|
ອາດຈະມີຄົນຖາມວ່າເມື່ອເຮືອເຫາະຈັກກະວານບັນທຸກຄົນໄດ້ແລ້ວ,ນັກບິນອະວະກາດຂຶ້ນສູ່ອະວະກາດ,ພວກເພິ່ນຈະກິນ,ຈະຢູ່,ຈະນຸ່ງ ຫົ່ມແລະເດີນທາງແນວໃດຢູ່ເທິງພຸ້ນ?
ກ່ອນອື່ນຂໍເວົ້າເລື່ອງກິນ,ຜູ້ຊ່ຽວຊານທີ່ກ່ຽວຂ້ອງແນະນຳວ່າ:ຢູ່ອະວະກາດ,ນັກບິນຈະໄດ້ກິນຜັດເຜັດຊີ້ນຫມູລົດແລະຫວານຜັດເຜັດຊີ້ນໄກ່ຖົ່ວດິນ.
ເພື່ອປະຢັດບ່ອນໃນເຮືອເຫາະແລະບໍ່ໃຫ້ເກີນນ້ຳຫນັກໃນເວລາຍິງສົ່ງ,ອາການທີ່ນັກບິນອະວະກາດກຽມໄປນັ້ນຈະຕ້ອງພະຍາຍາມໃຫ້ເບົາເທົ່າທີ່ເຮັດໄດ້ບໍລິມາດນ້ອຍ,ທັງມີທາດບຳລຸງແລະຍັງຕ້ອງເປັນສິ່ງທີ່ບໍ່ມີກາກເຫຍື້ອເຊັ່ນ:ກະດູກ ກ້າງ,ເປືອກແລະແກ່ນເປັນຕົ້ນ,ອາຫານຍັງຕ້ອງສອດຄ່ອງກັບຄວາມຕ້ອງການທາງຮ່າງກາຍຂອງນັກບິນອະວະກາດທີ່ມີການປ່ຽນແປງທາງສະລີລະສາດພາຍໃຕ້ເງື່ອນໄຂທີ່ໄຮ້ນ້ຳຫນັກ,ຕົວຢ່າງຄືກ້າມເນື້ອຫົດຫູ່ອາຫານສຳລັບນັກບິນອະວະກາດຕ້ອງມີໂປຼຕິນຄຸນນະພາບດີຢ່າງພຽງພໍສ່ວນປະກອບການຊ່ຽມກັບຟົສຟໍຕ້ອງເຫມາະສົມແລະມີວິຕາມິນເດ,ໃນໄລຍະຫາກໍ່ບິນຂຶ້ນໄປ,ອາຫານບໍ່ຄວນມີໄຂມັນຫຼາຍ,ເພື່ອຫຼີກເວັ້ນບໍ່ໃຫ້ເປັນພະຍາດຍ້ອນເຄື່ອນໄຫວຢູ່ອະວະກາດຫນັກເຂົ້າ,ເພື່ອປ້ອງກັນບໍ່ໃຫ້ລະບົບສາຍເລືອດຫົວໃຈເສຍຄວາມດຸນດຽງທາງສັບພະຄຸນ,ຕ້ອງຈຳກັດປະລິມານນາຕຼີ(ຄືເກືອ)ໃນອາຫານ,ຮັບປະກັນປະລິມານທາດກາລີ.
ອາຫານເທິງອະວະກາດຂອງຈີນມີສີສັນພິເສດຂອງຈີນ,ໃນຊີວິດການເປັນຢູ່ເທິງອະວະກາດ,ນັກບິນອະວະກາດຂອງພວກເຮົາຈະໄດ້ກິນອາຫານຈີນທີ່ຖືກປາກຖືກຄໍກວ່າ,ອາດຈະມີລົດຊາດແຊບກວ່າອາຫານຝຼັ່ງ,ຫລັງອາຫານ,ນັກບິນຍັງຕ້ອງກິນນ້ຳຊາດຂຽວທີ່ຫອມປາກຫອມຄໍຈອກຫນຶ່ງ,ຊາຂຽວຊະນິດນີ້ກໍແມ່ນຈີນຄົ້ນຄວ້າເຮັດເອົາເອງ.
ຖັດມາ,ຂໍລົມກ່ຽວກັບການນຸ່ງຖືຂອງນັກບິນອະວະກາດ.ນັກບິນອະວະກາດຕ້ອງນຸ່ງຊຸດອະວະກາດ,ຖ້າແບ່ງຕາມສັບພະຄຸນຊຸດອະວະກາດຈະແບ່ງອອກເປັນຊຸດສຸກເສີນໃນເຮືອເຫາະແລະຊຸດສຳລັບຢູ່ນອກເຮືອເຫາະ.
ຊຸດອະວະກາດໃນເຮືອເຫາະແມ່ນນຸ່ງໃນນເວລາເຮືອເຫາະເກີດການຮົ່ວໄຫຼ,ກຳລັງຫນີບຕ່ຳລົງກະທັນຫັນ,ນັກບິນຕ້ອງນຸ່ງຊຸດນີ້ໃນທັນທີ,ເຊື່ອມຕໍ່ກັບລະບົບສົ່ງອອກຊີແຊນແລະສົ່ງອາກາດທີ່ປະກອບເປັນຊຸດ,ບັດນັ້ນ,ຊຸດອະວະກາດກໍຈະມີກຳລັງຫນີບແລະມີອາກາດໃນທັນທີ,ທັງມີຄວາມອຸ່ນແລະລະບົບໂທລະຄົມອັນແນ່ນອນ,ໃຫ້ນັກບິນອະວະກາດສາມາດກັບຄືນຢ່າງປອດໄພໃນເວລາເຮືອເຫາະຕິດຂັດ,ໃນຍາມການບິນປົກກະຕິ,ນັກບິນມີແຕ່ນຸ່ງຊຸດນີ້ໃນເວລາບິນຂຶ້ນແລະລົງຈອດ,ປ້ອງກັນເຮືອເຫາະຕິດຂັດໃນເວລາຍິງສົ່ງແລະກັບຄືນຫນ້າດິນ,ໃນເວລາເຮືອເຫາະບິນຕາມໂຄຈອນນັ້ນ,ທຳມະດາແລ້ວ,ນັກບິນຈະບໍ່ນຸ່ງຊຸດອະວະກາດ.
1 2
|
