|
ທ່ານຜູ່ຟັງທີ່ເຄົາລົບ, ວັນເດັກສາກົນ ວັນທີ 1 ມິຖຸນາຫາກໍຜ່ານໄປ, ມື້ນີ້, ພວກເຮົາຈະຈັດເພງເດັກນ້ອຍທີ່ດີເດັ່ນປະມວນໜຶ່ງມາສູ່ຟັງ, ຕາມສຽງເພງອັນມ່ວນໆໜ້າຟ້ານີ້, ພວກເຮົາຂໍສົ່ງອວຍພອນອັນປະເສີດມາຍັງເດັກນ້ອຍໃນທົ່ວໂລກ.
ທ່ານຜູ່ຟັງທີ່ໂຄລົບ, ທີ່ທ່ານພວມຟັງຢູ່ນີ້ແມ່ນເພງ ຄ້ວາຍເລີ້ເຕີ່ເຈຢື້ ວັນບຸນສຸກສຳລານ. ເພງນີ້ແຕ່ງໃນປີ 1953, ແມ່ນເພງເດັກດີເດັ່ນທີ່ໄດ້ນິຍົມກັນຢູ່ຈີນມາຫຼາຍສີບປີ. ເພງນີ້ໄດ້ໃຊ້ພາສາຂອງເດັກນ້ອຍທີ່ເຕັມໄປດ້ວຍຈິນຕະນາການ, ຈັງຫວະມ່ວນຊື່ນເໝືອນດັ່ງພວກເດັກນ້ອຍພວມເຕັ້ນໆດີໆ, ໄດ້ສະແດງອາລົມເບີກບານຂອງພວກເດັກນ້ອຍໃນປະເທດຈີນໃໝ່ໃນເວລາສະຫຼອງວັນບຸນຂອງຕົນ, ສັນລະເສີນຊີວິດອັນສຸກສັນແລະຄວາມປາຖະໜາຕໍ່ອະນາຄົດອັດດີງາມ.
ທີ່ຟັງມານັ້ນແມ່ນເພງວັນບຸນສຸກສຳລານທີ່ແຕ່ງເນື້ອຮ້ອງໂດຍທ່ານກວນຮວ້າແລະແຕ່ງທຳນອງໂດຍທ່ານລີຊຸນ. ທ່ານກວນຮວ້າແມ່ນນັກແຕ່ງເນື້ອເພງທີ່ມີຊື່ສຽງຂອງຈີນ. ເພິ່ນແຕ່ງເພງເດັກນ້ອຍຕະຫຼອດມາ, ໄດ້ປະພັນເພງເດັກນ້ອຍທີ່ດີເດັ່ນຢ່າງຫຼວງຫຼາຍ, ນອກຈາກເພງ"ວັນບຸນສຸກສຳລານ"ແລ້ວ, ເພງ ໂອເມິນເຕີ່ຖຽນເຢ ທົ່ງນາຂອງພວກເຮົາ ກໍແມ່ນເພງທີ່ດີເດັ່ນຂອງເພິ່ນ. ເພງນີ້ມີທຳນອງມ່ວນຫູ, ວາດພາບຜືນແຜນດິນຂອງຊາດຢ່າງຈັບໃຈຄົນ, ຈົນພວກເດັກນ້ອຍມີຄວາມປາຖະໜາອັນແຮງກ້າທີ່ຈະສ້າງສາປະເທດຊາດເມື່ອເຕີບໃຫຍ່ແລ້ວ.
ເພງ ຢາງໂອເມິນຕ້າງຊີຊວງຈຽງ ພວກເຮົາຈົ່ງພາຍໄມ້ພາຍທັງຄູ່ແມ່ນເພງສະຫຼັບໃນຮູບເງົາ ຈູໂກເຕີ່ຫວ່າໂຕ ດອກໄມ້ຂອງປະເທດຊາດ. ໃນຊຸມປີ 50 ສະຕະວັດແລ້ວນີ້, ໄດ້ສາຍຮູບເງົາເລື່ອງດອກໄມ້ຂອງປະເທດຊາດ, ເພງນີ້ຈຶ່ງຄືມີປີກບິນ, ບິນໄປສູ່ທຸກແຫ່ງໃນທົ່ວປະເທດຈີນ. ເພງຮ້ອງຮ່ວມໝູ່ໂດຍສສຽງເດັກເພງນີ້ໄດ້ວາດພາບພວກເດັກນ້ອຍພາຍເຮຶອຮ້ອງເພງຢ່າງມ່ວນຊື່ນຢູ່ເທິງໜ້າໜອງທີ່ອາບເຕັມໄປດ້ວຍແສງຕາເວັນ. ເນື້ອເພງຮ້ອງວ່າ, "ພວກເຮົາພາຍໄມ້ພາຍທັງຄູ່, ເຮຶອນ້ອຍບຸຜ່າຫົວຟອງ, ພະທາດຂາວທີ່ສວຍງາມພິມເງົາລົງໜ້າໜອງ, ສີ່ດ້ານມີຕົ້ນໄມ້ສີຂຽວແລະກຳແພງສີແດງ; ຜ້າພັນຄໍສີແດງປີວເປື້ອງແສງແດດສາດສ່ອງໃສ່ໜ້ານ້ຳ. ປາໃນນ້ຳແຫງນເບິ່ງພວກເຮົາ, ຟັງພວກເຮົາຮ້ອງເພງຢ່າງມ່ວນຊື່ນ."
1 2
|
