|
|
 |
| (GMT+08:00)
2005-04-15 19:49:13
|
 |
|
ງານສະຫຼອງທີ່ມ່ວນຊື່ນ----ສະຫຼອງບຸນສັງຂານປີໃໝ່ລາວທີ່ສະຖານທູດລາວປະຈຳຈີນ(ສຽງ)
cri
Author: huachunmei
ທ່ານວິຈິດເວົ້າວ່າ, ໃນປີໜຶ່ງທີ່ຜ່ານມານີ້, ການພົວພັນມິດຕະພາບບ້ານໃກ້ເຮືອນຄຽງຮ່ວມມືຮອບດ້ານລະຫວ່າງສອງປະເທດຈີນລາວພວມຢູ່ໃນໄລຍະພັດທະນາອັນດີງາມທີ່ສຸດໃນປີທີ່ຜ່ານມາ, ສອງຝ່າຍໄດ້ມີການໄປມາຫາສູ່ກັນເລື້ອຍໆ. ເດືອນພະຈິກປີກາຍ, ທ່ານບຸນຍັງ ວິລະຈິດ ນາຍົກລັດຖະມົນຕິລາວໄດ້ໄປຢ້ຽມຢາມເມືອງນານນີງແລະເຂົ້າຮ່ວມງານເອັກສະໂປຈີນອາຊຽນຄັ້ງທຳອິດ, ທ່ານນາຍົກລັດຖະມົນຕີເວີນເຈຍປາວກໍໄປຢ້ຽມຢາມລາວຢ່າງເປັນທາງການແລະເຂົ້າຮ່ວມກອງປະຊຸມສຸດຍອດ"10+1" "10+3", ທັງນີ້ລ້ວນແຕ່ໄດ້ສ້າງຂັນໃດຂັ້ນໃໝ່ໃຫ້ແກ່ການຂະຫຍາຍແລະເພີ່ມທະວີການພົວພັນໄມຕິຈິດຮ່ວມມືລະຫວ່າງລາວຈີນ.
ທ່ານລີວຮົງຊາຍ ຮອງຫົວໜ້າຄະນະພົວພັນກັບຕ່າງປະເທດຂອງສູນກາງພັກກອມມູນິດຈີນໄດ້ຕາງໜ້າຝ່າຍຈີນກ່າວຄຳປາໄສ. ກ່ອນອື່ນ, ທ່ານໄດ້ອວຍພອນໃຫ້ທ່ານວິຈິດ ເອກອັກຄະລັດຖະທູດລາວແລະພະນັກງານທຸກຄົນໃນສະຖານທູດລາວປະຈຳຈີນພ້ອມຄອບຄົວຈົ່ງສະບາຍດີປີໃໝ່.
ທ່ານເວົ້າວ່າ, "ຈີນລາວແມ່ນປະເທດບ້ານໃກ້ເຮືອນຄຽງລະບອບສັງຄົມນິຍົມທີ່ມີພູຜາແລະແມ່ນ້ຳຕິດຈອດກັນ. ໃນຫຼາຍປີມານີ້, ພາຍໃຕ້ຄວາມພະຍາຍາມຂອງສອງຝ່າຍ, ຄວາມໄວ້ເນື້ອເຊື່ອໃຈກັນທາງການເມືອງລະຫວ່າງສອງປະເທດໄດ້ເພີ່ມທະວີຂຶ້ນ, ການຮ່ວມມືທາງເສດຖະກິດກໍຂະຫຍາຍຕົວອອກຢ່າງບໍ່ຢຸດຢັ້ງ, ການແລກປ່ຽນແລະຮ່ວມມືກັນໃນຂົງເຂດຕ່າງໆໄດ້ນັບມື້ນັບເພີ່ມຂຶ້ນ, ການພົວພັນສອງປະເທດໄດ້ຍົກສູງຂຶ້ນເຖິງລະດັບໃໝ່ຢ່າງຕໍ່ເນື່ອງ. ພວກຂ້າພະເຈົ້າຮູ້ສຶກເພິ່ງພໍໃຈຕໍ່ສະພາບຂະຫຍາຍຕົວຂອງການພົວພັນລະຫວ່າງຈີນລາວໃນປັດຈຸບັນ. ພັກລັດຈີນຈະເອົາໃຈໃສ່ຂະຫຍາຍການພົວພັນຮ່ວມມືກັນດ້ວຍໄມຕິຈິດຖານບ້ານໃກ້ເຮືອນຄຽງກັບລາວຄືແຕ່ເກົ່າເມືອຫຼັງ, ປັບປຸງແລະເພີ່ມທະວີຄວາມໄວ້ເນື້ອເຊື່ອໃຈກັນແລະມິດຕະພາບລະຫວ່າງສອງປະເທດຕື່ມອີກ, ເຮັດໃຫ້ການພົວພັນລະຫວ່າງສອງປະເທດໃຫ້ຂຶ້ນສູ່ລະດັບສູງໃໝ່, ເຮັດໃຫ້ການພົວພັນລະຫວ່າງສອງພັກແລະສອງປະເທດຈີນລາວມີທ່ວງທ່າພັດທະນາອັນດີງາມ."
ທ່ານຜູ້ຟັງທີ່ໂຄລົບ, ຄຽງຄູ່ກັບເພງສຸກສັນວັນປີໃໝ່ອັນມ່ວນຊື່ນດັງຂຶ້ນ, ພະນັກງານໃນສະຖານທູດລາວປະຈຳຈີນພ້ອມກັບແຂກຈີນໄດ້ພາກັນຂຶ້ນຟ້ອນລຳວົງຢ່າງສະໜຸກສະໜານ. ເມື່ອໄດ້ມ່ວນຊື່ນນຳກັນຕັ້ງດົນນານແລ້ວ, ງານລ້ຽງຮັບຮອງປີໃໝ່ພ.ສ. ປີ 2548 ກໍໄດ້ສິ້ນສຸດລົງໃນທ່າມກາງສຽງດົນຕີອັນຄຶກຄື້ນ.
1 2
|
|
|
