ຫມວກນີລະໄພ,ຖົງມືແລະເກີບໂບກທີ່ນັກບິນອະວະກາດນັ້ນຍິ່ງພິເສດ,ຫມວກບໍ່ພຽງແຕ່ສາມາດກັນສຽງ,ກັນຮ້ອງແລະປ້ອງກັນຖືກຕຳທໍ່ນັ້ນ,ຫາກຍັງມີຈຸດພິເສດທີ່ຜ່ອນແຮງສະເທືອນແລະເບົາ.ເພື່ອປ້ອງກັນບໍ່ໃຫ້ມີອາຍນ້ຳຍ້ອນນັກບິນອະວະກາດຫັນໃຈແລະປ່ອງຫມວກນີລະໄພເປັນຫມອກຍ້ອນອຸນຫະພູມຕ່ຳ,ຜູ່ຊ່ຽວຊານທີ່ອອກແບບຊຸດອະວະກາດໄດ້ອອກແບບເຮັດຊັ້ນປ້ອງກັນຫມອກໃສ່,ສ່ວນຖົງມື,ຫລັງຈາກໃສ່ອາກາດແລະກຳລັງຫນີບແລ້ວ,ຖົງມືຈະມີສັບພະຄຸນເຫນັງຕີງສະດວກຄ່ອງແຄ້ວແລະຮັກສາຄວາມອຸ່ນເປັນຢ່າງດີ.
ຊຸດອະວະກາດສຳລັບນຸ່ງຢູ່ນອກເຮືອເຫາະກໍຍິ່ງສັບສົນ,ມັນແມ່ນລະບົບຮັບປະກັນແລະຄ້ຳຊູໃຫ້ນັກບິນອອກຈາກເຮືອເຫາະເຂົ້າສູ່ໂລກຈັກກະວານ,ອາດຖືມັນເປັນເຮືອເຫາະບັນທຸກຄົນນ້ອຍສຸດທີ່ເຫນັງໄດ້ເຮັດວຽກໄດ້,ຊຸດຫນຶ່ງຫນັກປະມານ 120 ກິໂລ,ສາມາດຮັບປະກັນໃຫ້ນັກບິນເຮັດວຽກຜູ່ດຽວຢູ່ນອກເຮືອເຫາະ 8 ຊົ່ວໂມງ.
ສຸດທ້າຍ,ຂໍລົມກ່ຽວກັບການນອນແລະອາບນ້ຳຢູ່ເທິງອະວະກາດ.ຫນ່ວຍໂລກທີ່ພວກເຮົາດຳລົງຊີວິດຢູ່ນັ້ນມີກຳລັງດຶງດູດທຸກສິ່ງທຸກຢ່າງເທິງຫນ່ວຍໂລກເອົາໄວ້,ກຳລັງນີ້ກໍຄືຄວາມຫນັກ,ດັ່ງນັ້ນ,ເວລາພວກເຮົານອນຢູ່ເທິງຕຽງ,ຄົນແລະຕຽງຈະຖືກຫນ່ວຍໂລກດູດດຶງໄວ້,ຈຶ່ງຈະບໍ່ລອຍຢູ່ກາງຫາວ,ແຕ່ຢູ່ໃນອະວະກາດພັດຕ່າງກັນ,ຍ້ອນວ່າຫ່າງຈາກຫນ່ວຍໂລກໄກຫຼາຍ,ກຳລັງດຶງດູດຂອງຫນ່ວຍໂລກໄປບໍ່ເຖິງ,ແຮງດູດຈຶ່ງອ່ອນທີ່ສຸດຈົນກະທັ້ງບໍ່ມີຈຶ່ງພາໃຫ້ມີປະກົດການບໍ່ມີຄວາມຫນັກ,ຄືທຸກສິ່ງທຸກຢ່າງຈະລອຍຢູ່ກາງຫາວ,ສະນັ້ນ,ໃນເວລານອນ,ບໍ່ວ່າຈະຢືນຫຼືວ່າຈະນອນ,ແມ່ນຄືກັນຫມົດ,ຈະນອນແປະເພດານກໍໄດ້ຢືນນອນອີງໃສ່ຝາກໍໄດ້,ເວົ້າລວມແລ້ວ,ຢາກນອນແນວໃດ,ກໍນອນແນວນັ້ນ,ແຕ່ວ່າ,ເວລານອນກໍຕ້ອງໃສ່ຖົງນອນ,ເພາະວ່າໃນເຮືອເຫາະບໍ່ມີຕຽງ,ແຕ່ນອນແບບນີ້ກໍ່ສະບາຍຄືກັນນອນເທິງຕຽງ.
ນັກບິນອະວະກາດຍັງຕ້ອງອາບນ້ຳ,ຢູ່ບົນຫນ່ວຍໂລກ,ຍ້ອນວ່າມີແຮງດູດຂອງຫນ່ວຍໂລກ,ນ້ຳຈະໄຫຼໄປບ່ອນຕ່ຳ,ເມື່ອພວກເຮົາໄຂກອກນ້ຳປະປາ,ນ້ຳກໍໄຫຼອອກມາ,ອາບໄດ້ຢ່າງສະບາຍ,ແຕ່ຢູ່ເທິງອະວະກາດ,ຍ້ອນມີປະກົດການບໍ່ມີຄວາມຫນັກດັ່ງທີ່ເວົ້າມານັ້ນ,ນ້ຳຈະບໍ່ໄຫຼອອກມາເອງ,ຕ້ອງໃສ່ກຳລັງຫນີບເຂົ້າໃນຖັງນ້ຳມັນຈຶ່ງຈະໄຫຼອອກມາ,ນອກນີ້,ຍ້ອນວ່າທຸກສິ່ງທຸກຢ່າງບໍ່ມີນ້ຳຫນັກ,ເມື່ອນ້ຳໄຫຼອອກມາແລ້ວ,ມັນຈະປິວໄປທົ່ວທີບ,ດັ່ງນັ້ນ,ໃນເວລນັກບິນອາບນ້ຳ,ຕ້ອງເອົາຫຍັງຍັດໃສ່ຫູ ແລະໃສ່ແວ່ນຕາຄ້າຍຄືກັບຜູ່ດຳນ້ຳ,ເມື່ອກຽມພ້ອມແລ້ວ,ຈຶ່ງເປີດນ້ຳກ໊ອກ,ແຕ່ກໍຍ້ອນວ່າບໍ່ມີນ້ຳຫນັກ,ໃນເວລານ້ຳພົ່ນໃສ່ຕົນໂຕນັ້ນ,ຝອດນ້ຳຈະຕິດກັນເປັນແຜ່ນຕິດຕາມຕົນໂຕ,ມັນໄຫຼຖີ້ມເອງບໍ່ເປັນ,ຕ້ອງໃຊ້ຜ້າຂົນຫນູຫຼືຟອຍດູດນ້ຳດູດເອົາ,ຈຶ່ງຈະແຫ້ງ,ອາບນ້ຳຢູ່ເທິງອະວະກາດຈຶ່ງຍາກກວ່າຢູ່ເທິງຫນ່ວຍໂລກຫຼາຍ.
1 2
|
