|
|
 |
| (GMT+08:00)
2005-04-26 14:58:43
|
 |
|
ຊີວິດການເປັນຢູ່ອັນມ່ວນຊື່ນຢູ່ນະຄອນທຽນສິນຂອງຊາວອາເມລິກາເໜືອຫຼາຍຄົນ(ສຽງ)
cri
Author: q
ປີ2001,ທ່ານເຈເລເດນໄດ້ແຕ່ງແລະພິມຈຳໜ່າຍປຶ້ມເຫຼັ້ມໜຶ່ງໂດຍອີງຕາມການເກັບໂຮມເຄື່ອງໄປສະນີຂອງຕົນ.ປຶ້ມເຫຼັ້ມນີ້ໄດ້ນຳໄປເຂົ້າຮ່ວມງານວາງສະແດງສະແຕມຢູ່ຫຼາຍປະເທດເຊັ່ນຈີນ,ອາເມລິກາ,ໄທເປັນຕົ້ນ,ແລະໄດ້ຮັບລາງວັນຫຼາຍເທື່ອ.ທ່ານເຈເລເດນກ່າວວ່າ,ທ່ານຈະທຳຄວາມພະຍາຍາມຈົນສຸດຂີດເພື່ອເຮັດໃຫ້ຄົນທັງຫຼາຍໃນເຂດແຄວ້ນອື່ນໃນໂລກຮູ້ຈັກຊາວທຽນສິນ,ຮູ້ຈັກວັດທະນະທຳທຽນສິນ.
ຄັນຢາກເລົ່າຊີວິດການເປັນຢູ່ຢູ່ທຽນສິນຂອງຊາວອາເມລິກາເໜືອກໍຕ້ອງເວົ້າເຖິງນາງວິນເຊີນ ສາວນີວຢອກ.ນາງວິນເຊີນປີນີ້ອາຍຸ20ກວ່າປີ,ນາງເຄີຍມາຈີນໃນຍາມຮຽນຢູ່ມັດທະຍົມ.ນາງຮູ້ສຶກແປກໃຈຫຼາຍແລະປາຖະໜາຫາຈີນທີ່ມີປະຫວັດອາລະຍະທຳຫຼາຍພັນປີ.ສອງປີກ່ອນ,ພາຍຫຼັງໄດ້ຮຽນຈົບວິຊາການປິ່ນປົວດ້ວຍໄຟຟ້າໃນມະຫາວິທະຍາໄລຢູ່ອາເມລິກາແລ້ວ,ນາງໄດ້ມາເຮັດວຽກຢູ່ໂຮງສະຫວັດດີການເດັກນ້ອຍທຽນສິນຕາມຄຳເຊີນຂອງອົງການທີ່ກ່ຽວຂ້ອງ.
ຢູ່ໂຮງສະຫວັດດີການ,ນາງວິນເຊີນປະຕິບັດຕໍ່ລູກ ກຳພອຍຄົນພິການແຕ່ລະຄົນຢ່າງເອົາຈິງເອົາຈັງ,ນາງໄດ້ປະເມີນການປິ່ນປົວຕໍ່ອາການເຈັບຂອງພວກເດັກນ້ອຍ,ແລ້ວວາງແຜນການຟື້ນຟູສຸຂະພາບ.ວຽກງານໃນສອງປີທີ່ຜ່ານມາໄດ້ເພີ່ມປະສົບການດ້ານຊີວິດໃຫ້ແກ່ນາງວິນເຊີນ.ນາງເວົ້າວ່າ:
"ຂ້າພະເຈົ້າໄດ້ຮູ້ຈັກກັບເດັກນ້ອຍໃນໂຮງສະຫວັດດີການ,ພະຍາດຂອງເດັກນ້ອຍບາງຄົນໃນເມື່ອກ່ອນຂ້າພະເຈົ້າກໍບໍ່ຮູ້,ຂ້າພະເຈົ້າພາພວກເຂົາເຈົ້າໄປປິ່ນປົວ,ໄປຊື້ຂອງໃຫ້ພວກເຂົາເຈົ້າ,ທັງໝົດເຫຼົ່ານີ້ເວົ້າສຳລັບຂ້າພະເຈົ້າແລ້ວແມ່ນປະສົບການທີ່ລື່ມຍາກ."
ເວລາຜ່ານໄປດົນແລ້ວ,ນາງວິນເຊີນນັບມື້ນັບມັກທຽນສິນ,ມັກພວກເດັກນ້ອຍໃນໂຮງສະຫວັດດີການທຽນສິນ.ນາງເວົ້າວ່າ,ຢູ່ຈີນ,ບໍ່ວ່າຄວາມມວນຊື່ນຫຼືຄວາມໂສກເສົ້າ, ລ້ວນແຕ່ມີສ່ວນກ່ຽວຂ້ອງກັບເດັກນ້ອຍໃນໂຮງສະຫວັດດີການ.ເມື່ອນາງເວົ້າເຖິງວັນເວລາທີ່ຢູ່ນຳກັນກັບພວກເດັກນ້ອຍ,ສີໜ້າກໍເບີກບານມ່ວນຊື່ນ.
ນາງວິນເຊີນມັກເດັກນ້ອຍ,ພວກເດັກນ້ອຍກໍມັກນາງວິນເຊີນທີ່ເປັນຊາວຕ່າງປະເທດຄືກັນ.ເມື່ອນັກຂ່າວຖາມພວກເດັກນ້ອຍມີພາບປະທັບໃຈຫຍັງແດ່ກ່ຽວກັບນາງວິນເຊີນ,ພວກເດັກນ້ອຍພາກັນເວົ້າວ່າ:ພວກຫຼານມັກອາ,ຍ້ອນວ່າອາສອນພວກຫຼານຫຼິ້ນມ່ວນຊື່ນ,ຟ້ອນລຳ,ຍັງມີອີກແມ່ນອາງາມຫຼາຍ.
ນາງວິນເຊີນທີ່ສວຍງາມໄດ້ລື້ງກັບຊີວິດການເປັນຢູ່ຢູ່ທຽນສິນແລ້ວ,ນາງມັກອາຫານຈີນ,ບໍ່ພຽງແຕ່ມັກກິນ,ນາງຍັງຮຽນແຕ່ງອາຫານຈີນ,ແລ້ວເຊີນໝູ່ເພື່ອນມາຊິມ. ນາງຂີ່ລົດຖີບເຂົ້າການແລະເລີກການຊູ່ມື້.ຢູ່ກາງທາງ,ນາງທັກທາຍກັບຊາວທຽນສິນທີ່ຕົນຮູ້ຈັກກັນ.ນາງຍັງໄດ້ໄປຮຽນພາສາຈີນຢູ່ບ້ານຂອງຄູສອນພາສາຈີນເປັນປະຈຳ,ແຕ່ລະອາທິດ,ນາງຍັງຈັດວາງເຄິ່ງມື້ສອນພາສາອັງກິດໃຫ້ພວກຄູອາຈານຂອງໂຮງສະຫວັດດີການດ້ວຍຄວາມສະໝັກໃຈ.ຢູ່ທຽນສິນ,ນາງວິນເຊີນດຳລົງຊີວິດຢ່າງເບີກບານມ່ວນຊື່ນ.
1 2
|
|
|
