|
ວ່າວຈີນມີປະຫວັດຍາວນານ,ຕາມເລົ່າລືກັນວ່າ ທ່ານຮານຊິ້ນ ນາຍທະຫານໃນສະໄຫມລາຊະວົງຮ້ານເຄີຍນຳໃຊ້ວ່າວມາຢັ່ງແທກ,ໃນສະໄຫມເຈົ້າຊີວິດລຽງອູ ເຄີຍນຳໃຊ້ວ່າວສົ່ງຈົດຫມາຍ,ແຕ່ບໍ່ໄດ້ຮັບຜົນສຳເລັດ.ໃນສະໄຫມລາຊະວົງເຫນືອໃຕ້ ມີບາງຄົນມັດວ່າວໃສ່ກະໂຕແລ້ວໂດດຈາກບ່ອນສູງ ແຕ່ບໍ່ໄດ້ເສຍຊີວິດ.ໃນເວລາທ່ານຈັ່ງເພໃນສະໄຫມລາຊະວົງຖ້າງຖືກປິດລ້ອມ ກໍເຄີຍນຳໃຊ້ວ່າວສົ່ງຈົດຫມາຍເພື່ອຮ້ອງຂໍສົ່ງທະຫານມາຊ່ອຍກອບກູ້,ໄດ້ຮັບຜົນສຳເລັດ.ທັງຫມົດເຫຼົ່ານີ້ສະແດງໃຫ້ເຫັນວ່າ ປະຫວັດ ສາດຂອງວ່າວຈີນຢ່າງຫນ້ອຍມີ 2000 ກວ່າປີແລ້ວ ເລີ່ມລາຊະວົງຖ້າງ ວ່າວຈີນໄດ້ກາຍເປັນເຄື່ອງຫຼິ້ນເທື່ອລະກ້າວ ນັບມາຮອດທ້າຍລາຊະວົງຖ້າງ ຢູ່ເທິງວ່າວໄດ້ຕິດເຄື່ອງສຽງທີ່ເຮັດດ້ວຍເສັ້ນໄຫມຫຼືຂຸ່ຍທີ່ເຮັດດ້ວຍໄມ້ໄຜ່ ເມື່ອລົມພັດກໍມີສຽງດັງຈາກວ່າວ ສະນັ້ນຈຶ່ງມີຊື່ວ່າຟົງເຈີງ ຟົງແປວ່າລົມ ເຈີງແປວ່າຕະເຄ້ ຮອດລາຊະວົງຊົ້ງ ວ່າວໄດ້ມີການພັດທະນາຢ່າງໃຫຍ່ຫຼວງ,ປະເພດກໍເພີ່ມຂຶ້ນ ສັບພະຄຸນກໍຍົກສູງຂຶ້ນ ໄດ້ມີການຕິດຕໍ່ພົວພັນຢ່າງແຫນ້ນແຟ້ນກັບຊີວິດການເປັນຢູ່ຂອງປະຊາຊົນ,ນັບມາຮອດລາ ຊະວົງເຊັງ ຮີດຄອງສັງຄົມທີ່ມັກຫຼິ້ນວ່າວໄດ້ແຜ່ຜາຍຢ່າງກວ້າງ ຂວາງ,ຕາມເລົ່າລືກັນວ່າ ພະລາຊາຊົນນີຊີສີສັ່ງໃຫ້ຂັນທີໄປເມືອງທຽນສິນຊອກຫາທ້າວເວ້ ຜູ່ເຮັດວ່າວເກັ່ງ ໃຫ້ເພິ່ນເຮັດວ່າວໃຫ້,ປັດຈຸບັນ ຢູ່ໃນພະລາຊະວັງກູ້ກົງຍັງໄດ້ຮັກສາໄວ້ວ່າວໃຫຍ່ສາມອັນທີ່ເຈົ້າຊີວິດພູອີເຄີຍຫຼິ້ນ
   
ເລີ່ມແຕ່ລາຊະວົງຖ້າງແລະລາຊະວົງຊົ້ງ,ວ່າວຈີນໄດ້ແຜ່ຜາຍໄປສູ່ໂລກ, ກ່ອນອື່ນແຜ່ຜາຍໄປເກົາຫຼີ ຍີ່ປຸ່ນແລະປະເທດອາຊີອາຄະເນເຊັ່ນມາເລເຊຍເປັນຕົ້ນ ຖັດມາໄດ້ແຜ່ຜາຍໄປຮອດເອີລົບແລະທະວີບອາເມລິກາເປັນຕົ້ນ,ໃຕ້ຜົນສະທ້ອນຂອງສະຖານະການການປະຕິວັດອຸດສາຫະກິດຂອງເອີລົບ ວ່າວ ເຊິ່ງເປັນເຄື່ອງຫຼິ້ນຂອງຈີນໄດ້ຂະຫຍາຍໄປສູ່ດເຄື່ອງບິນຢູ່ແຫ່ງນັ້ນ ເມື່ອຜ່ານຈາກຫຼາຍຄົນເຊັ່ນ ທ່ານໄຄອີ ຊາວອັງກິດ ທ່ານຮາຢຸຍຟູ ຊາວອົສຕຼາລີແລະທ່ານຫຼີລິນດາຣ໌ ຊາວເຢຍລະມັນເປັນຕົ້ນ ໃນທີ່ສຸດ ຢູ່ອາເມລິກາ ອ້າຍນ້ອງໄລເທີໄດ້ຜະລິດເປັນຍົນທີ່ມີຢູ່ກ່ອນຫມູ່ແລະບັນທຸກຄົນໄດ້ຢ່າງສຳເລັດຜົນ
   
ຢູ່ຫ້ອງໂຖງຂອງຫໍພິພິທະພັນການບິນອະວະກາດວໍຊິງຕັນອາເມລິກາໄດ້ແຂວນວ່າວຈີນອັນຫນຶ່ງ ຢູ່ຂ້າງວ່າວໄດ້ຂຽນວ່າ ເຄື່ອງບິນທີ່ມູຢູ່ກ່ອນຫມູ່ຂອງມະນຸດແມ່ນວ່າວແລະລູກສອນໄຟຂອງຈີນ
   
   
1 2 3 4
|
