|
|
 |
| (GMT+08:00)
2005-05-10 17:59:11
|
 |
|
[ທ່ານກູ້ສາງເວີ້ຍ ນັກຖ່າຍຮູບເງົາ]
cri
Author: mo
ທ່ານກູ້ສາງເວີ້ຍ ປີນີ້ອາຍຸ 50 ປາຍ, ເກີດຢູ່ນະຄອນຊີອ່ານ, ພໍ່ແມ່ແມ່ນຄູສອນທຳມະດາ, ທ່ານມັກແຕ້ມຮູບມາແຕ່ຍາມຍັງນ້ອຍ, ແລະມີຄວາມໄຝ່ຝັນຢາກເປັນນັກແຕ້ມຮູບ. ປີ 1978, ທ່ານເສັງເຂົ້າຂະແໜງວີຊາຖ່າຍຮູບເງົາຂອງວິທະຍາຄານຮູບເງົາປັກກິ່ງ. ແຕ່ປີ 1984 ເປັນຕົ້ນມາ, ທ່ານກູ້ສາງເວີ້ຍເລີ່ມເປັນຊ່າງຖ່າຍຮູບເງົາ, ເຄີຍຮ່ວມມືກັບທ່ານຈາງອີ້ໂມວ ແລະທ່ານເສີນຂາຍເກີ ຜູ້ກຳກັບການສະແດງຮູບເງົາທີ່ມີຊື່ສຽງຂອງຈີນ, ໄດ້ຖ່າຍທຳຮູບເງົາດີເລີດຫລາຍເລື່ອງ, ທ່ານກູ້ສາງເວີ້ຍຖືກເອີ້ນເປັນຊ່າງຖ່າຍຮູບເງົາເອກຂອງຈີນ. ເຄີຍໄດ້ຮັບນາມມະຍົດເປັນ"ຊ່າງຖ່າຍຮູບເງົາດີເດັ່ນຮ້ອຍທ່ານແຫ່ງສະຕະວັດ"ແລະອື່ນໆ. ປີ 1993, ຮູບເງົາເລື່ອງ"Bawangbieji" ແປວ່າເຈົ້າຈັກກະພັດພາກຈາກມະເຫສີ ໄດ້ຮັບລາງວັນຕົ້ນປານແມຄຳຂອງງານມະຫະກຳຮູບເງົາເມືອງການຄັ້ງທີ 46 ຢູ່ ຝຣັ່ງ. ພ້ອມກັນນັ້ນ, ທ່ານກູ້ສາງເວີ້ຍຍັງໄດ້ຖືກສະເໜີຊື່ໃຫ້ຮັບລາງວັນຖ່າຍຮູບເງົາທີ່ດີກວ່າໝູ່ຂອງອົສກາອາເມລິກາ. ພາຍລຸນມາ, ທ່ານກູ້ສາງເວີ້ຍໄດ້ໄປເຮັດວຽກຢູ່ໂຮລິວຸດອາເມລິກາ 5 ປີ.
ທ່ານກູ້ສາງເວີ້ຍເວົ້າວ່າ, ທ່ານໄປອາເມລິກາແມ່ນເພື່ອຖ່າຍຮູບເງົາທີ່ຕ່າງກັນ, ທ່ານເຫັນວ່າ, ມະນຸດສະຍະພາບຂອງຄົນແມ່ນຄືກັນ, ຮູບເງົາດີຂອງອາເມລິກາ, ຄົນຈີນກໍມັກເບິ່ງ, ຮູບເງົາດີຂອງຈີນ, ຊາວອາເມລິກາກໍມັກເບິ່ງເຊັ່ນດຽວກັນ. ທ່ານກູ້ສາງເວີ້ຍຮ່ວມມືກັບເພື່ອນຮ່ວມງານອາເມລິກາເປັນຢ່າງດີ, ທ່ານຮຽນໄດ້ຫລາຍສິ່ງຫລາຍຢ່າງ. ຫລາຍປີຕໍ່ມາ, ທ່ານກູ້ສາງເວີ້ຍໄດ້ກັບຄືນສູ່ຈີນອີກ.
ທ່ານກູ້ສາງເວີ້ຍແມ່ນນັກສ້າງຟີມທີ່ຮັກອາຊີບທີ່ສຸດ, ຈົດຈຈໍ່ຕໍ່ວຽກງານທີ່ສຸດ. ທ່ານຮັກຫອມວຽກງານຖ່າຍທຳຮູບເງົາເຊັ່ນດຽວກັນກັບຮັກລູກຂອງຕົນ, ທ່ານໄດ້ທຸ່ມເຫື່ອເທແຮງຂອງຕົນທັງໝົດເຂົ້າໃນການສ້າງຮູບເງົາ. ໃນເວລາກ່າວເຖິງຄວາມປາຖະໜາຕໍ່ຮູບເງົາຂອງຕົນນັ້ນ, ທ່ານກູ້ສາງເວີ້ຍເວົ້າວ່າ:
"ຄຸນຄ່າຂອງຮູບເງົາບໍ່ແມ່ນຢູ່ນຳວ່າມັນໄດ້ຮັບລາງວັນຫຼືບໍ່? ຂ້າພະເຈົ້າຮູ້ສຶກວ່າ, ມາດຖານອັນສຳຄັນໃນໃຈຂ້າພະເຈົ້າແມ່ນ: ຖ້າແມ່ນຮູບເງົາທີ່ດີ, ຜ່ານໄປຫລາຍປີ, ຄົນທັງຫລາຍຍັງມັກເບິ່ງຢູ່, ຍັງຢາກເວົ້າເຖິງຮູບເງົາເລື່ອງນີ້ຢູ່, ຈຶ່ງແມ່ນຮູບເງົາທີ່ດີ. ແຕ່ຂ້າພະເຈົ້າຮູ້ວ່າ, ຢາກເຮັດເຖິງຂັ້ນນີ້ແມ່ນເລື່ອງຍາກຫລາຍ, ແຕ່ຂ້າພະເຈົ້າຍິນດີເຮັດ."
1 2 3
|
|
|
