|
|
 |
| (GMT+08:00)
2005-04-18 17:01:01
|
 |
|
ຈີນຕັ້ງໜ້າປະຕິບັດລະບອບປະກັນການປິ່ນປົວແບບໃໝ່ຢູ່ຊົນນະບົດ(ສຽງ)
cri
Author: q
ເມືອງຈິວຖາຍແມ່ນຕົວເມືອງແຂວງຈີລິນອີກເມືອງໜຶ່ງທີ່ທົດລອງປະຕິບັດລະບອບການຮ່ວມມືປິ່ນປົວແບບໃໝ່.ຍ້ອນເສຍເງິນໜ້ອຍ,ໄດ້ຮັບຜົນຢ່າງເດັ່ນຊັດ,ປັດຈຸບັນ,ໃນຊາວນາ6ແສນກວ່າຄົນຂອງເມືອງຈິວຖາຍແຂວງຈີລິນ, ມີເກືອບ85%ໄດ້ເຂົ້າຮ່ວມລະບອບການຮ່ວມມືປິ່ນປົວແບບໃໝ່.ປະກົດການທີ່ບໍ່ມີເງິນປິ່ນປົວພະຍາດນັ້ນພວມຄ່ອຍໆຫາຍໄປ.ທ່ານນາງຈ່ຽງເອິນສິນ ຜູ້ຮັບຜິດຊອບຂອງຫ້ອງການການຮ່ວມມືປິ່ນປົວຢູ່ຊົນນະບົດຂອງເມືອງດັ່ງກ່າວສະເໜີໃຫ້ຮູ້ວ່າ:
"ເມື່ອສັງເກດຈາກດ້ານກວມລວມແລ້ວ,ຄົນເຈັບທີ່ໄປປິ່ນປົວຢູ່ໂຮງໝໍຂອງເມືອງເຮົາໄດ້ເພີ່ມຂຶ້ນຢ່າງເດັ່ນຊັດ,ຕົວຢ່າງ,ປີ2004ກໍໄດ້ເພີ່ມຂຶ້ນຫຼາຍກວ່າປີ2003 1/3.ມູນເຫດຕົ້ນຕໍແມ່ນ,ແຕ່ເດີມຊາວນາບາງຄົນຍ້ອນເງື່ອນໄຂເສດຖະກິດບໍ່ດີ,ເປັນພະຍາດແລ້ວກໍບໍ່ຢາກໄປປົວຢູ່ໂຮງໝໍ.ເມື່ອໄດ້ເຂົ້າຮ່ວມການຮ່ວມມືປິ່ນປົວແບບໃໝ່ແລ້ວ,ຊາວນາໄປປິ່ນປົວຢູ່ໂຮງໝໍຈະໄດ້ຄ່າເກື້ອກູນອັນແນ່ນອນ,ສະນັ້ນ,ຊາວນາທັງຫຼາຍຈິ່ງຍິນດີໄປປົວພະຍາດ.
ປັດຈຸບັນ,ແຂວງຈີລິນໄດ້ມີຊາວນາເກືອບ2ລ້ານຄົນເຂົ້າຮ່ວມລະບອບຮ່ວມມືປິ່ນປົວແບບໃໝ່ແລ້ວ,ກອງທຶນຮ່ວມມືປິ່ນປົວໄດ້ຈ່າຍຄ່າປິ່ນປົວ21ລ້ານກວ່າຢວນໃຫ້ຊາວນາ,ອັນໄດ້ຫຼຸດຄວາມຫາບແບກດ້ານຄ່າປິ່ນປົວຂອງຊາວນາໃນເບື້ອງຕົ້ນ.
ທ່ານຜູ້ຟັງ,ຄືກັນກັບແຂວງຈີລິນ,ປັດຈຸບັນ,ທົ່ວທຸກແຂວງຂອງຈີນລ້ວນແຕ່ໄດ້ດຳເນີນວຽກງານທົດລອງລະບອບຮ່ວມມືປິ່ນປົວແບບໃໝ່.ເມືອງ ທົດລອງປະຕິບັດລະບອບດັ່ງກ່າວມີເຖິງ300ກວ່າເມືອງ,ມີ70ລ້ານກວ່າຄົນເຂົ້າຮ່ວມລະບອບຮ່ວມມືປິ່ນປົວແບບໃໝ່.ທ່ານຈູ່ຊິງເສິ່ງຮອງລັດຖະມົນຕີກະຊວງສາທາລະນະສຸກຈີນກ່າວວ່າ:
"ນັບມາຮອດປັດຈຸບັນ,ກົນໄກຄຸ້ມຄອງແລະໝູນເດີນຂອງລະບອບຮ່ວມມືປິ່ນປົວແບບໃໝ່ໄດ້ເລີ່ມຈໍ່ຕົວຂຶ້ນຢູ່ຈີນແລ້ວ,ສະພາບຮັບການປິ່ນປົວຂອງຊາວນາຢູ່ເຂດທົດລອງລະບອບຮ່ວມມືປິ່ນປົວແບບໃໝ່ໄດ້ຮັບການປົວແປງໃຫ້ດີຂຶ້ນ,ການແບກຫາບດ້ານຄ່າປິ່ນປົວຂອງຊາວນາໄດ້ຜ່ອນຄາຍລົງ."
ຕາມໄດ້ຊາບ,ຕໍ່ໄປພາຍໜ້າ,ຈີນຈະປັບປຸງແລະບູລະນະແຜນການທົດລອງປະຕິບັດລະບອບຮ່ວມມືປິ່ນປົວແບບໃໝ່ໃຫ້ສົມບູນຂຶ້ນ,ໃຫ້ຊາວນາໄດ້ຮັບຜົນປະໂຫຍດຫຼາຍຂຶ້ນຕື່ມອີກ.ພ້ອມກັນນັ້ນ,ຈີນຈະເປີດກວ້າງຂອບເຂດປະຕິບັດລະບອບດັ່ງກ່າວເທື່ອລະກ້າວ.ຕາມແຜນການ,ເມື່ອຮອດປີ2010,ເຂດຊົນນະບົດທັງໝົດຂອງຈີນຈະປະຕິບັດລະບອບຮ່ວມມືປິ່ນປົວແບບໃໝ່ໂດຍພື້ນຖານ,ເມື່ອຮອດເວລານັ້ນ,ບັນຫາທີ່ຊາວນາບໍ່ມີເງິນປົວພະຍາດນັ້ນຈະໄດ້ຮັບການແກ້ໄຂໃຫ້ຕົກຢ່າງເຖິງຖອງ.
1 2
|
|
|
