|
|
 |
| (GMT+08:00)
2005-06-07 16:45:23
|
 |
|
ໄວເດັກທີ່ມ່ວນຊື່ນ(ສຽງ)
cri
Author: huachunmei
"ພະຈັນເລື່ອນລອຍໃນປອນເມກດັ່ງບົວຂາວ, ລົມຍາມແລງພັດສົ່ງສຽງເພງທີ່ມ່ວນຊື່ນ. ພວກເຮົານັ່ງຢູ່ຂ້າງຂອງກອງເຟືອງທີ່ສູງໆ, ຟັງແມ່ເລົ່າເລື່ອງໃນເມື່ອກ່ອນສູ່ຟັງ." ທີ່ທ່ານພວມຟັງຢູ່ນີ້ແມ່ນເພງ ຖິ່ງມາໆຈຽງນາໂກ້ຊີເຕີຊຶຊິງ ຟັງແມ່ເລົ່າເລື່ອງໃນເມື່ອກ່ອນ. ເພງນີ້ແມ່ນເພງເດັກທີ່ເລົ່າເລື່ອງໃນອະດີດ, ທຳນອງອ່ອນໂຍນ, ວາດພາບພວກເດັກນັ່ງເປັນວົງຢູ່ອ້ອມຢູ່ຂ້າງກອງເຟືອງ, ຟັງແມ່ເລົ່າເລື່ອງ. ເພງນີເຄີຍໄດ້ຮັບລາງວັນທີໜຶ່ງໃນການປະກວດເພງເດັກທີ່ດີເດັ່ນຄັ້ງທີສອງຂອງຈີນ, ແລະຍັງໄດ້ຮຽບຮຽງເປັນດົນຕີດ່ຽວດ້ວຍວີໂອລົງ, ທັງຈັດເຂົ້າເປັນແບບຮຽນວິຊາຂັບຮ້ອງຂອງໂຮງຮຽນສ້າງຄູຊັ້ນສູງຂອງຈີນ.
ທ່ານຜູ່ຟັງທີ່ໂຄລົບ, ໃນມະຫາສະໝຸດເພງພື້ນເມືອງອັນກວ້າງໃຫຍ່ໄພສານຂອງຈີນ, ເພງເດັກນ້ອຍເໝືອນດັ່ງໄຂ່ມຸກທີ່ເຫຼື້ອມຍິບຍັບຈັບຕາ. ເພງເຫຼົ່ານີ້ມີຊີວິດຊີວາແລະອ່ອນໂຍນ, ໄດ້ສະແດງໃຫ້ເຫັນໄວເດັກອັນມ່ວນຊື່ນຂອງພວກເດັກນ້ອຍຈີນ.
ທີ່ທ່ານພວມຟັງຢູ່ນີ້ແມ່ນເພງ ຟ້າງໜິວເກີ່ ເພງປ້ອງງົວ ທີ່ນິຍົມຢູ່ແຂວງເຊສວນ ພາກຕາເວັນຕົກສ່ຽງໃຕ້ຂອງຈີນ. ເນື້ອເພງຮ້ອງວ່າ, "ໄປປ້ອງງົວເດີ, ຮ້ອງໃສ່ໝູ່ທີ່ຮັກແພງ, ຕອນເຊົ້າຈູງງົວໄປກິນຫຍ້າຢູ່ເປິ້ນພູ, ໃຫ້ງົວກິນນ້ຳກິນຫຍ້າຈົນອິ່ມ. ຂ້ອຍຮ້ອງເພງຊາວພູດອຍຢູ່ບໍ່ເຊົາ, ຈົນຮອດຕາເວັນຕົກດິນຈຶ່ງເມືອບ້ານ."
ຢູ່ແຫ່ງຕ່າງໆຂອງຈີນມີເພງເດັກນ້ອຍທີ່ໜ້າຟັງຢ່າງຫຼວງຫຼາຍ. ເພງເຫຼົ່ານີ້ນອກຈາກມີຈຸດພິເສດທີ່ເຕັ້ມໆດີໆມ່ວນຊື່ນໜ້າຮັກແລ້ວ, ຍັງມີສີສັນທ້ອງຖິ່ນຢ່າງເຂັ້ມຂຸ້ນ. ຕໍ່ໄປ, ເຊີນຟັງເພງຂອງໃຕ້ຫວັນ ຖ່ຽນອູອູ ຟ້າມືດຄຶ້ມ. ເພງນີ້ເຖິງວ່າແມ່ນເພງເດັກ, ແຕ່ບໍ່ວ່າຜູ່ໃຫຍ່ຫຼືເດັກນ້ອຍໃຜກໍມັກຮອງ. ເພງນີ້ໄດ້ວາດພາບຊີວິດການເປັນຢູ່ອັນມີຊີວິດຊີວາ. ເນື້ອເພງຮ້ອງວ່າ, "ຟ້າມືດແລ້ວ, ຝົນຈະຕົກແລ້ວ. ປູ່ຈັບປາດຸກໄດ້ໂຕໜຶ່ງຄືນມາບ້ານ, ປູ່ຢາກເຮັດລົດເຄັມ, ຍ່າຢາກເຮັດລົດຈືດ, ສອງຄົນຜິດຖຽງກັນຈົນໝໍ້ຕົກແຕກ." ເພງນີ້ມີຮູບການດົນຕີທຳມະຊາດແລະໄຮ້ດຽງສາ, ເຕັມໄປດ້ວຍກິ່ນອາຍຊີວິດຕົວຈິງແລະສີສັນພິເສດຂອງທ້ອງຖິ່ນ.
ເພງ ຊືໂຕໆ ເກັບໝາກຖົ່ວ ແມ່ນເພງເດັກນ້ອຍແຂວງສ້ານຊີ່ ພາກເໜືອຂອງຈີນ. ເພງນີມີຈັງຫວະໄວມ່ວນຊື່ນ, ວາດພາບເດັກຍິງໝູ່ໜຶ່ງພວມອອກແຮງງານຢູ່ຕາມທົ່ງນາຢ່າງມ່ວນຊື່ນ. ເນື້ອເພງຮ້ອງວ່າ, "ນາງຕຸ້ຍໆ, ນ້ອງງາມໆຈູງແຂນກັນຂ້າມຮ່ອງນ້ຳ. ຂ້າມຮ່ອງນ້ຳ, ໄປເກັບໝາກຖົ່ວ. ໝາກຖົ່ວຄຳ, ໝາກຖົ່ວເງິນ, ໝາກຖົ່ວແດງເມັດມົນໆ, ເມັດໃດກໍເກັບໄວ້, ບໍ່ຖິ້ມໝາກຜົນອອກແຮງງານ."
ທ່ານຜູ່ຟັງທີ່ໂຄລົບ, ມ້ວນທ້າຍລາຍການພາກນີ້, ເຊີຍຟັງເພງເດັກນ້ອຍເຜົ່າຕິເບດ ໂຕຄວ້າຍເລີ້ ມ່ວນແທ້ໆ. ເພງນີ້ມ່ວນຊື່ນ, ມີລັກສະນະເພງຟ້ອນ, ວາດພາບພວກເດັກນ້ອຍເຜົ່າຕິເບດຫຼິ້ນແລະຟ້ອນນຳກັນຢ່າງມ່ວນຊື່ນ.
1 2
|
|
|
