|
ແຫຼ່ງກຳເນີດຢ່າງຫນຶ່ງແມ່ນມາຈາກກຸບແລະໃບໄມ້ ກຸບແມ່ນພາຫະນະກັນຝົນແລະຮ້ອນຢ່າງຫນຶ່ງໃນສະໄຫມບູຮານ ມວນມະນຸດໄດ້ເລີ່ມນຳໃຊ້ໃນເວລາຫັນຈາກການຫາປາແລະລ່າເນື້ອມາເປັນການປູກຝັງ ໂດຍສະເພາະຢູ່ເຂດແຖບຮອນແລະມໍ່ແຖບຮ້ອນແມ່ນ ພາຫະນະອັນຈຳເປັນ ການເຮັດກຸບໃນຄາວນັ້ນງ່າຍທີ່ສຸດ ສ່ວນຫຼາຍແມ່ນໃເຮັດດ້ວຍເປືອກໄມ້ອ່ອນ
ແຫຼ່ງກຳເນີດຂອງວ່າວມາຈາກໃບໄມ້ໄດ້ເລົ່າລືກັນຢູ່ແຖບພາກໃຕ້ຈີນ,ຕາມເລົ່າລືກັນວ່າ ຄົນທັງຫຼາຍໃນສະໄຫມບູຮານໂຄລົບນັບຖືທີ່ສຸດຕໍ່ສະພາບທີ່ໃບໄມ້ຖືກລົມພັດປິວສະບັດຢູ່ທ້ອງຟ້າ ສະນັ້ນກໍເອົາໃຍປ່ານເປັນຕົ້ນມັດໃບໄມ້ເພື່ອປ່ອຍຫຼິ້ນ ແລ້ວຫັນເປັນການເຄື່ອນໄຫວປ່ອຍວ່າວເທື່ອລະກ້າວ ທຳອິດຄົນເຜົ່າກ່າວຊານຂອງໄຕ້ຫວັນແລະຄົນເຜົ່າລີຂອງເກາະໄຫຼຫຼຳຈີນໄດ້ເຮັດວ່າວດ້ວຍໃບໄມ້ຕົ້ນເຂົ້າຈີ່
ແຫຼ່ງກຳເນີດທີສອງແມ່ນມາຈາກເຮືອໃບແລະຕູບຜ້າເຕັນ
ມວນມະນຸດນຳໃຊ້ເຮືອທີ່ເຮັດດ້ວຍໄມ້ໄດ້ມີປະຫວັດມາເປັນເວລາຍາວນານແລ້ວ ເມື່ອກ່ອນຄ.ສ 2000ກວ່າປີ ກໍນຳໃຊ້ເຂົ້າໃນການຜະລິດ.ຕໍ່ມາໄດ້ມີເຮືອໃບ.ຜ້າໃບຂອງເຮືອແມ່ນກົນຈັກທີ່ໃຊ້ພະລັງລົມ ຄົນທັງຫຼາຍເລີຍເຮັດຕາມຫຼັກມູນຜ້າໃບຂອງເຮືອໃບລົມ ແລ້ວເຮັດວ່າວແລະປ່ອຍວ່າວ.ຍັງມີບາງຄົນເວົ້າວ່າ ວ່າວແມ່ນກຳເນີດເກີດຂຶ້ນຈາກຕູບຜ້າເຕັນທີ່ພາກເຫນືອຂອງຈີນ ວ່າວທີ່ມີຢູ່ກ່ອນຫມູ່ແມ່ນຄົນທັງຫຼາຍເຮັດຕາມສະພາບທີ່ລົມແຮງພັດຕູບຜ້າເຕັນປິ່ວສະບັດຢູ່ທ້ອງຟ້າແລ້ວຈຶ່ງເຮັດວ່າວ,ພາຍຫຼັງມາໄດ້ຫັນເປັນການເຄື່ອນໄຫວຫຼິ້ນຢ່າງຫນຶ່ງເທື່ອລະກ້າວ
1 2 3 4
|
