|
|
 |
| (GMT+08:00)
2005-06-15 18:22:01
|
 |
|
[ທ່ານນາງກົ່ວຊູເຈີນ]
cri
Author: mo
ໃນໄລຍະຮຽນຢູ່ຕ່າງປະເທດ, ທ່ານນາງກົ່ວຊູເຈີນໄດ້ເຂົ້າຮ່ວມການສະແດງສິລະປະຂະໜາດໃຫຍ່ຫລາຍເທື່ອ, ໄດ້ຮັບລາງວັນໃນການປະກວດຮ້ອງເພງດັ້ງເດີມໃນງານມະໂຫລະສົບຊາວໜຸ່ມໂລກຄັ້ງທີ 5 ເມື່ອປີ 1955; ປີ 1957, ເພີ່ນໄດ້ຮັບລາງວັນທີໜຶ່ງແລະຫຼຽນຄຳໃນການປະກວດເພງດັ້ງເດີມໃນງານມະໂຫລະສົບຊາວໜຸ່ມໂລກຄັ້ງທີ 6, ໄດ້ຍາດເອົາກຽດສູງສົ່ງມາໃຫ້ປະເທດຊາດ. ພາຍຫລັງຮຽນຈົບແລ້ວ, ທ່ານນາງກົ່ວຊູເຈີນໄດ້ເຂົ້າຮ່ວມການສະແດງໂຮງລະຄອນໂອເປລາທີ່ມີຊື່ສຽງຂອງມົສກູ, ສະແດງເປັນນາງທາຈີຢານາ ນາງເອກໃນລະຄອນໂອເປລາເລື່ອງ"ອິບເກ ເນ ໂອເນກິນ" ຂອງທ່ານຊາຍຄອບສະກີ, ແລະສະແດງເປັນນາງມີມີ ໃນລະຄອນໂອເປລາເລື້ອງ"ຊີວິດຂອງສິລະປິນ"ທີ່ແຕ່ງໂດຍທ່ານພູສ໌ກິນຢ່າງສຳເລັດຜົນ. ຜົນສຳເລັດທີ່ເພີ່ນໄດ້ຮັບໃນດ້ານສິລະປະໄດ້ດົງດັງໃນທົ່ວໂຊວຽດ, ວິທະຍຸກະຈາຍສຽງໃນທົ່ວປະເທດໂຊວຽດໃນຄາວນັ້ນໄດ້ອອກອາກາດເພງຂອງເພີ່ນທີ່ອັດເປັນແຜ່ນສຽງ, ວົງການໜັງສືພິມໂຊວຽດຍ້ອງເພີ່ນວ່າ, ເພີ່ນແມ່ນ"ນາງເອກໃນເລື່ອງຂອງທ່ານພູສກິນແລະທ່ານຊາຍຄອບສະກີແທ້ໆ. ຊື່ຂອງເພີ່ນໄດ້ຖືກຈາລຶກໄວ້ໃນລາຍຊື່ຜູ້ໄດ້ຮັບຫລຽນຄຳຂອງວິທະຍາຄານດົນຕີມົສກູ.
ປີ 1959, ທ່ານນາງກົ່ວຊູເຈີນກັບຄືນປະເທດຢ່າງມີກຽດ. ໃນ 30 ກວ່າປີມານີ້, ນອກຈາກສະແດງຢູ່ເທິງເວທີແລ້ວ, ທ່ານນາງກົ່ວຊູເຈີນຍັງໄດ້ອົບຮົມບົ່ມສ້າງນັກຮ້ອງຜູ້ດີເດັ່ນເປັນຈຳນວນຫລວງຫລາຍ, ໄດ້ຮັບຄວາມຍ້ອງຍໍຈາກພາກສ່ວນທີ່ກ່ຽວຂ້ອງຄືກະຊວງວັດທະນະທຳຈີນເປັນຕົ້ນ.
ປັດຈຸບັນ, ສິ່ງທີ່ທ່ານນາງກົ່ວຊູເຈີນເອົາໃຈໃສ່ຫລາຍກວ່າໝູ່ນັ້ນ ຍັງແມ່ນການພັດທະນາພາລະກິດຮ້ອງເພງຂອງຈີນ. ປີນີ້, ຈີນຈະຈັດງານປະກວດການຮ້ອງເພງສາກົນຄັ້ງທີ 3 , ເພີ່ນພວມກະກຽມຢູ່. ເພີ່ນເວົ້າວ່າ:
ປັດຈຸບັນ, ໃນໂລກນີ້, ລ້ວນແຕ່ຮັບຮອງວ່າຈີນແມ່ນປະເທດທີ່ມີຊື່ສສຽງດ້ານສິລະປະຮ້ອງເພງ, ພວກເຮົາຕ້ອງເຮັດໃຫ້ສົມຊື່ກັບມະຫາປະເທດສິລະປະຮ້ອງເພງ. ປີນີ້ຈະຈັດງານປະກວດຮ້ອງເພງສາກົນຄັ້ງທີ 3 ຢູ່ຈີນ, ຂ້າພະເຈົ້າພວມພະຍາຍາມເຮັດວຽກນີ້ຢູ່. ທັງໂຄສະນາສິລະປະຮ້ອງເພງຂອງຈີນ, ເພາະວ່າ, ນັກຮ້ອງຕ່າງປະເທດທີ່ມາຮ່ວມງານເທື່ອນີ້ຕ້ອງຮ້ອງເພງຈີນເພງໜຶ່ງ, ນີ້ກໍແມ່ນເພື່ອໃຫ້ພວກເຂົາເຈົ້າຮູ້ຈັກວັດທະນະທຳຈີນ, ເຂົ້າໃຈປະຫວັດສາດຈີນ. ຂ້າພະເຈົ້າພະຍາຍາມເຮັດວຽກນີ້ໃຫ້ດີ.
1 2
|
|
|
