ້າສູນຄຸ້ມຄອງກິລາບານເຕະກົມໃຫຍ່ກິລາແຫ່ງຊາດຈີນທີ່ເຂົ້າຮ່ວມພິທີໄຂງານກ່າວວ່າ: ຫວັງໃຫ້ງານແຂ່ງຂັນບານເຕະພຼິເມຍລິກໃນລະດູການແຂ່ງຂັນໃໝ່ຈະນຳເອົາຄວາມເບີກບານໃຈມາໃຫ້ແຟນບານເຕະ, ແລະຊັກນຳໃຫ້ລະດັບສັງລວມແຫ່ງກິລາບານເຕະຂອງຈີນຍົກສູງຂຶ້ນ. ຕາມໄດ້ຊາບ, ລວມມີທີມບານເຕະ 14 ທີມໄດ້ເຂົ້າຮ່ວມງານແຂ່ງຂັນພຼິເມຍລິກໃນລະດູການນີ້, ຈະດຳເນີນການແຂ່ງຂັນ 26 ຮອບ.
ວັນທີ 1 ເມສາ, ງານແຂ່ງຂັນປະສົມບານເບສ໌ບອນຈີນປີ 2005 ໄດ້ເລີ່ມຈັດຂຶ້ນຢູ່ນະຄອນເສິງຕູ່ ທາງພາກຕາເວັນຕົກຂອງຈີນ. ຕາມໄດ້ຊາບ, ລວມມີ 6 ທີມເຂົ້າຮ່ວມງານແຂ່ງຂັນປະສົມປີນີ້. ເພື່ອຍົກລະດັບກິລາເບສ໌ບອນຈີນໃຫ້ສູງຂຶ້ນ, ຍາດແຍ່ງມີການບຸກທະລຸໃນງານກິລາໂອລິມປິກປັກກິ່ງປີ 2008, ງານແຂ່ງຂັນປີນີ້ອະນຸຍາດໃຫ້ແຕ່ລະທິມນຳໃຊ້ນັກກິລາຕ່າງປະເທດ 3 ຄົນໄດ້, ແລະຈ້າງຄູຝຶກຕ່າງປະເທດໄດ້. ງານແຂ່ງຂັນປະສົມຈະສິ້ນສຸດລົງໃນວັນທີ 10 ກໍລະກົດ.
ງານແຂ່ງຂັນແລ່ນມາລາທອນຕໍ່ແຮງສາກົນປັກກິ່ງປີ 2005 ໄດ້ຈັດຂຶ້ນໃນວັນທີ 10 ເມສາ. ງານແຂ່ງຂັນແລ່ນມາລາທອນຕໍ່ແຮງສາກົນປັກກິ່ງແມ່ນງານແຂ່ງຂັນກິລາແລ່ນແລະລານສາກົນຕາມທາງຫຼວງຂະໜາດໃຫຍ່, ເລີ່ມຈັດຂຶ້ນເມື່ອປີ 1986, ປີນີ້ໄດ້ຈັດການແຂ່ງຂັນລາຍນີ້ຄົບຮອບ 20 ປີແລ້ວ. ຕາມໄດ້ຊາບ, ງານແຂ່ງຂັນເທື່ອນີ້ໄດ້ດຶງດູດນັກກິລາແລ່ນທົນດີເລີດທີ່ມາຈາກ 10 ກວ່າປະເທດແລະເຂດແຄວ້ນມາເຂົ້າຮ່ວມ, ໃນນັ້ນລວມທັງນາງສິງຮຸຍນ້າ ນັກກິລາຈີນຜູ່ຊິງໄດ້ແຊມປຽນໃນການແລ່ນ 1 ໝື່ນແມັດໃນງານກິລາໂອລິມປິກອາແຕນ ແລະນາງຊຸນອິງແຈ ນັກກິລາແລ່ນທົນໄລຍະກາງແລະໄລຍະໄກທີ່ມີຊື່ສຽງຂອງຈີນເປັນຕົ້ນ.
ຫວ່າງມໍ່ໆນີ້ ສະມາຄົມປິນພູເຂດຕິເບດປົກຄອງຕົນເອງຈີນເຜີຍໃຫ້ຮູ້ວ່າ, ຄຽງຄູ່ກັບລະດູບານໃໝ່ປີ 2005 ເຊິ່ງເປັນລະດູການປິນພູວຽນມາເຖິງ, ທີມປິນພູຂອງຈີນແລະຕ່າງປະເທດໄດ້ເຂົ້າສູ່ເຂດຕິເບດປິນພູຕາມໆກັນ, ເປົ້າໝາຍອັນດັບໜຶ່ງຂອງທີມປິນພູເຫຼົ່ານີ້ສ່ວນຫຼາຍແມ່ນຈອມພູຈູມູລາງມາ ເຊິ່ງເປັນຈອມພູສູງທີ່ສຸດໃນໂລກ.
ວັນທີ 30 ມີນາ, ກະຊວງວັດທະນະທຳ ການທ່ອງທ່ຽວແລະການບິນພົນລະເຮືອນເນປານປະກາດວ່າ, ຫວ່າງມໍ່ໆນີ້, ນັກກິລາປິນພູສອງຄົນພາຍຫຼັງໄດ້ປິນຂຶ້ນຈອມພູຜູມໍລີແລ້ວໄດ້ຕົກລົງເຫວເລິກປະສົບເຄາະຮ້າຍຢູ່ກາງທາງກັບຄືນ. ຈອມພູຜູມໍລີຕັ້ງຢູ່ຊາຍແດນຈີນເນປານ, ຫ່າງຈາກຈອມພູຈູມູລາງມາໄປທາງທິດຕາເວັນຕົກສຽງເໜືອ 15 ກິໂລແມັດ.
1 2
|
|
|
