ບັ້ນລົບຍົກພົນຂຶ້ນບົກທີ່ນອກມັງດີແມ່ນບັ້ນລົບຍົກພົນຂຶ້ນບົກທີ່ມີຂະໜາດໃຫຍ່ກວ່າໝູ່ໃນສົງຄາມໂລກຄັ້ງທີສອງ,ມັນໄດ້ສ້າງພື້ນຖານໃຫ້ແກ່ກອງທະຫານພັນທະມິດທີ່ບຸກເບີດສະໜາມລົບຢູ່ເອີລົບ,ໄດ້ແຜ້ວທາງໃຫ້ແກ່ການປົດປ່ອຍຝະຣັ່ງແລະບຸກເຂົ້າສູ່ເຢຍລະມັນ.ບັ້ນລົບຍົກພົນຂຶ້ນບົກທີ່ນອກມັງດີເປັນຂີດໝາຍສະແດງໃຫ້ເຫັນວ່າກອງທະຫານພັນທະມິດໄດ້ເລີ່ມຕ່າວໂຈມຕີຄືນຕໍ່ຟັດຊິດເຢຍລະມັນຢ່າງຮອບດ້ານໃນສົງຄາມໂລກຄັ້ງທີສອງ.
ການບຸກເບີດສະໜາມລົບທີສອງຢູ່ເອີລົບແມ່ນໄດ້ຕົກລົງກັນໃນກອງປະຊຸມເຕເຮຣານທີ່ສາມປະເທດຄືໂຊວຽດ,ອັງກິດແລະອາເມລິກາຈັດຂຶ້ນໃນເດືອນພະຈິກປີ1943.ສະນັ້ນ,ປະເທດພັນທະມິດໄດ້ຕັ້ງກອງບັນຊາການສູງສຸດກອງທະຫານເຄື່ອນທັບທາງໄກຂອງປະເທດພັນທະມິດຢູ່ຊານນະຄອນລອນດອນ.ທ່ານອາຍເຊນຮາວ ນາຍພົນອາເມລິກາຖືກແຕ່ງຕັ້ງເປັນຜູ້ບັນຊາການສູງສຸດຂອງກອງທະຫານພັນທະມິດ,ບັນຊາການສູ້ລົບຍົກພົນຂຶ້ນບົກຢູ່ເອີລົບຕາເວັນຕົກຢ່າງເປັນເອກະພາບກັນ.
ທ່ານເຊີຊີວ ນາຍົກລັດຖະມົນຕີອັງກິດກັບທ່ານອາຍເຊນຮາວ
ພາຍຫຼັງຊັ່ງຊາຜົນໄດ້ຜົນເສຍແລ້ວ,ກອງທະຫານພັນທະມິດໄດ້ເລືອກເອົາເຂດນອກມັງດີເປັນບ່ອນຍົກພົນຂຶ້ນບົກຢູ່ພາກຕາເວັນຕົກສຽງເໜືອຂອງຝະຣັ່ງ.
1 2 3 4
|