|
|
 |
| (GMT+08:00)
2005-05-30 09:04:49
|
 |
|
ທ່ານລິນຈຸ້ນເຈຍ ນັກຮ້ອງສິງກະໂປກັບເພງຂອງທ່ານ(ສຽງ)
cri
Author: mo
ພາຍຫລັງໄດ້ກະກຽມຢ່າງຕັ້ງອົກຕັ້ງໃຈເປັນເວລາປີປາຍແລ້ວ, ເດືອນມິຖຸນາປີ 2004, ທ່ານລິນຈຸ້ນເຈຍໄດ້ອັດຈຳໜ່າຍCDເພງແຜ່ນທີສອງທີ່ໃຫ້ຊື່ວ່າ: Jiangnan ພາກໃຕ້ແມ່ນ້ຳຢາງເຊ. ຄືກັບCDແຜ່ນທຳອິດ, ທ່ານລິນຈຸ້ນເຈຍໄດ້ຮັບຜິດຊອບການແຕ່ງນົດເພງທັງໝົດ, ແລະໄດ້ເຂົ້າຮ່ວມການຮຽບຮຽງແລະຈັດທຳຂອງລາຍການ.
ເນື້ອເພງມີຢູ່ວ່າ: ພວກເຮົາທີ່ບໍ່ເຄີຍຖືກທໍລະມານຍ້ອນຄວາມຮັກຄວາມຊັງ, ຄິດວ່າ, ຄວາມຮັກກໍປ່ຽນແປງເລື້ອຍໆເໝືອນດັ່ງລົມກັບເມກ, ເຊື່ອວ່າ, ຄວາມຮັກຂອງເຮົາຍືນຍົງຊົ່ວນິລັນ, ຢາກໃຫ້ເວລານີ້ຢຸດຈຶ້ງບໍ່ປ່ຽນແປງ, ພວກເຮົາບໍ່ຮູ້ສະແດງຄວາມລະມ່ອມລະໄມ, ຄິດວ່າ, ການສະຫຼະຕົນເອງເພື່ອຄວາມຮັກ ພຽງແຕ່ແມ່ນຄວາມເລົ່າລືກັນໃນສະໄໝບູຮານ, ເຈົ້າຈາກໄປ ທໍລະມານໃຈພຽງໃດ, ເມື່ອຄວາມຝັນຖືກຝັງໃນສາຍຝັນ, ເມື່ອຄວາມຮັກລ່ວງໄປ, ຈຶ່ງເຂົ້າໃຈ.
ໃນເວລາຜະລິດແຜ່ນCDJiangnan ພາກໃຕ້ແມ່ນ້ຳຢ່າງເຊນັ້ນ, ທ່ານລິນຈຸ້ນເຈຍກໍໄດ້ມີໂອກາດໄປໂຮລີວຸດສົມດັ່ງຄວາມປາຖະໜາແຕ່ເຮັດວຽກດົນຕີມານີ້, ຄືໄດ້ໄປຮຽນເຕັກນິກອັດສຽງນຳຊ່າງອັດສຽງສະເພາະຂອງທ່ານມາຍໂຄ ແຈັກເສີນ ສິນລະປິນທີ່ທ່ານນັບຖືທີ່ສຸດ, ເພື່ອຢາກເປັນຜູ້ຜະລິດດົນຕີທີ່ມີຄວາມສາມາດຮອບດ້ານ. ນອກນີ້, ຍັງໄດ້ຮຽນວິທີເຕັ້ນລະບຳນຳທ່ານເດບ-ສະກັອດ, ຜູ້ແຕ່ງວາດຟ້ອນທີ່ມີຊື່ສຽງຂອງອາເມລິກາ. ການສະແດງຂອງທ່ານລິນຈຸ້ນເຈຍຢູ່ໃນMTVເພງZidanlieche ຂະບວນລົດໄຟລູກປືນ, ດີເດັ່ນທີ່ສຸດ, ເປັນໜ້າຍິນຍອມ.
ຕໍ່ໄປເຊີນຟັງເພງZidanlieche ຂະບວນລົດໄຟລູກປືນ, ໃນຈັງຫວະHip-Hopນັ້ນ, ສຽງກອງອູດູຂອງອາຟຼິກາໄດ້ເຮັດໃຫ້ຄົນຮູ້ສຶກເຖິງຄວາມໂຕນກັນລະຫວ່າງສະໄໝດຶກດຳບັນກັບສະໄໝປັດຈຸບັນ.
ຕໍ່ໄປເຊີນຟັງເພງTianshixin ໃຈເທວະດາ, ເພງນີ້ໄດ້ໃຊ້ທຳນອງບຼູສ໌ທີ່ເປົ່າດ້ວຍແຄນອາໂມນີກາເປັນດົນຕີເສບຕົ້ນ, ໄດ້ເພີ່ມຄວາມໜັກແໜ້ນໃຫ້ແກ່ທຳນອງດົນຕີສະໄໝ, ບາງທີຍັງມີທຳນອງດົນຕີຊົນນະບົດຂອງອາເມລິກາສອດຂຶ້ນ, ແລະຍັງມີຈັງຫວະເຄື່ອງເສບເອເລັກໂຕຼນິກທີ່ເບົາອົກເບົາໃຈແລະດີດໆເຕັ້ນໆນຳເອົາສຽງເພງໃຫ້ດັງຂຶ້ນເປັນກະແສສູງ.
1 2 3
|
|
|
