|
|
 |
| (GMT+08:00)
2005-05-24 15:06:49
|
 |
|
ຈີນຍິ່ງເອົາໃຈໃສ່ນຳມະນຸດສະຍະພາບໃນການຄຸ້ມຄອງໂຮງຮຽນຊັ້ນສູງ(ສຽງ)
cri
Author: q
ຂໍ້ມາດຕາກ່ຽວກັບນັກສຶກສາແຕ່ງງານທີ່ລະບຸໄວ້ໃນຂໍ້ກຳນົດສະບັບໃໝ່ກໍແມ່ນຫົວຂໍ້ໜຶ່ງທີ່ສື່ມວນຊົນແລະວົງການຕ່າງໆໃນສັງຄົມວິພາກວິຈານຫຼາຍກວ່າໝູ່ໃນຊົ່ວໄລຍະມໍ່ໆນີ້.ແຕ່ກ່ອນ,ຂໍ້ກຳນົດກ່ຽວກັບການຄຸ້ມຄອງນັກສຶກສາໂຮງຮຽນຊັ້ນສູງສາມັນທີ່ກະຊວງສຶກສາທິການຈີນປະກາດນັ້ນກຳນົດໄວ້ຢ່າງຈະແຈ້ງວ່າ,ໃນໄລຍະຮຽນຢູ່ໂຮງຮຽນບໍ່ໃຫ້ນັກສຶກສາແຕ່ງງານ,ແຕ່ກໍ່ມີໂຮງຮຽນຊັ້ນສູງບາງແຫ່ງໄດ້ອີງຕາມກໍລະນີລະອຽດ,ວາງມາດຕະການທີ່ຄ່ອງແຄ້ວຈຳນວນໜຶ່ງ,ອະນຸຍາດໃຫ້ນັກສຶກສາປະລິນຍາໂທທີ່ອາຍຸອ່າວສູງຈຳນວນໜຶ່ງແຕ່ງງານ.ສ່ວນຂໍ້ກຳນົດສະບັບໃໝ່ທີ່ປະກາດເທື່ອນີ້ບໍ່ໄດ້ຈຳກັດການແຕ່ງງານຂອງນັກສຶກສາອີກ.ຕໍ່ເລື່ອງນີ້,ນາງວາງລິນຈິ່ນ ນັກສຶກສາປະລິຍາຕີຂອງມະຫາວິທະຍາໄລຊິງຮວາ ໂຮງຮຽນຊັ້ນສູງທີ່ມີຊື່ສຽງຂອງຈີນໄດ້ເລົ່າຄວາມເຫັນຂອງຕົນໃນເວລາໃຫ້ສຳພາດຕໍ່ນັກຂ່າວ.ນາງເວົ້າວ່າ:
"ຂ້າພະເຈົ້າເຫັນວ່າ,ຍ້ອນວ່າໃນຫຼາຍປີມໍ່ໆມານີ້, ລັດບໍ່ຈຳກັດອາຍຸຂອງນັກສຶກສາອີກ,ສະນັ້ນ,ປັດຈຸບັນ,ອົງປະກອບຂອງໝູ່ນັກສຶກສາໃນໂຮງຮຽນໄດ້ເກີດມີການປ່ຽນແປງຢ່າງໃຫຍ່ຫຼວງ,ບໍ່ຄືແຕ່ກ່ອນແລ້ວ.ສະນັ້ນ,ນະໂຍບາຍດັ່ງກ່າວແມ່ນໄດ້ພິຈາລະນາເຖິງຜົນປະໂຫຍດຕິດຕົວຂອງນັກສຶກສາ,ໃຫ້ນັກສຶກສາມີສິດຄັດເລືອກເອົາເອງ.ແຕ່ເມື່ອເບິ່ງຈາກສະພາບໃນປັດຈຸບັນແລ້ວເຫັນວ່າ,ນັກສຶກສາໃນໂຮງຮຽນມີໃຈສະຫງົບຢູ່."
ນອກນີ້,ຂໍ້ກຳນົດກ່ຽວກັບການຄຸ້ມຄອງນັກສຶກສາໂຮງຮຽນຊັ້ນສູງສາມັນສະບັບໃໝ່ທີ່ຈະປະຕິບັດໃນເດືອນກັນຍາປີນີ້ຍັງໄດ້ມອບສິດເປັນເຈົ້າຕົນເອງຫຼາຍກວ່າເກົ່າໃນດ້ານຈັດວາງການສຶກສາໃຫ້ແກ່ບັນດາໂຮງຮຽນຊັ້ນສູງ.ຕົວຢ່າງຄື,ໄດ້ຍົກເລີກຄວາມຮຽກຮ້ອງກ່ຽວກັບລະບຽບການແລະເວລາປ່ຽນວິຊາສະເພາະຂອງນັກສຶກສາ,ຍົກເລີກຂໍ້ກຳນົດຕ່າງໆຂອງລັດໃນເມື່ອກ່ອນເຊັ່ນ,ການສອບເສັງ,ການສອບເສັງສະເພາະ,ຮູບການປະເມີນຜົນງານການຮຽນ,ແລະການຕົກຫ້ອງ,ຫຼຸດຊັ້ນ,ຖອນອອກຈາກໂຮງຮຽນຍ້ອນຜົນງານການຮຽນເປັນຕົ້ນ,ໄດ້ຍົກເລີກການກຳນົດເວລາດົນນານທີ່ສຸດຂອງນັກສຶກສາທີ່ຮຽນຢູ່ໂຮງຮຽນແລະອື່ນໆ.ຕໍ່ໄປພາຍໜ້າ,ໂຮງຮຽນຊັ້ນສູງສາມາດອີງຕາມສະພາບຕົວຈິງຂອງໂຮງຮຽນຕົນ,ວາງຂໍ້ກຳນົດລະອຽດໃນດ້ານຕ່າງໆທີ່ກ່າວມາຂ້າງເທິງນັ້ນ,ອັນໄດ້ສ້າງພື້ນຖານໃຫ້ແກ່ໂຮງຮຽນເຄົາລົບຄວາມແຕກຕ່າງກັນດ້ານອຸປະນິໄສຂອງນັກສຶກສາ.ພວກນັກສຶກສາແລະອາຈານຂອງໂຮງຮຽນຊັ້ນສູງຈີນທີ່ໃຫ້ສຳພາດຕໍ່ນັກຂ່າວນັ້ນເຫັນໂດຍທົ່ວໄປວ່າ,ພາຍຫຼັງຂໍ້ກຳນົດກ່ຽວກັບການຄຸ້ມຄອງນັກສຶກສາໂຮງຮຽນຊັ້ນສູງສາມັນສະບັບໃໝ່ໄດ້ຮັບການປະຕິບັດແລ້ວ,ຈະເກີດມີບົດບາດອັນຕັ້ງໜ້າທີ່ຊຸກຍູ້ການສຶກສາຊັ້ນສູງຂອງຈີນໃຫ້ຂະຫຍາຍຕົວຢ່າງປອດໄສຕື່ມອີກ.
1 2
|
|
|
