|
|
 |
| (GMT+08:00)
2005-06-03 13:29:54
|
 |
|
ການອະນຸລັກເມືອງຮວງເສິງເມືອງຫຼວງບູຮານ ຂອງປັກກິ່ງກາຍເປັນຈຸດສຸມ
cri
Author: huachunmei
ສະບາຍດີ, ທ່ານຜູ່ຟັງທີ່ໂຄລົບ. ທ່ານອາດຈະໄດ້ຍິນເມືອງຈືຈິ້ນເສິງ ທີ່ມີຄວາມໝາຍວ່າເມືອງຫ້າມ ຫຼືພາສາອັງກິດເອິ້ນກັນວ່າ Forbiden City ຊຶ່ງກໍຄືບໍລິເວນພະລາດຊະວັງຫຼວງກູ້ໂກງທີ່ປັກກິ່ງ, ວັງຫຼວງປັກກິ່ງທີ່ມີປະຫວັດ 600 ປີແລະຮັກສາໄວ້ຢ່າງຄົບຖ້ວນນັ້ນໄດ້ມີຊື່ສຽງໃນໂລກມາແຕ່ດົນແລ້ວ, ສ່ວນເຂດເມືອງຮວງເສິງບູຮານທີ່ເພິ່ງພາອາໃສກັບເມືອງຈືຈິ້ນເສິງວັງຫຼວງນັ້ນກໍ່ໄດ້ກາຍເປັນຈຸດສຸມທີ່ຊາວປັກກິ່ງເອົາໃຈໃສ່ນຳເປັນເທື່ອລະກ້າວ.
ເມືອງຮວງເສິງບູຮານປັກກິ່ງກັບເມືອງຈືຈິ້ນເສິງແມ່ນມໍລະດົກວັດທະນະທຳໂລກທີ່ຕັດແຍກອອກຈາກັນບໍ່ໄດ້. ສອງແຫ່ງດັ່ງກ່າວໄດ້ປະກອບເປັນພາກສ່ວນແກນກາງຂອງປັກກິ່ງນະຄອນບູຮານ. ມັນໄດ້ສະແດງໃຫ້ເຫັນໂສມໜ້າເມືອງເກົ່າແກ່ທີ່ໄດ້ຜ່ານປະຫວັດມາ 600 ປີ. ປັກກິ່ງເມືອງບູຮານສ້າງເມື່ອຕົ້ນສັດຕະວັດທີ 15, ເຈົ້າຊີວິດຈູຕີ້ແຫ່ງລາດຊະວົງມິງທີ່ຄອງອຳນາດໃນຄາວນັ້ນໄດ້ລົງຄຳສັ່ງໃຫ້ສ້າງລາດຊະທານີຢູ່ທີ່ປັກກິ່ງ, ແລະໄດ້ຍ້າຍລາດຊະທານີຈາກນານກິ່ງທາງພາກໃຕ້ມາຕັ້ງຢູ່ປັກກິ່ງ. ເມື່ອຄ.ສ.ປີ 1421 . ຕໍ່ມາ, ລາດຊະວົງເຊັ່ງປົກຄອງປະເທດຈີນ, ກໍຕັ້ງລາດຊະທານີຢູ່ປັກກິ່ງແລະເອົາເຂດຈຶຈິ້ນເສິງເປັນພະລາດຊະວັງ.
ເມືອງຮວງເສິງບູຮານປັກກິ່ງໄດ້ອອກແບບເປັນອົງປະກອບຄົບຖ້ວນທີ່ເກິ່ງກັນ, ເປັນລະບຽບແລະໃຫຍ່ໂຄມະໂຫຖານ, ໄດ້ສະແດງໃຫ້ເຫັນເອກະລັກພິເສດຂອງສິນລະປະສະຖາປັດຕະຍະກຳສະໄໝບູຮານຂອງຈີນ. ເມືອງປັກກິ່ງບູຮານມີກຳແພງ 4 ຊັ້ນ. ຊັ້ນໃຈກາງແມ່ນເຂດເມືອງຈຶຈິ້ນເສິງເປັນສະຖານທີ່ທີ່ເຈົ້າຊີວິດຂອງລາດຊະວົງມິ່ງແລະລາດຊະວົງເຊັ່ງດຳລົງຊີວິດ ແລະວ່າລາດຊະການ. ເຂດກຳແພງຊັ້ນສອງແມ່ນເຂດເມືອງຮວງເສິງ. ຈາກນັ້ນແມ່ນຊັ້ນເຂດໃນເມືອງກັບເຂດນອກເມືອງ. ເຂດເມືອງຈືຈິ້ນເສິງແມ່ນເຂດທີ່ຮັກສາໄດ້ຄົບຖ້ວນບໍລິບູນທີ່ສຸດໃນປະຈຸບັນ. ເຂດເມືອງຮວງເສິງທີ່ອ້ອມແອ້ມເມືອງຈືຈິ້ນເສິງແມ່ນເອົາຫໍທ່ຽນອ່ານເມິນກັບຫໍຕີ້ອ່ານເມີນເປັນເສັ້ນເຄິ່ງກາງ, ຈາກທິດຕາເວັນອອກຫາທິດຕາເວັນຕົກກວ້າງປະມານ 2500 ແມັດ, ຈາກທິດເໜືອຮອດທິດໃຕ້ຍາວ 2750 ແມັດ, ເປັນຮູບສິ່ຫຼຽມທີ່ບໍ່ເປັນລະບຽບ. ກຳແພງສີແດງຂອງຫໍທ່ຽນອ່ານເມີນທີ່ຮັກສາໃນປະຈຸບັນກໍ່ແມ່ນກຳແພງເບື້ອງໃຕ້ຂອງເຂດເມືອງຮວງເສິງ.
ພາຍໃນເຂດເມືອງຮວງເສິງມີຈຸ້ມເຄຫະສະຖານບູຮານເກົ່າແກ່ອັນໃຫຍ່ໂຕ, ປະຈຸບັນນີ້, ຄຸ້ມຖະໜົນຫົນທາງ 25 ແຫ່ງທີ່ສະແດງໃຫ້ເຫັນໂສມໜ້າປະຫວັດສາດຂອງປັກກິ່ງນັ້ນມີ 2 ສ່ວນ 3 ແມ່ນຢູ່ໃນຂອບເຂດເມືອງຮວງເສິງ. ອົງການປົກຄອງປັກກິ່ງໄດ້ຮັກສາໄວ້ແລ້ວ, ແຕ່ວ່າ, ຜູ່ຊ່ຽວຊານແລະນັກປາດຫຼາຍຄົນເຫັນວ່າ, ຄວນສະຫງວນໂສມໜ້າເດີມອັນຄົບຖ້ວນຂອງພະລາດຊະວັງລາດຊະວົງມິງແລະລາດຊະວົງເຊັ່ງ.
1 2
|
|
|
