|
ທ່ານລິນຈຸ້ນເຈຍ ນັກຮ້ອງສິງກະໂປກັບເພງຂອງທ່ານ(ສຽງ)
cri
Author: mo
|
ໃນລາຍການມື້ນີ້, ຂ້າພະເຈົ້າຈະແນະນຳທ່ານລິນຈຸ້ນເຈຍ ນັກຮ້ອງສິງກະໂປກັບເພງຂອງທ່ານສູ່ຟັງ.
ກ່ອນອື່ນ, ເຊີນຟັງເພງ"Jiushiwo" "ກໍແມ່ນຂ້ອຍ" ເພງເອກໃນCDແຜ່ນທຳອິດຂອງທ່ານລິນຈຸ້ນເຈຍ. ເພງນີ້ ມີຈັງຫວະໄວສົມຄູ່ກັບເນື້ອເພງ, ສະແດງໃຫ້ເຫັນຄວາມກ້າຫານແລະຄວາມໝັ້ນ
ໃຈຂອງຊາວໜຸ່ມປັດຈຸບັນທີ່ສະແຫວງຫາຄວາມຮັກຢ່າງກ້າຫານ. ເນື້ອເພງມີຄວາມໝາຍວ່າ: ຂ້ອຍນອນຢູ່ເທິງທົ່ງຫຍ້າ, ແຫງນເບິ່ງທ້ອງຟ້າໝູ່ດາວ, ຂ້ອຍເຜີຍຫົວໃຈໃຫ້ເຈົ້າເບິ່ງ…ຜູ້ອື່ນຈະເວົ້າແນວໃດກໍຕາມຊ່າງ, ຂ້ອຍບໍ່ຫົວຊາ, ຂ້ອຍຂໍແຕ່ປະກາດວ່າ, ຜູ້ທີ່ຮັກເຈົ້ານັ້ນກໍແມ່ນຂ້ອຍນີ້ແຫຼະ.
ທ່ານລິນຈຸ້ນເຈຍເກີດຢູ່ສິງກະໂປ, ພໍ່ແມ່ກໍເຮັດວຽກສິລະປະຄືກັນ, ແມ່ມັກສີຊໍ, ພໍ່ມັກດີດກິຕາ. ໃນຄວາມຊົງຈຳຂອງທ່ານລິນຈຸ້ນເຈຍໃນໄວເດັກ, ສຽງດົນຕີທີ່ມ່ວນອອນຊອນໃນເຮືອນດັງຢູ່ບໍ່ເຊົາ. ໃນທ່າມກາງບັນຍາກາດສິລະປະແນວນີ້, ທ່ານຄ່ອຍໆມີຄວາມຕິດອົກຕິດໃຈນຳດົນຕີ. ປີ1999, ບໍລິສັດແຜ່ນສຽງຮາຍເຕຍສິງກະໂປໄດ້ປະກົດເຫັນຄວາມສາມາດໃນດ້ານແຕ່ງເພງແລະຮ້ອງເພງຂອງທ່ານລິນຈຸ້ນເຈຍ, ຈຶ່ງໄດ້ເຊັນສັນຍາກັບທ່ານ, ແຕ່ນັ້ນມາ, ທ່ານລິນຈຸ້ນເຈຍໄດ້ກ້າວຂຶ້ນສູ່ເວທີເພງ.
1 2 3
|
|
