|
ສະບາຍດີ, ທ່ານຜູ່ຟັງທີ່ເຄົາລົບ, ໃນລາຍການພາກນີ້, ສົມບູນຈະເລົ່າເລື່ອງແລະຄວາມເວົ້າທີ່ໄດ້ປ່ຽນແປງຊີວິດຄົນຜູ່ໜຶ່ງສູ່ຟັງ, ຫວັງວ່າ, ທ່ານຄົງຈະໄດ້ຮັບຜົນປະໂຫຍດເຊັ່ນດຽວກັນກັບບຸກຄົນໃນເລື່ອງດັ່ງຕໍ່ໄປນີ້.
"ຊີວິດທີ່ເທວະດາບັນດານໃຫ້ແກ່ເຈົ້າພຽງແຕ່ຫຼາຍໆນາທີທໍ່ນັ້ນ, ເຈົ້າຕ້ອງຊົມໃຊ້ແຕ່ລະນາທີໃຫ້ດີ."
ທ່ານເຄີດ ຮາມິນເທິນແມ່ນນັກກິລາໄຕ່ນ້ຳກ້າມລວດລາຍທີ່ມີຊື່ສຽງຂອງອາເມລິກາ. ແຕ່ເດີມ, ແມ່ຂອງທ່ານພຽງແຕ່ແມ່ນຄູສອນໂຮງຮຽນມັດທະຍົມທຳມະດາທໍ່ນັ້ນ, ແຕ່ຍ້ອນເພິ່ນຖະນຸຖະໝອມເວລາທີ່ສຸດ, ໃຊ້ທຸກນາທີຮຽນໂດຍຕົນເອງ, ພາຍຫຼັງມາ, ໄດ້ກາຍເປັນຮອງສາດສະດາຈານຂອງຂະແໜງວິຊາສົມລົດແລະຄອບຄົວມະຫາວິທະຍາໄລຫຼັງໜຶ່ງ. ເພິ່ນມັກເວົ້າຕໍ່ທ່ານຮາມິນເທິນວ່າ, "ຊີວິດທີ່ເທວະດາບັນດານແກ່ລູກນັ້ນມີພຽງແຕ່ຫຼາຍໆນາທີທໍ່ນັ້ນ, ມີຈຳກັດທີ່ສຸດ. ແຕ່ມື້ລູກເກີດຂອງທ່ານມາ, ລູກກໍມີຊີວິດແຕ່ທໍ່ນັ້ນນາທີ. ສະນັ້ນ, ລູກຕ້ອງໃຊ້ທຸກນາທີໃຫ້ດີ."
ໃນຊີວິດຂອງຄົນເຮົາ, ແຕ່ມື້ໃດ, ພວກເຮົາກໍເລືອກວິທີໃຊ້ເວລາແຕ່ລະນາທີຂອງຕົນໄດ້ຕາມໃຈ. ທ່ານຈະໄປຂ້າເວລາຢູ່ໃນຮ້ານກາເຟຫຼືບາເຫຼົ້າກໍໄດ້, ຫຼືຈະໃຊ້ຢູ່ໃນຫ້ອງຄົ້ນຄວ້າຫຼືສະໜາມກິລາກໍໄດ້. ຍ້ອນຖືກຜົນສະທ້ອນຈາກແມ່, ທ່ານຮາມິນເທິນກໍແພງເວລາທີ່ສຸດ. ຍາດແຍ່ງທຸກນາທີເຝິກກິລາ. ນ້ຳເຫື່ອແຫ່ງຄວາມໝັ່ນໄດ້ປ່ຽນເອົາຄ່າຕອບແທນອັນອຸດົມສົມບູນໃນທີ່ສຸດ. ແຕ່ປີ 1981 ຮອດປີ 1984, ທ່ານຊິງໄດ້ແຊມປ່ຽນໂລກສີ່ເທື່ອຢ່າງຕໍ່ເນື່ອງ.
1 2
|
