|
|
 |
| (GMT+08:00)
2005-06-07 09:54:37
|
 |
|
ໃຫ້ພວກເດັກນ້ອຍເຕີບໃຫຍ່ໃນສະພາບແວດລ້ອມຄອບຄົວທີ່ມ່ວນຊື່ນ(ສຽງ)
cri
Author: q
ບົນພື້ນຖານທຳຄວາມເຂົ້າໃຈກັນກັບລູກເຕົ້າຢ່າງກົມກຽວກັນ,ພໍ່ແມ່ຫຼາຍຄົນດ້ານໜຶ່ງຊ່ອຍລູກແກ້ໄຂບັນຫາລະອຽດໃນການເຕີບໃຫຍ່ດ້ານຮ່າງກາຍແລະຈິດໃຈ,ອີກດ້ານໜຶ່ງ,ກໍເອົາໃຈໃສ່ນຳການບຳລຸງສ້າງທັດສະນະອອກແຮງງານ,ຄ່ານິຍົມແລະຊີວະທັດອັນຖືກຕ້ອງໃຫ້ແກ່ລູກເຕົ້າ.ຕົວຢ່າງຄືທ່ານຈ່າງຈ່າວຄຸນ ຊາວນາຜູ້ໜຶ່ງຂອງເມືອງຊ່າງຊິວແຂວງເຮີນານຈີນ,ລູກຊາຍຂອງທ່ານຊື່ວ່າຈ່າງຊຽງເຟີງ ພວມຮຽນຢູ່ປໍຫ້າ,ທ້າວຈ່າງຊ້ຽງເຟີງແມ່ນເດັກນ້ອຍທີ່ສະຫຼາດຄ່ອງແຄ້ວແລະດຸໝັ້ນຂະຫຍັນພຽນ.
ທ່ານຈ່າງຈ່າວຄຸນເວົ້າວ່າ,ໃນເວລານອກໂມງຮຽນ,ທ່ານກັບເມຍກໍເອົາໃຈໃສ່ໃຫ້ລູກເຮັດວຽກຢ້າວການເຮືອນຈຳນວນໜຶ່ງ,ເຮັດແນວນີ້,ບໍ່ພຽງແຕ່ເຮັດໃຫ້ລູກຮູ້ຮັກແພງພໍ່ແມ່,ສຳຜັດຮູ້ຄວາມລຳບາກຂອງການອອກແຮງງານເທົ່ານັ້ນ,ຫາກຍັງສາມາດເຮັດໃຫ້ລູກສ້າງຄວາມຊີນເຄີຍອັນດີທີ່ມັກອອກແຮງງານອີກດ້ວຍ.ທ່ານເວົ້າວ່າ:"ໃນເຮືອນ,ພວກເຮົາໃຫ້ລູກເຂົ້າຮ່ວມການອອກແຮງງານບາງຢ່າງ,ຄືໃຫ້ລູກຊ່ອຍພໍ່ແມ່ລ້າງຜັກ,ຫຸງເຂົ້າ,ເຮັດອະນາໄມໃນເຮືອນ.ເຮັດແນວນີ້ພາໃຫ້ລູກສ້າງຄວາມຊີນເຄີຍທີ່ເປັນອິດສະຫຼະເປັນເຈົ້າຕົນເອງແລະເພິ່ງກຳລັງຕົນເອງ."
ການເອົາໃຈໃສ່ນຳສະພາບແວດລ້ອມເຕີບໃຫຍ່ທີໜຶ່ງ,ເຮັດໃຫ້ພວກເດັກນ້ອຍເຕີບໃຫຍ່ຂຶ້ນໃນທ່າມກາງບັນຍາກາດຄອບຄົວອັນດີງາມ,ມັນບໍ່ສະເພາະແຕ່ແມ່ນພໍ່ແມ່ເອົາໃຈໃສ່ນຳທໍ່ນັ້ນ,ນີ້ກໍແມ່ນບັນຫາທີ່ທົ່ວສັງຄົມຈີນເອົາໃຈໃສ່ໂດຍທົ່ວໄປ.ຫວ່າງກ່ອນນີ້ບໍ່ດົນ,ລັດຖະບານຈີນໄດ້ປະກາດເອກະສານສະບັບໜຶ່ງ,ຮຽກຮ້ອງໃຫ້ແຫ່ງຕ່າງໆເອົາໃຈໃສ່ນຳບັນຫາການສຶກສາໃນຄອບຄົວຕໍ່ຜູ້ບໍ່ທັນເຕັມກະສຽນອາຍຸ.ອົງການແມ່ແລະເດັກຕ່າງໆກໍສຸມໃສ່ການຊຸກຍູ້ການຈໍ່ຕົວເປັນສະພາບແວດລ້ອມການສຶກສາ ຄອບຄົວເປັນຢ່າງດີໃນສັງຄົມ,ຕົວຢ່າງຄືຈັດການເຄື່ອນໄຫວຍ້ອງຍໍສໍລະເສີນ,ຍ້ອງຍໍພໍ່ແມ່ທີ່ປະພຶດດີເດັ່ນໃນດ້ານການສຶກສາຄອບຄົວ,ບາງແຫ່ງອາໃສເຂດຄຸ້ມສັງຄົມ,ບຸກເບີກຊ່ອງທາງໃໝ່,ແກ້ໄຂບັນຫາການສຶກສາເດັກນ້ອຍໃນຄອບຄົວແລະອື່ນໆ.
ທ່ານນາງຈຽງເຢເອີ ຫົວໜ້າພະແນກວຽກງານເດັກສະຫະພັນແມ່ຍິງແຫ່ງຊາດຈີນບອກນັກຂ່າວວ່າ:"ພວກຂ້າພະເຈົ້າໄດ້ຈັດກອງປະຊຸມວຽກງານການສຶກສາຄອບຄົວໂດຍຈຳເພາະ,ວາງເອກະສານຊີ້ນຳຈຳນວນໜຶ່ງກ່ຽວກັບການຊຸກຍູ້ວຽກງານການສຶກສາຄອບຄົວ,ຕົວຢ່າງຄື,ຄວາມເຫັນຊີ້ນຳກ່ຽວກັບໂຮງໂຮຽນພໍ່ແມ່ນັກຮຽນ,ແບບສະບັບຂອງການກະທຳສຶກສາຂອງພໍ່ແມ່ນັກຮຽນເປັນຕົ້ນ.ພ້ອມກັນນັ້ນ,ພວກຂ້າພະເຈົ້າຍັງໄດ້ພັດທະນາແລະຮຽບຮຽງແບບຮຽນຈຳນວນໜຶ່ງ,ເຜີຍແຜ່ໃນທົ່ວປະເທດຈີນ,ໃຫ້ພໍ່ແມ່ນັກຮຽນຮຽນເອົາແນວຄິດວິທະຍາສາດດ້ານການສຶກສາ,ຄວາມຮູ້ແລະວິທີລ້ຽງລູກຕາມຫຼັກວິທະຍາສາດ."
ທ່ານນາງຈຽງເຢເອີກ່າວວ່າ,ພວກເຮົາເຮັດວຽກດັ່ງກ່າວມີຈຸດປະສົງແຕ່ຢ່າງດຽວນັ້ນກໍຄືເພື່ອເດັກນ້ອຍ.
1 2
|
|
|
