|
ແຂວງຢຸນນານທີ່ຕັ້ງຢູ່ເຂດພາກຕາເວັນຕົກສຽງໃຕ້ຂອງຈີນແມ່ນແຂວງໜຶ່ງຢູ່ເຂດພູດອຍທີ່ມີພູສູງເຫວເລິກ.ແຕ່ກ່ອນ,ເມື່ອຄົນທັງຫຼາຍກ່າວເຖິງຄົມມະນາຄົມແຂວງຢຸນນານ,ກໍຍ່ອມຈະຄຶດເຖິງສະພາບທີ່ຂະບວນມ້າຕ່າງ ສິນຄ້າຢູ່ລະຫວ່າງຮ່ອມພູ,ທັງໄດ້ຍິນສຽງກະດິງດັງຂຶ້ນຢູ່ພູຜາປ່າດົງ.ໃນຊູ່ມື້ນີ້,ໄລຍະທາງທີ່ແລ່ນລົດໄດ້ຂອງແຂວງຢຸນນານເປັນທີໜຶ່ງຢູ່ຈີນ,ເຊິ່ງໄດ້ບັນລຸ1ແສນ6ໝື່ນ4ພັນກິໂລແມັດ,ໃນນັ້ນ,ທາງຫຼວງຊັ້ນສູງມີເຖິງ1300ກວ່າກິໂລແມັດ.ທາງດ່ວນຂອງແຂວງຢຸນນານໄດ້ເຊື່ອມຕໍ່ກັບແຂວງເຊສວນ,ແຂວງກຸ້ຍໂຈ່ວແລະເຂດກວາງຊີຂອງຈີນ,ຕໍ່ພາຍນອກ,ໄດ້ຕໍ່ກັບຫວຽດນາມ,ລາວແລະມຽນມ້າ,ເຊິ່ງໄດ້ອຳນວຍເງື່ອນໄຂສະດວກດ້ານຄົມມະນາຄົມ ໃຫ້ແກ່ ການໄປມາຫາສູ່ກັນລະຫວ່າງປະຊາຊົນແຂວງຢຸນນານກັບປະຊາຊົນເຂດແຂວງອ້ອມຂ້າງຂອງຈີນແລະປະຊາຊົນບັນດາປະເທດອາຊີອາຄະເນ.
ອຸໂມງປີ້ຈີ່ກ່ວນຕັ້ງຢູ່ຕອນຄຸນມິງຫາເມືອງອ່ານນິງຂອງທາງດ່ວນຢຸນນານຈີນ- ມຽນມາ.ກິດຈະການຕົ້ນຕໍແມ່ນແປງທາງດ່ວນອ້ອມພູທີ່ມີສີ່ຊ່ອງທາງໃຫ້ເປັນອຸໂມງທາງດ່ວນທີ່ມີທາງສອງເສັ້ນ,ແຕ່ລະເສັ້ນມີ3ຊ່ອງທາງ.ຕາມໄດ້ຊາບ,ອຸໂມງປີ້ຈີ່ກ່ວນຍາວທັງໝົດ1380ແມັດ,ອຸໂມງດັ່ງກ່າວມີເສັ້ນຜ່າກາງຍາວ,ຢູ່ໃຕ້ດິນບໍ່ເລິກ,ສະພາບທໍລະນີສັບສົນຫຼາຍ,ສະນັ້ນ,ການກໍ່ສ້າງກິດຈະການນີ້ແມ່ນຫຍຸ້ງຍາກລຳບາກທີ່ສຸດ.ທ່ານເຈິ້ງກ່ວນອີງຜູ້ອຳນວຍການທີ່ຮັບຜິດຊອບການກໍ່ສ້າງອຸໂມງດັ່ງກ່າວແມ່ນຜູ້ ສ້າງທາງອະວຸໂສ ທີ່ມີປະສົບການສ້າງອຸໂມງ18ປີ.ໃນ18ປີມານີ້,ກອງກໍ່ສ້າງທີ່ທ່ານນຳພາໄດ້ຫາບແບບໜ້າທີ່ສ້າງອຸໂມງຂອງທາງຫຼວງ30ກວ່າແຫ່ງ,ເຄີຍປະສົບພູເຈື່ອນ,ຫິນແລະດິນຕົມເຈື່ອນຕັ້ງຫຼາຍເທື່ອ,ແຕ່ບໍ່ໄດ້ເກີດອຸບັດເຫດມີຄົນຕາຍຫຼືບາດເຈັບຈັກເທື່ອ.ກຳມະກອນທັງຫຼາຍຈັດເປັນສາມຝຽນຜັດປ່ຽນກັນເຮັດວຽກຕະຫຼອດ24ຊົ່ວໂມງຊູ່ມື້,ເຮັດໃຫ້ອຸໂມງທາງດ່ວນດັ່ງກ່າວທີ່ມີເສັ້ນຜ່າກາງຍາວກວ່າໝູ່ພາຍໃນຈີນໃນປັດຈຸບັນສາມາດເຈາະໄດ້ມື້ລະ1,6ແມັດ.
ຢູ່ສະຖານທີ່ກໍ່ສ້າງ,ໃນທ່າມກາງສຽງຈັກເຈາະພູ,ທ່ານລີຊຽງສຸນ ທີ່ຫາກໍ່ສຳເລັດວຽກງານຕິດຕາມກວດກາຄຸນນະພາບໂຄງການກໍ່ສ້າງນັ້ນບອກນັກຂ່າວວ່າ:"ປັດຈຸບັນ,ໂຄງການກໍ່ສ້າງໄດ້ມີການຄືບໜ້າຢ່າງສະດວກ,ເຈາະອຸໂມງໄດ້63ແມັດແລ້ວ.ໄລຍະເຮັດວຽກຂຸ້ນຂ້ຽວຫຼາຍ,ຕາມແຜນການຈະເຈາະອຸໂມງໃຫ້ຊອດໄດ້ໃນເດືອນພະຈິກ.ກອງບັນຊາການໂຄງການພວກເຮົາຮຽກຮ້ອງໃຫ້ມີຄຸນນະພາບດີ,ຄັນຄຸນນະພາບດີແລ້ວກໍຈະຄືບໜ້າໄວຫຼາຍ."
ຕາມໄດ້ຊາບ,ເມື່ອອຸໂມງສ້າງສຳເລັດແລະແລ່ນລົດ ແລ້ວ,ເວລາຂີ່ລົດຈາກຄຸນມິງຈີນໄປ ລັດຊານຂອງມຽນມ້າຈະສັ້ນເຂົ້າມື້ໝື່ງ,ອັນໄດ້ອຳນວຍຄວາມສະດວກຢ່າງຫຼວງຫຼາຍໃຫ້ແກ່ການໄປມາຫາສູ່ກັນດ້ວຍໄມຕີຈິດລະຫວ່າງປະຊາຊົນຈີນ ມຽນມາ.
ຜູ້ຮັບເໝົາກໍ່ສ້າງໂຄງການອຸໂມງປີ້ຈີ່ກ່ວນນັ້ນແມ່ນບໍລິສັດຫຸ້ນສ່ວນຂົວທາງຢຸນນານຈຳກັດ.ແຕ່ເດີມ,ບໍລິສັດນີ້ແມ່ນລັດວິວາຫະກິດທີ່ມີປະຫວັດ50ກວ່າປີ.ພາຍຫຼັງຈີນປະຕິບັດການປະຕິຮູບໄຂປະຕູສູ່ພາຍນອກແລ້ວ,ບໍລິສັດນີ້ໄດ້ກາຍເປັນວິສາຫະກິດລະບອບຫຸ້ນສ່ວນແຫ່ງທຳອິດໃນລະບົບທາງຫຼວງແຂວງຢຸນນານ.ທ່ານຕົງກຸ້ຍຈົ່ງ ຮອງຜູ້ອຳນວຍການໃຫຍ່ບໍລິສັດດັ່ງກ່າວບອກນັກຂ່າວວ່າ:
"ບໍລິສັດຫຸ້ນສ່ວນຂົວທາງຢຸນນານຈຳກັດພວກເຮົາໄດ້ກຳນົດຍຸດທະສາດທີ່ວ່າ"ຫຍີ່ຫໍ້ຊື່ດັງໜຶ່ງ,ການບຸກທະລຸສອງດ້ານ."ຍີ່ຫໍ້ຊື່ດັງແມ່ນໝາຍເຖິງການອອກແຮງສ້າງຍີ່ຫໍ້ທີ່ວ່າຂົວທາງຢຸນນານ.ການບຸກທະລຸສອງດ້ານ,ແມ່ນໝາຍເຖິງການບຸກທະລຸຈາກຜູ້ຮັບເໝົາເປັນຜູ້ລົງທຶນບຸກທະລຸຈາກຂະແໜງການທາງຫຼວງໄປສູ່ຂະແໜງການອື່ນໆ,ແລະກາຍເປັນວິສາຫະກິດແຫ່ງທຳອິດໃນລະບົບຄົມມະນາຄົມແຂວງຢຸນນານທີ່ຈະຈົດທະບຽນໃນູຕະຫຼາດຫຼັກຊັບ."
1 2
|
