|
|
 |
| (GMT+08:00)
2005-05-10 17:59:11
|
 |
|
[ທ່ານກູ້ສາງເວີ້ຍ ນັກຖ່າຍຮູບເງົາ]
cri
Author: mo
|
ທ່ານກູ້ສາງເວີ້ຍແມ່ນຜູ້ມີຊື່ມີສຽງໃນວົງການຮູບເງົາຂອງຈີນ, ຖືກເອີ້ນເປັນຊ່າງກ້ອງຊັ້ນເອກຂອງຈີນ, ຮູບເງົາເລື່ອງ"ນົກຍູງ"ທີ່ທ່ານກຳກັບການສະແດງນັ້ນໄດ້ຮັບຄວາມນິຍົມຊົມຊອບຈາກຜູ້ຊົມທັງຫລາຍຂອງຈີນ, ແລະໄດ້ຮັບລາງວັນ"ໝີເງິນ"ໃນງານມະຫະກຳຮູບເງົາແບກແລງ.
ມີຄົນຕີລາຄາວ່າ, ຮູບເງົາເລື່ອງ"ນົກຍູງ"ແມ່ນມາຫາກາບດ້ານຈິດໃຈ. ຮູບເງົາເລື່ອງນີ້ໄດ້ເລົ່າຊີວິດແລະຊາຕາກຳຂອງເອື້ອຍນ້ອງສາມຄົນໃນຄອບຄົວສາມັນຄອບຄົວໜຶ່ງຂອງຈີນແຕ່ຊຸມປີ 70 ຮອດຊຸມປີ 80 ຂອງ ສະຕະວັດແລ້ວນນີ້. ຜູ້ເປັນເອື້ອຍມັກໄຝ່ຝັນ, ສະແດງບຸກຄະລິກຂອງຕົນໃນສາຍຕາຂອງຄົນອ້ອມຂ້າງທີ່ສະແດງຄວາມຕົກສະເງີ້ ບໍ່ເຂົ້າໃຈ ແລະດູໝີ່ນ; ນ້ອງຊາຍຜູ້ໃຫຍ່ເປັນຄົນປັນຍາອ່ອນເລັກໜ້ອຍ, ຄວາມຄຶດງ່າຍດາຍທີ່ສຸດ, ນ້ອງຜູ້ນີ້ສະແດງຄວາມເມດຕາກະລຸນາຕໍ່ໝົດທຸກຄົນ, ພັດຖືກຫົວຂວັນເລື້ອຍໆ; ນ້ອງຊາຍຫລ້າມີນິດໄສມິດງຽບບໍ່ມັກປາກ, ປາຖະໜາຢາກໃຫ້ເພື່ອນຮຽນເຄົາລົບນັບຖືຕົນເອງ. ຊາຕາກຳຂອງສາມັນຊົນເຫຼົ່ານີ້ໄດ້ເຮັດໃຫ້ຄົນຈີນອາຍຸ 40 ປີຂຶ້ນໄປມີຄວາມຮູ້ສຶກຄ້າຍຄືກັນຢ່າງແຮງກ້າ, ສະພາບຊີວິດການເປັນຢູ່ໃນສະໄໝນັ້ນກໍຄື: ເຮັດກ້ອນຖ່ານຫີນຮັງເຜີ້ງເອົາເອງ, ເຮັດແຈ່ວໝາກເຫຼ່ນເອົາເອງ, ແລະເຮັດໄຂ່ຍ່ຽວມ້າເອົາເອງເປັນຕົ້ນ, ລ້ວນແຕ່ແມ່ນສະພາບຊີວິດຕົວຈິງຂອງຄົນຈີນທີ່ບໍ່ຮັ່ງມີ ໃນຄາວນັ້ນ. ທ່ານກູ້ສາງເວີ້ຍເວົ້າວ່າ, ໃນນັ້ນ, ກໍມີປະສົບການດຳລົງຊີວິດຂອງທ່ານເອງ, ບຸກຄົນໃນຮູບເງົາກໍແມ່ນໄທເຮືອນໃກ້ຄຽງ ຍາດພີ່ນ້ອງຂອງທ່ານເອງ. ທ່ານເວົ້າວ່າ,
ຂ້າພະເຈົ້າບຸກຄົນທຳມະດາສາມັນເຫຼົ່ານີ້ຫລາຍ, ຂ້າພະເຈົ້າມີຄວາມເຄົາລົບນັບຖືສາມັນຊົນຄືພວກເຂົາເຈົ້າເຫຼົ່ານັ້ນ.
1 2 3
|
|
|
