|
|
 |
| (GMT+08:00)
2005-04-18 15:38:59
|
 |
|
ສະບາຍດີປີໃໝ່(ສຽງ)
cri
Author: huachunmei
ບໍ່ວ່າແມ່ນບຸນກຸດຈີນ ຫຼືວ່າບຸນປີໃໝ່ລາວ, ປີໃໝ່ຍ່ອມໝາຍເຖິງຄວາມມ່ວນຊື່ນ, ເຫັນບໍ່ China Dolls ເດັກຈີນຂອງໄທໄດ້ມາອວຍພອນປີໃໝ່ແລ້ວ.
ທ່ານຜູ້ຟັງ, ໃນເພງເມື່ອກີ້ນີ້, China Dolls ໄດ້ຮ້ອງວ່າ: ປີໃໝ່ມາຮອດ ແລ້ວ, ຂໍໃຫ້ທຸກຄົນສະຫວັດດີປີໃໝ່ຈົ່ງໂຊກຈົ່ງໝານ, ມ່ວນຊື່ນເບີກບານ. ບໍ່ວ່າຢູ່ຈີນຢູ່ໄທ, ທຸກຄອບຄົວມ່ວນຊື່ນບຸນປີໃໝ່. ສົມບູນຂໍປ່ຽນເນື້ອຮ້ອງສອງຄວາມນີ້ໃຫ້ເປັນ: ບໍ່ວ່າບຸນກຸດຈີນຫຼືບຸນສັງຂານ ທຸກຄອບຄົວມ່ວນຊື່ນບຸນປີໃໝ່, ຈະຖືກກວ່າແມ່ນບໍ່?
ໃນໂອກາດບຸນປີໃໝ່ລາວ, ເພື່ອນທັງຫຼາຍຄົງໄປຢາມໝູ່ເພື່ອນ ແລະຍາດ ພີ່ນ້ອງ, ຄົງຈະມ່ວນນໍ! ເສຍດາຍທີ່ພວກເຮົາບໍ່ໄດ້ຫົດນ້ຳສະຫຼອງບຸນນຳກັນກັບເພື່ອນຜູ້ຟັງ, ຈື່ງຂໍຝາກສຽງເພງສະແດງຄວາມຮັກແລະຄຳອວຍພອນມາຍັງທ່ານທຸກຄົນ.
ທ່ານຜູ້ຟັງ, ລາຍການຂອງພວກເຮົາມື້ນີ້ກໍມໍ່ຈະຮອດບັ້ນປາຍແລ້ວ, ເພງ ມ້ວຍທ້າຍລາຍການມື້ນີ້ ສົມບູນຂໍຈັດເພງ "ຢວນເມິ້ງ" "ສົມດັ່ງປາຖະໜາ" ທີ່ຂັບຮ້ອງໂດຍນາງຊຸນເຢແລະທ້າວໂກຟົງ, ຂໍອວຍພອນໃຫ້ຜູ້ຟັງທຸກຄົນຈົ່ງສົມດັ່ງປາຖະ ໜາໃນປີໃໝ່ນີ້ !
"ດວງໃຈທັງຄູ່ມີຄວາມຝັນດຽວກັນ, ເມື່ອຜ່ານຟ້າຝົນລົມແດງແລ້ວ, ທ້ອງຟ້າ ກໍຍັງປອດໂປ່ງດັ່ງເດີມ; ຝັນເຫັນເຈົ້າ ຝັນເຫັນຂ້ອຍ, ຊາດນີ້ເຮົາທັງສອງມີ ແນນມາພົບກັນ,ດວງໃຈຕິດພັນກັນ ຝັນກໍຝັນຄືກັນ, ຮ່ວມທຸກຮ່ວມສຸກຮັກແພງ ກັນ, ເຖິງພູຜາຟ້າຈະຂັ້ນແຕ່ດວງໃຈເຮົາແມ່ນລຸລ່ວງກັນ, ເມື່ອມີເຈົ້າແລະຂ້ອຍ ຄວາມ ຝັນກໍຈະກາຍເປັນຄວາມຈິງ. ຄົນເຮົາເກີດມາໃນໂລກ ແມ່ນມີແນນມາພົບກັນ, ຂໍຟັງແຖນຈົ່ງຄຸ້ມຄອງມະນຸດໃນໂລກປາສະຈາກໂພຍໄພໄຂ້ເຈັບອວຍພອນໃຫ້ເຈົ້າແລະຂ້ອຍຈົ່ງສຸກສັນ, ວັນໃໝ່ຍິ່ງແຈ່ມໃສ. ໃນອະນາຄົດ, ເຮົາຍັງກ້າວເດີນຮ່ວມກັນ. "
ທ່ານ ຜູ້ຟັງທີ່ໂຄລົບ, ຄຽງຄູ່ກັບສຽງເພງ "ສົມດັ່ງປາຖະໜາ", ລາຍການນັດພົບ ໃນວັນອາທິດກໍຕ້ອງອຳລາຈາກທ່ານແລ້ວ, ອີກເທື່ອໜຶ່ງ, ພວກເຮົາຂໍອວຍພອນໃຫ້ທ່ານຈົ່ງສຸກສັນວັນປີໃໝ່, ສົມບູນຕາງໜ້າກຸຫຼາບຂອບໃຈທ່ານທີ່ຮັບຟັງລາຍການຂອງພວກເຮົາພົບກັນໃໝ່ໃນເວລາດຽວກັນໃນອາທິດໜ້າ, ສະບາຍດີ.
1 2
|
|
|
