|
|
 |
| (GMT+08:00)
2005-04-20 10:57:20
|
 |
|
ເພງກ່ອມນອນ(ສຽງ)
cri
Author: huachunmei
ແມ່ນ້ຳດັນແມ່ນແມ່ນ້ຳສຳຄັນສາຍໜຶ່ງໃນແດນຣັດເຊຍ. ເພງກ່ອມນອນຂອງຣັດເຊຍທີ່ຊື່ວ່າ "ໂອ, ແມ່ນ້ຳດັນ" ມີເອກະລັກດົນຕີຣັດເຊຍອັນເຂັ້ມຂຸ້ນ. ເນື້ອເພງໄດ້ສັນລະເສັນທິວທັດສວຍງາມຢູ່ສອງຝັ່ງຂອງແມ່ນ້ຳດັນ, ທັງຍ້ອງແອນ້ອຍຜູ້ງາມໜ້າຮັກ, ແມ່ຍັງບອກພວກນົກນ້ອຍທີ່ຮ້ອງແຈ້ວໆຢ່າແຊວນາງງາມນ້ອຍຈະນອນຕໍ່ໄປ, ເຊີນຟັງເພງນີ້ນຳກັນ.
ທ່ານຜູ້ຟັງທີ່ໂຄລົບ, ທີ່ທ່ານພວມຟັງຢູ່ນີ້ແມ່ນເພງກ່ອມນອນອີຕາລີ ເຊິ່ງຂັບຮ້ອງໂດຍຄະນະຮ້ອງຮ່ວມໝູ່ເທວະທູດປັກກິ່ງ. ເພງຮ້ອງວ່າ, " ນອນໄວໆເດີ, ລູກເອີຍ, ນອນຢູ່ໃນອ້ອມກອດຂອງແມ່. ແມ່ຢູ່ຄຽງຂ້າງລູກເຈົ້າ, ພໍ່ເຈົ້າຍັງບໍ່ກັບມາເທື່ອ, ແມ່ອຸກອັ່ງຫຼາຍ. ລູກຂອງແມ່ນອນຫຼັບແລ້ວ, ລູກບໍ່ຮູ້ເລື່ອງເຫຼົ່ານີ້ດອກ."
ທ່ານຜູ້ຟັງທີ່ໂຄລົບ, ຕໍ່ໄປເຊີນຟັງເພງພື້ນເມືອງຟີລິບປີນທີ່ຊື່ວ່າ" ອີລີອີລີ". ອີລີແມ່ນຊື່ຂອງເດັກຜູ້ຍິງຜູ້ໜຶ່ງ. ແມ່ຂອງນາງໄດ້ຮ້ອງເພງພື້ນເມືອງຢ່າງອ່ອນໂຍນເປັນສຽງເບົາໆ. ໃນສຽງເພງ, ແອນ້ອຍໜ້າຮັກໄດ້ນອນຫຼັບແລ້ວ. ເພງນີ້ມີເນື້ອຮ້ອງວ່າ, "ອີລີ, ອີລີ, ນອນດີໆເດີລູກ, ຖ້າແມ່ບໍ່ຢູ່, ລູກຢ່າໄຫ້. ແມ່ໄປຊື້ເຂົ້າຈິ່ຢູ່ທາງນອກ, ເພື່ອໃຫ້ລູກເຕີບໃຫຍ່, ແມ່ຕ້ອງອິດຕ້ອງເມື່ອຍ."
ເພງກ່ອມນອນຂອງແຕ່ລະປະເທດລ້ວນແຕ່ມີສີສັນພິເສດຂອງຕົນ. ຕໍ່ໄປນີ້, ເຊີນຟັງເພງກ່ອມນອນຂອງຍີ່ປຸ່ນ.
ມ້ວນທ້າຍຂອງລາຍການມື້ນີ້, ເຊີນຟັງເພງກ່ອມນອນອິນເດຍ ເຊິ່ງຂັບຮ້ອງໂດຍຄະນະຮ້ອງຮ່ວມໝູ່ເທວະທູດປັກກິ່ງ. ເພງນີ້ມີທຳນອງເພງອິນເດຍຢ່າງເຂັ້ມຂັນ. ບ່ອນຕ່າງກັນກັບເພງກ່ອມນອນອື່ນໆ, ແມ່ນເພງນີ້ຄືມີຈັງຫວະໄວກວ່າ, ມ່ວນຊື່ນກວ່າ, ມີລັກສະນະເພງຟ້ອນ. ເພງຮ້ອງວ່າ, " ນອນສາເດີ, ນອນສາເດີ, ລູກເອີຍ, ເທວະດານອນມາແລ້ວ. ດອກໄມ້ນອນຫຼັບແລ້ວ, ໃຕ້ຕົກໂພ, ລົດກໍເຊົາແລ້ວ, ຢູ່ໃນສວນຈັ່ງແມ່ນມິດອິ່ມຊິ່ມ. ຄວາມຝັນອັນໜ້າດີໃຈ, ມັນເຕັ້ນອອກຈາກດາວນ້ອຍທີ່ເຫຼື້ອມຍິບຍັບເຕັ້ນຢ່ອງໆເຂົ້າຕາຂອງລູກ. ແມ່ອູ້ມລູກ, ແອນ້ອຍທີ່ໜ້າຮັກ, ຄືອູ້ມໜ່ວຍໂລກທີ່ມ່ວນຊື່ນ."
ທ່ານຜູ້ຟັງທີ່ໂຄລົບ, ທີ່ຟັງມານັ້ນແມ່ນເພງກ່ອມນອນຂອງບັນດາປະເທດໃນໂລກ ເຊິ່ງຂັບຮ້ອງໂດຍຄະນະຮ້ອງຮ່ວມໝູ່ເທວະທູດປັກກິ່ງ. ຂອບໃຈທ່ານທີ່ຮັບຟັງ, ສະບາຍດີ.
1 2
|
|
|
