|
|
 |
| (GMT+08:00)
2005-06-07 15:30:54
|
 |
|
ລາດາແມ່ນໃຜເປັນຜູ່ປະດິດ?
cri
Author: huachunmei
ທ່ານຜູ່ຟັງທີ່ໂຄລົບ, ທ່ານຮູ້ຈັກໂຕເຈຍບໍ່? ໃນຍາມການຄືນ, ເຈຍບິນໄປມາໄດ້ຢ່າງສະດວກສະບາຍ, ເຖິງວ່າ, ຢູ່ບ່ອນທີ່ມີແຕ່ຝາຫີນ, ມັນກໍບໍ່ຫ່ອນຈະຕຳຈົນຫົວແຕກຫົວວາກ. ນີ້ແມ່ນຍ້ອນວ່າຫູຂອງມັນມີອົງປະກອບອັນສັບສົນ, ສົບຂອງມັນຍັງມີອົງປະກອບເນື້ອໜັງຊະນິດໜຶ່ງ, ສຳລັບຊ່ອຍຮັບແລະສົ່ງຄື້ນເໜືອສຽງ, ອາໃສສຽງສະທ້ອຍມາກຳນົດບ່ອນຢູ່. ສ່ວນມະນຸດເຮົາມີສິ່ງໜຶ່ງທີ່ຍັງດີກວ່າຫູຂອງໂຕເຈຍ. ນັ້ນກໍແມ່ນລາດາ. ທ່ານຮູ້ບໍ່, ລາດາແມ່ນໃຜເປັນຜູ່ປະດິດ? ໃນລາຍການວີທະຍາສາດທີ່ປ່ຽນແປງຊີວິດຂອງຄົນເຮົາພາກນີ້, ພວກເຮົາຈະແນະນຳສູ່ທ່ານຊາບ.
ເຄື່ອງລາດາເຄື່ອງທຳອິດແມ່ນທ່ານວັອດເຊີນ ວັດ ຊາວອັງກິດເປັນຜູ່ປະດິດສ້າງ.
ໃນສົງຄາມໂລກຄັ້ງທີ 1 , ພໍຍົນທະຫານໄດ້ປະກົດຕົວອອກມາກໍສະແດງໃຫ້ເຫັນອານຸພາບແຮງຫຼາຍ. ເວົ້າສຳລັບປະເທດ ຄື, ອັງກິດທີ່ເນື້ອທີ່ດິນຂອງປະເທດບໍ່ໃຫຍ່ຈົນ, ບໍ່ມີບ່ອນກັບຕ່າວນັ້ນຕາບໃດປະກົດເຫັນຍົນຂອງສັດຕູ, ບໍ່ທັນອອກຄຳສັ່ງປ້ອງກັນອາກາດເທື່ອ, ມັນກໍມາຖິ້ມລະເບີດລົງໃສ່ຫົວກ່ອນແລ້ວ. ດັ່ງນັ້ນ, ອັງກິດຈຶ່ງເລີ່ມຄົ້ນຄວ້າເຄື່ອງທີ່ສາມາດປະກົດເຫັນຍົນຢູ່ບ່ອນໄກກ່ອນໝູ່.
ທ່ານວັອດເຊີນເຄີຍຮຽນຢູ່ມະຫາວິທະຍາໄລເຊິນ ອານດຼູ, ພາຍຫຼັງມາໄດ້ເປັນອາຈານ ສິດສອນຢູ່ມະຫາວິທະຍາໄລແດນດີ. ທ່ານວັອດເຊີນແມ່ນໄດ້ຄວາມຄິດຈາກສຽງທີ່ສະທ້ອນກັບ. ທ່ານເຫັນວ່າ, ຄື້ນແມ່ແຫຼັກໄຟຟ້າເມື່ອຖືກສົ່ງອອກໄປແລ້ວ, ໃນເວລາໄປຕຳຖືກສິ່ງກີດຂວາງ, ມັນກໍອາດຈະສະທ້ອນຄືນ, ຖ້າຫາກວ່າປະດິດສ້າງເຄື່ອງຊະນິດໜຶ່ງສາມາດສົ່ງຄຄື້ນແມ່ເຫຼັກໄຟຟ້າອອກໄປ, ທັງຮັບຄື້ນສະທ້ອນໄດ້, ກໍຈະສາມາດວັດແທກການເຄື່ອນໄຫວຂອງຍົນທີ່ຢູ່ໄລຍະໄກ.
1 2
|
|
|
