|
|
 |
| (GMT+08:00)
2005-04-26 16:32:05
|
 |
|
ເພງພື້ນເມືອງພາກເໜືອຈີນ(ສຽງ)
cri
Author: huachunmei
ເພງພື້ນເມືອງທຳນອງຍາວຂອງເຜົ່າມົງໂກນແມ່ນແຕ່ງຂຶ້ນຢູ່ຕາມທົ່ງຫຍ້າເຂດມົງໂກໃນທີ່ກວ້າງສູດສາຍຕາ, ເພງທຳນອງຍາວແມ່ນຮູບການເພງປະເພດໜຶ່ງທີ່ຊາວລ້ຽງສັດເຜົ່າມົງໂກນປະດິດຄິດແຕ່ງໃນຊີວິດລ້ຽງສັດ. ເພງ"ລ້ຽງສັດ"ແມ່ນເພງພື້ນເມືອງທຳນອງຍາວຂອງເຜົ່າມົງໂກນທີ່ເຜີຍແຜ່ກັນຢ່າງກວ້າງຂວາງ, ໄດ້ບັນລະຍາຍຄວາມງາມຂອງເຂດລ້ຽງສັດເທິງທົ່ງຫຍ້າທີ່ກວ້າງໃຫຍ່ໄພສານ, ບັນຍາຍຈິດໃຈຂອງຊາວລ້ຽງສັດທີ່ຮັກຫອມທົ່ງຫຍ້າ ຮັກຫອມຊີວິດ. ເນື້ອເພງມີຢູ່ວ່າ:"ເທິງທ້ອງຟ້າສີຄາມ, ເມກຂາວເລື່ອນລອຍ, ໃຕ້ປອນເມກແມ່ນຝູງແກະທີ່ຂາວປອດ, ຝູງແກະເໝືອນດັ່ງເງິນຂາວເປັນແຜ່ນໆ, ຢາຍຢູ່ຕາມທົ່ງຫຍ້າຈັ່ງແມ່ນງາມ."
ຕໍ່ໄປ, ທ່ານຈະໄດ້ຟັງເພງພື້ນເມືອງແຂວງຊານຕຸງທີ່ຊື່ວ່າ"ພູອີເມິງ", ເພງນີ້ໄດ້ສັນລະເສີນພາບວິວອັນສວຍງາມຂອງພູອິເມິງ, ສັນລະເສີນຊີວິດອັນຜາສຸກຂອງປະຊາຊົນທ້ອງຖິ່ນ. ເພງນີ້, ທຳນອງມ່ວຍ ສະຫງ່າ, ສະແດງໃຫ້ເຫັນນິດໄສຊື່ສັດຂອງປະຊາຊົນຜູ້ອອກແຮງງານ.
ເພງ"ຈັດກະຕ່າດອກໄມ້"ແມ່ນເພງຟ້ອນທີ່ເຜີຍແຜ່ກັນຢູ່ແຂວງເຫີນານ, ມີຈຸດພິເສດຂອງເພງພື້ນເມືອງແຂວງເຫີນານ. ຄື, ມີກຳລັງ ໄວ ແຈ່ມໃສ, ທັງມີຄວາມອ່ອນໂຍນ ຊາບເຊິ່ງ, ມີສີສັນທ້ອງຖິ່ນຢ່າງເຂັ້ມຂຸ້ນແລະມີກິ່ນອາຍຊີວິດ, ພວກນາງສາວພາກັນໄປເດັດເອົາດອກໂບຕັນທີ່ສວຍງາມມາແຕ່ເທິງພູ, ແລ້ວພາກັນຈັດເປັນກະຕ່າດອກໄມ້. ເນື້ອເພງມີດັ່ງນນີ້: "ຈັດກະຕ່າດອກໄມ້, ຈັດກະຕ້າດອກໄມ້ຢູ່ເທິງພູນານຊ່ານ, ເທິງພູນານຊ່ານມີດອກໂບຕັນແດງບານເຕັມພູ, ເດັດດອກໂບຕັນ, ສອງສາມດອກກໍເຕັມກະຕ່າໜຶ່ງ, ດອກໂບຕັນຫຼາຍສິສັນ, ດອກໂບຕັນຈັ່ງແມ່ນງາມ, ຜູ້ສາວໃຜກໍມັກດອກໂບຕັນ."
ສຸດທ້າຍເຊີນຟັງເພງພື້ນເມືອງຊານຕຸງທີ່ໃຫ້ຊື່ວ່າ"ປາວເລິ້ງຕ້ຽວ", ແມ່ນເພງພື້ນເມືອງທີ່ມີລັກສະນະຕົວແທນຂອງພາກຕາເວັນອອກແຂວງຊານຕຸງ, ເພງນີ້ສະແດງເຖິງຄວາມມວນຊື່ນຂອງພວກຜູ້ສາວໃນເວລາທີ່ເກັບກ່ຽວໄດ້ຫຼາຍ. ເນື້ອເພງມີຢູ່ວ່າ, ດອກຝ້າຍບານ, ຮວງເຂົ້າຝ້າງແດງໝົດທີບ. ປີນີ້, ເກັບຝ້າຍໄດ້ຫຼາຍ, ຄອບຄົວໃດກໍຫ້ອຍໂຄມແດງສະແດງຄວາມມ່ວນຊື່ນ.
1 2
|
|
|
