|
|
 |
| (GMT+08:00)
2005-06-01 15:00:27
|
 |
|
ຄວາມເວົ້າຄວາມໜຶ່ງທີ່ປ່ຽນແປງຊີວິດຂອງຄົນຜູ່ໜຶ່ງ(3)(ສຽງ)
cri
Author: huachunmei
"ເຈົ້າຕ້ອງທຳຄວາມພະຍາຍາມ 150%, ບໍ່ວ່າເຮັດຫຍັງກໍຕ້ອງເຮັດແນວນີ້."
ທ່ານຄາລົສ ຊັງທານາແມ່ນນັກຫຼິ້ນກີຕາລະດັບໂລກ. ທ່ານເກີດຢູ່ແມັກຊິກ, ອາຍຸ 17 ປີ, ໄດ້ຍ້າຍໄປອາໄສຢູ່ອາເມລິການຳພໍ່ແມ່. ຍ້ອນເວົ້າພາສາອັງກິດບໍ່ເກັ່ງ, ໃນເວລາເລີ່ມຕົ້ນ, ຄະແນນຂອງທ່ານຊັງທານາຢູ່ໃນໂຮງຮຽນຂີ້ຮ້າຍຫຼາຍ. ມື້ໜຶ່ງ, ທ່ານຄານູເຊິນ ອາຈານສອນແຕ້ມຮູບເອິ້ນທ່ານໄປຫ້ອງການແລ້ວເວົ້າວ່າ, "ຊັງທານາ, ຂ້ອຍໄດ້ເປີດເບີ່ງຄະແນນວິຊາຕ່າງໆຂອງເຈົ້າຫຼັງຈາກເຈົ້າມາອາເມລິກາ, ນອກຈາກໄດ້ຄະແນນພື້ນຖານແລ້ວກໍແມ່ນຄະແນນຕົກທັງໝົດ, ຈັ່ງແມ່ນຂີ້ຮ້າຍຫຼາຍ. ແຕ່ວ່າ, ຄະແນນແຕ້ມຮູບຂອງເຈົ້າພັດດີຫຼາຍ, ຂ້ອຍເຫັນວ່າ, ເຈົ້າມີພອນສະຫວັນທາງແຕ້ມຮູບ, ແລະຂ້ອຍຍັງຮູ້ວ່າ, ເຈົ້າມີພອນສະຫວັນດົນຕີ. ຖ້າເຈົ້າຢາກເປັນສິນລະປິນ, ຂ້ອຍຈະພາເຈົ້າໄປເບິ່ງວິທະຍາຄອນວິຈິດຕະກຳຊານຟຼານສິສໂຄ, ບັດນັ້ນ, ເຈົ້າກໍຈະຮູ້ວ່າ, ທີ່ເຈົ້າປະເຊີນກັບການທ້າທາຍແນວໃດ."
ຫຼັງຈາກນັ້ນຫຼາຍມື້, ທ່ານຄານູເຊິນໄດ້ພານັກຮຽນໝົດຫ້ອງໄປທັດສະນາຈອນວິທະຍາຄານວິຈິດຕະກຳຊານຟຼານສິສໂຄແທ້. ຢູ່ແຫ່ງນັ້ນ, ທ່ານຊັງທານາໄດ້ເຫັນຜູ່ອື່ນແມ່ນແຕ້ມຮູບແນວໃດ, ແລ້ວຈຶ່ງຮູ້ສຶກຢ່າງເລິກຊຶ້ງວ່າ, ຕົນເອງໄກກັບພວກເຂົາເຈົ້າຫຼາຍ. ທ່ານຄານູເຊິນບອກລາວວ່າ, "ຄົນທີ່ເຮັດຫຍັງກໍບໍ່ໃສ່ໃຈບໍ່ບຸກໜ້າບືນຕົວນັ້ນແມ່ນເສັງເຂົ້າໂຮງຮຽນນີ້ບໍ່ໄດ້ດອກ. ເຈົ້າຕ້ອງທຳຄວາມພະຍາຍາມ 150%, ບໍ່ວ່າເຮັດຫຍັງກໍຕ້ອງເຮັດແນວນີ້. " ຄວາມເວົ້າຂອງທ່ານຄານູເຊິນໄດ້ໃຫ້ຜົນສະທ້ອນເລິກຊຶ້ທີ່ສຸດແກ່ທ່ານຊັງທານາ, ແລະກາຍເປັນຄະຕິເຕືອນໃຈຂອງທ່ານ. ປີ 2000, ທ່ານຊັງທານາໄດ້ຮັບລາງວັນແກຼມມີ 8 ລາຍການດ້ວຍແຜ່ນ CD ປະມວນດົນຕີກິດຕາ"ເໜືອທຳມະຊາດ".
"ປັບຕົນເອງໄປຕາມການປ່ຽນແປງຂອງຍຸກສະໄໝ, ແຕ່ຕ້ອງຍຶດຖືຫຼັກການທີ່ບໍ່ປ່ຽນແປງ."
ໃນເວລາທ່ານຈີມີ ຄາເທີ ປະທານາທິບໍດີອາເມລີກາຜູ່ທີ 39 ຍັງຮຽນຢູ່ໂຮງຮຽນມັດທະຍົມ, ນາງຈູເລຍ ໂຄມານແມ່ນຄູປະຈຳຫ້ອງຂອງທ່ານ. ໄດ້ລະດົມໃຈໃຫ້ທ່ານຄາເທີຮຽນດົນຕີ ຮຽນແຕ້ມຮູບ, ໂດຍສະເພາະແມ່ນຮຽນວັນນະຄະດີ, ແລະຂຽນລາຍຊື່ໜັງສືໃຫ້ທ່ານເລືອກອ່ານ.
ນາງຄູຈູເລຍເອົາໃຈໃສ່ແລະຮັກແພງນັກຮຽນທຸກຄົນໃນຫ້ອງຂອງຕົນ. ນາງບອກພວກນັກຮຽນວ່າ, "ພວກເຮົາຄວນປັບຕົນເອງໄປຄຽງຄູ່ກັບການປ່ຽນແປງຂອງຍຸກສະໄໝ, ແຕ່ວ່າ, ຫຼັກການທີ່ພວກເຮົາຍຶດຖືນັ້ນແມ່ນບໍ່ປ່ຽນແປງ." ເມື່ອໃຫຍ່ແລ້ວ, ທ່ານຄາເທີໄດ້ມີຄວາມເຂົ້າໃຈຍິ່ງເລິກຊື້ງກວ່າເກົ່າຕໍ່ຄວາມເວົ້າຂອງນາງຈູເລຍ. ສີ່ງທີ່ນາງຈູເລຍຢາກບອກໃຫ້ນັກຮຽນຮູ້ໃນຄາວນັ້ນແມ່ນ, ພວກເຮົາຄວນວິເຄາະວິໃຈສະພາບການໃໝ່ເລື້ອຍໆ, ແຕ່ວ່າໃນເວລາເລືອກເອົາຄູ່ຮັກທີ່ຈະປະຄັບປະຄອງກັນໄປຕະຫຼອດຊີວິດ, ຫຼືວ່າໃນຍາມຫຍຸ້ງຍາກແລະໃນຍາມທົດສອບ, ຫຼືວ່າໃນເວລາປະສົບຄວາມຫຼອກລໍ້ຕ້ອງທຳການຕົກລົງຢ່າງລຳບາກນັ້ນ, ພວກເຮົາກໍ່ບໍ່ພຽງແຕ່ຕ້ອງກ້າສູ້ກັບການທ້າທາຍໃໝ່ເຫຼົ່ານີ້ທໍ່ນັ້ນ, ຍັງຄວນຍຶດໝັ້ນຫຼັກການທີ່ພວກເຮົາໄດ້ຮຽນຮູ້, ເຊັ່ນ, ຄວາມທ່ຽງທຳ ຄວາມຊື່ສັດແລະຄວາມຈົງຮັກພັກດີເປັນຕົ້ນ.
ທ່ານຄາເທີບໍ່ລືມຄວາມເວົ້າຂອງນາງຄູຈູເລຍຈັກເທື່ອ, ແລະຍຶດໝັ້ນຫຼັກການພື້ນຖານທີ່ຮຽນຮູ້ຈາກນາງຄູຈູເລຍແລະພໍ່ແມ່ຢ່າງສະເໝີຕົ້ນສະເໝີປາຍ. ໃນການກ່າວປາຖະກະຖາດຳລົງຕຳແໜງປະທານາທິບໍດີ, ທ່ານໄດ້ຍົກເອົາຄຳຄວາມເວົ້າຂອງຄູຈູເລຍວ່າ, "ພວກເຮົາຄວນປັບຕົນເອງຄຽງຄູ່ກັບການປ່ຽນແປງຂອງຍຸກສະໄໝ, ແຕ່ຕ້ອງຍຶດຖືຫຼັກການທີ່ບໍ່ປ່ຽນແປງ."
1 2
|
|
|
