|
|
 |
| (GMT+08:00)
2005-06-03 13:29:54
|
 |
|
ການອະນຸລັກເມືອງຮວງເສິງເມືອງຫຼວງບູຮານ ຂອງປັກກິ່ງກາຍເປັນຈຸດສຸມ
cri
Author: huachunmei
ທ່ານວາງຈີນລູ ທີ່ປຶກສາກໍ່ສ້າງລະບອບກົດໝາຍຂອງຄະນະປະຈຳສະພາປະຊາຊົນປັກກິ່ງ ອະດີດຫົວໜ້າພະແນກວັດຖຸບູຮານນະຄອນປັກກິ່ງເວົ້າວ່າ, "ເມືອງຮວງເສິງແມ່ນວົງນອກຂອງເມືອງຈຶຈິ້ນເສິງ, ເປັນອົງປະກອບດຽວກັນກັບເມືອງຈຶຈິ້ນເສິງ, ແມ່ນພາກສ່ວນໜຶ່ງທີ່ຕໍ່ອອກມາຈາກເມືອງຈຶຈິ້ນເສິງ. ການຮັກສາເມືອງຮວງເສິງໄວ້ກໍ່ທໍ່ກັບຮັກສາໃຈກາງເມືອງປັກກິ່ງບູຮານ, ສາມາດສະແດງໃຫ້ເຫັນໂສມໜ້າເດີມຂອງປັກກິ່ງ ເມືອງທີ່ມີຊື່ສຽງ, ແລະກໍມີຫຼັກຖານທີ່ຢັ້ງຢືນລັກສະນະເປັນເມືອງວັດທະນະທຳປະຫວັດສາດທີ່ມີຊື່ສຽງຂອງປັກກິ່ງ."
ໃນປະຫວັດສາດ, ເຂດເມືອງຮວງເສິງກັບເຂດເມືອງຈຶຈິ້ນເສິງແມ່ນແຍກອອກຈາກກັນບໍ່ໄດ້.ເຂດເມືອງຈຶຈິ້ນເສິງເປັນບ່ອນຢູ່ແລະບ່ອນບໍລີຫານອຳນາດສູງສຸດຂອງຜູ້ປົກຄອງສູງສຸດໃນສະໄໝລາດຊະວົງມິງແລະລາດຊະວົງເຊັ່ງ. ສ່ວນເຂດເມືອງຮວງເສິງແມ່ນບ່ອນຮັບໃຊ້ຊີວິດການເປັນຢູ່ແລະປົກປັກຮັກສາວົງສາຄະມາຍາດຂອງເຈົ້າຊີວິດ. ໃນສະໄໝລາດຊະວົງມິງແລະລາດຊະວົງເຊັ່ງ, ເຂດເມືອງຮວງເສິງແມ່ນເຂດຫ້າມ, ປະຊາຊົນເຂົ້າອອກບໍ່ໄດ້. ເວົ້າໄດ້ວ່າ, ເຂດເມືອງຮວງເສິງກໍ່ແມ່ນສວນຫຼັງບ້ານຂອງເຂດເມືອງຈືຈິ້ນເສິງ. ບັນດາຜູ່ຊ່ຽວຊານເຫັນວ່າ, ຖ້າຕັກແຍກເຂດເມືອງຈຶຈິ້ນເສິງອອກລຳພັງ, ກໍມີແຕ່ເຮັດໃຫ້ເມືອງຈຶຈິ້ນເສິງກາຍເປັນເມືອງປ່ຽວ.
ກ່ຽວກັບການຮັກສາເມືອງຫຼວງບູຮານເປັນຜັງເມືອງອັນສຄົບຖ້ວນນັ້ນ, ບັນດາຜູ່ຊ່ຽວຊານເຫັນວ່າ, ໃນເຂດອະນຸລັກເມືອງຮວງເສິງນັ້ນ, ເຂດສ່ວນຫຼາຍທີ່ສຸດຄວນເປັນເຂດອະນຸລັກຈົນເທົ່າໃດໆແລະເປັນເຂດບໍ່ພັດທະນາຊົ່ວຄາວ. ຕໍ່ເຄຫະສະຖານທີ່ສ້າງໃໝ່ໃນເຂດອະນຸລັກຕ້ອງຄວບຄຸມຢ່າງເຄັ່ງຄັດກ່ຽວກັບການນຳໃຊ້ ລວງສູງ ຮູບການແລະອື່ນໆ.
ບັນດາຜູ່ຊ່ຽວຊານຍັງໄດ້ສະເໜີໃຫ້ວາງກົດໝາຍອະນຸລັກເຂດເມືອງຮວງເສິງ ເມືອງຫຼວງໂດຍຈຳເພາະ. ທ່ານວາງຈີນລູທີ່ປຶກສາກໍ່ສ້າງລະບອບກົດໝາຍຂອງຄະນະປະຈຳສະພາປະຊາຊົນປັກກິ່ງເວົ້າວ່າ, "ໃນເຂດເມືອງແຫ່ງນີ້ຈະສ້າງຫຼືມ້າງສິ່ງກໍ່ສ້າງຕ້ອງມີທຳນຽມແນວໃດ, ຈະຄວບຄຸມແນວໃດ, ມີຄາດໝາຍກວາມລວມແນວໃດ, ຕ້ອງວາງກົດໝາຍມາຮັບປະກັນການປະຕິບັດມາດຕະການ. ດີທີ່ສຸດແມ່ນວາງກົດໝາຍບໍລິຫານໂດຍສະເພາະຂອງເຂດນີ້, ເຮັດໃຫ້ການອະນຸລັກແຫ່ງນີ້ມີສິ່ງຄ້ຳປະກັນທາງກົດໝາຍ."
ໃນຂະນະທີ່ສະເໜີໃຫ້ຕັ້ງເຂດສະຫງວນໂສມໜ້າເດີມຂອງເມືອງຮວງເສິງນັ້ນ, ຜູ່ຊ່ຽວຊານແລະນັກປາດຫຼາຍຄົນຍັງສະເໜີໃຫ້ຮ້ອງຂໍເຂດເມືອງຮວງເສິງເປັນມໍລະດົກວັດທະນະທຳໂລກ, ທ່ານສາດສະດາຈານໂລເຈີເວີນ ສະມາຊິກຄະນະຜູ່ຊ່ຽວຊານອະນຸລັກເມືອງວັດທະນະທຳປະຫວັດສາດທີ່ມີຊື່ສຽງຂອງຈີນເຫັນວ່າ, ເມືອງບູຮານປັກກິ່ງບໍ່ວ່າເວົ້າໃນດ້ານຄູນຄ່າປະຫວັດສາດ ການອອກແບບຂອງຜັງເມືອງ, ລ້ວນແຕ້ແມ່ນໜຶ່ງບໍ່ມີສອງ. ຖ້າເມືອງບູຮານປັກກິ່ງສາມາດຮັກສາໄວ້ຢ່າງຄົບຖ້ວນຄືປາລີແລະໂລມແລ້ວ, ກໍຈະຖືກຈັດເປັນມໍລະດົກວັດທະນະທຳໂລກແຕ່ດົນແລ້ວ. ເຖິງວ່າກຳແພງໃນແລະນອກເມືອງຂອງປັກກິ່ງບໍ່ມີແລ້ວ, ແຕ່ເຂດເມືອງຮວງເສິງໄດ້ຮັກສາໄວ້ຢ່າງຄົບຖ້ວນໃນເບື້ອງຕົ້ນ, ຍັງມີເງື່ອນໄຂຮ້ອງຂໍເປັນມໍລະດົກວັດທະນະທຳຂອງໂລກໄດ້. ທ່ານສາດສະດາຈານໂລເຈີເວີນຫວັງຢ່າງແຮ້ງກ້າຢາກໃຫ້ປັກກິ່ງ ເມືອງວັດທະນະທຳປະຫວັດສາດທີ່ມີຊື່ສຽງແຫ່ງນີ້ຮັກສາໄວ້ເປັນຢ່າງດີ, ໃຫ້ມີໂສມໜ້າຂອງເມືອງບູຮານທຳມະຊາດ.
1 2
|
|
|
