|
ເວົ້າສຳລັບທ່ານໂລຟາປິນ ຜູ້ຂັບລົດດຸດດິນແລ້ວ,ວັນກຳມະກອນສາກົນປີນີ້ແມ່ນວັນທີ່ທ່ານລື່ມຍາກ. ຍ້ອນວ່າທ່ານໄດ້ປະກອບສ່ວນອັນພົ້ນເດັ່ນໃນການກໍ່ສ້າງທາງລົດໄຟຊິງຫາຍຕິເບດ,ປີນີ້,ທ່ານໄດ້ຮັບນາມະຍົດ ເປັນຜູ້ອອກແຮງງານແບບຢ່າງທົ່ວປະເທດ ເຊິ່ງເປັນກຽດສູງສຸດທີ່ລັດຖະບານຈີນມອບໃຫ້ຜູ້ອອກແຮງງານ.
ທ່ານໂລຟາປິນປີນີ້ອາຍຸ43ປີ,ແມ່ນກຳມະກອນສາມັນຜູ້ໜຶ່ງຂອງສະຫະບໍລິສັດ ກໍ່ສ້າງທາງລົດໄຟຈີນ.ທ່ານໄດ້ຂັບລົດດຸດດິນ20ກວ່າປີແລ້ວ,ເຄີຍເຂົ້າຮ່ວມການກໍ່ສ້າງທາງລົດໄຟເສັ້ນສຳຄັນຫຼາຍເສັ້ນຂອງຈີນ.ແຕ່ວ່າ,ທາງລົດໄຟຊິງຫາຍຕິເບດທີ່ພວມກໍ່ສ້າງຢູ່ນັ້ນແມ່ນເຮັດໃຫ້ທ່ານລື່ມຍາກກວ່າເພິ່ນ.
ທາງລົດໄຟຊິງຫາຍຕິເບດແມ່ນສ້າງຢູ່ບົນພູພຽງຊິງຫາຍຕິເບດເຊິ່ງຖືກເອີ້ນເປັນຫຼັງຄາໂລກ.ທາງລົດໄຟເສັ້ນນີ້ເລີ່ມກໍ່ສ້າງໃນປີ2002,ທິດເໜືອຈາກເມືອງເກີເອີມູ້ແຂວງຊິງຫາຍ,ທິດໃຕ້ໄປຮອດລາຊາ ເທດສະບານເຂດຕິເບດປົກຄອງຕົນເອງ,ຍາວ1000ກວ່າກິໂລແມັດ,ຍອດມູນຄ່າການລົງທຶນແມ່ນ26ຕື້ກວ່າຢວນ.ເມື່ອສ້າງທາງລົດໄຟເສັ້ນນີ້ສຳເລັດແລ້ວ,ມັນຈະກາຍເປັນທາງລົດໄຟທີ່ຢູ່ສູງຈາກລະດັບໜ້ານ້ຳທະເລກວ່າໝູ່ໃນໂລກ,ທັງແມ່ນທາງລົດໄຟບົນພູພຽງທີ່ຍາວກວ່າໝູ່ໃນໂລກ.
ໃນຕົ້ນປີ2003,ສະຫະບໍລິສັດກໍ່ສ້າງທາງລົດໄຟຈີນທີ່ທ່ານໂລຟາປິນສັງກັດຢູ່ນັ້ນໄດ້ຮັບໜ້າທີ່ເຂົ້າຮ່ວມການກໍ່ສ້າງທາງລົດໄຟຊິງຫາຍຕິເບດ ເຊິ່ງເປັນໂຄງການ ໃຫຍ່.ເມື່ອໄດ້ຮູ້ຂ່າວນີ້ແລ້ວ,ທ່ານໂລຟາປິນໄດ້ ຮ້ອງຂໍນຳຜູ້ຮັບຜິດຊອບຂອງບໍລິສັດ, ໄປເຂົ້າຮ່ວມການກໍ່ສ້າງທາງລົດໄຟຊິງຫາຍຕິເບດ.ທ່ານກ່າວວ່າ:
"ຍ້ອນວ່າສິ່ງແວດລ້ອມສິ່ງຫາຍຕິເບດພິເສດທີ່ສຸດ,ມີສິ່ງທ້າທາຍໃນທຸກດ້ານ.ໂດຍສະເພາະແມ່ນເປັນການທົດສອບສຳຄັນຕໍ່ເຕັກນິກຂອງຂ້າພະເຈົ້າ.ຂ້າພະເຈົ້າເລີຍສະເໜີຊື່ຮ້ອງຂໍເຂົ້າຮ່ວມການກໍ່ສ້າງໂຄງການຈຸດໜັກແຫ່ງຊາດນີ້."
ສະເລ່ຍແລ້ວ,ພູພຽງຊິງຫາຍຕິເບດສູງກວ່າໜ້ານ້ຳທະເລ4ພັນກວ່າແມັດ,ຢູ່ຫັ້ນອາກາດໜາວຈັດ,ຂາດອົກຊີ,ແສງແດດກ້າ, ຜູ້ໄປທ່ອງທ່ຽວຕ້ອງຄິດວ່າສຸຂະພາບຂອງຕົນທົນໄດ້ບໍ່,ຍິ່ງບໍ່ຕ້ອງເວົ້າເຖິງໄປເຮັດວຽກ ໜັກຢູ່ແຫ່ງນັ້ນ.ແຕ່ທ່ານໂລຟາປິນຊ້ຳພັດຄິດວ່າ,ໄປເຮັດວຽກຢູ່ແຫ່ງນັ້ນຍິ່ງຈະໄດ້ຝຶກແອບເຕັກນິກຂອງຕົນ.
ບໍລິສັດທີ່ທ່ານໂລຟາປິນສັງກັດຢູ່ນັ້ນແມ່ນຮັບຜິດຊອບກໍ່ສ້າງທາງລົດໄຟຕອນຢູ່ເມືອງນາສູ ທີ່ຫ່າງຈາກລາຊາ ເທດສະບານເຂດຕິເບດປົກຄອງຕົນເອງ200ກວ່າກິໂລແມັດ.ຕອນທີ່ພວກທ່ານຫາກໍ່ໄປຮອດເມືອງນາສູພໍດີຖືກກັບຍາມໜາວຈັດກວ່າໝູ່ຢູ່ເຂດຕິເບດ.ທ່ານໂລຟາປິນບອກວ່າ:
"ເມື່ອໄປຮອດແຫ່ງນັ້ນແລ້ວ,ຈິ່ງປະກົດເຫັນວ່າບໍ່ພຽງແຕ່ທາງຮ່າງກາຍບໍ່ລຶ້ງກັບອາກາດເທິງພູພຽງທໍ່ນັ້ນ,ຈົນກະທັ້ງລົດດຸດດິນກໍ່ຕິດຂັດເລື້ອຍໆ.ໃນເວລາລົດດຸດດິນແລ່ນຢູ່ເທິງພູພຽງ,ນ້ຳມັນເຜົາໄໝ້ບໍ່ເຕັມສ່ວນຍ້ອນຂາດອົກຊີ,ລົດສັ່ນສະເທື່ອນແຮງ,ຈັບພວງມະໄລຍາກທີ່ສຸດ.ເມື່ອແປງລົດ,ຢູ່ເທິງທົ່ງພຽງ,ຫັນຕະປູກຽວໃຊ້ເວລາບໍ່ເທົ່າໃດນາທີກໍສຳເລັດໄດ້.ແຕ່ຢູ່ເທິງພູພຽງ,ຕ້ອງພັກຫຼາຍເທື່ອຈິ່ງຫັນຕະປູກຽວໃຫ້ແຈບໄດ້."
1 2
|
