|
|
 |
| (GMT+08:00)
2005-06-21 16:23:17
|
 |
|
ຊີວິດໃໝ່ຂອງຊ່າງຂັບບ້ານເຜົ່າລື້
cri
Author: huachunmei
ຢູ່ເຂດຍ່ອຍສິບສອງພັນນາແຂວງຢຸນນານ ເຊິ່ງແມ່ນເຂດທັດສະນິຍະພາບທີມີຊື່ລືນາມຂອງປະເທດຈີນ, ມີເຜົ່າລື້ ຊຶ່ງແມ່ນເຜົ່າໜຶ່ງທີ່ມັກຟ້ອນລຳທຳເພງດຳລົງຊີວິດຢູ່. ຢູ່ບ່ອນທີ່ພວກເຂົາເຈົ້າຕັ້ງເຮືອນຢູ່ນັ້ນຈະແມ່ນຢູ່ຕາມຂອກໄຮ່ແຄມນາ, ແລະໜ້າບ້ານຫຼືຫຼັບ້ານ, ກໍໄດ້ຍິນສໜງຂັບທີ່ໄພເລາະເພາະຫູ. ພວກຊ່າງຂັບທັງຫຼາຍພໍຫຼຽວເຫັນທິດງາມຕ້ອງຕາກໍມີອໍ້ແຕ່ງກອນຂັບໃນທັນທີທັນໃດໂລດ. ສຽງຂັບຂອງເຂົາເຈົ້າໄດ້ດັງໄປທົ່ວທຸກບ້ານຊາວເຜົ່າລື້. ດຽວນີ້, ຄຽງຄູ່ກັບຊີວິດການເປັນຢູ່ຂອງປະຊາຊົນເຜົ່າລື້ໄດ້ມີລະດັບສູງຂຶ້ນເລື້ອຍໆນັ້ນ, ຊ່າງຂັບທັງຫຼາຍກໍຂັບກອນໃໝ່ຕາມທຳນອງເກົ່າ.
ຢູ່ການເຄື່ອນໄຫວຕ່າງໆ, ເຊັນ: ໃນຍາມບຸນຕາມປະເພນີຫຼືມື້ສິນກິນຂອງຊາວເຜົ່າລື້, ກໍຈະຕ້ອງມີຊ່າງຂັບທັງນັ້ນ. ເວົ້າສຳລັບປະຊາຊົນເຜົ່າລື້ແລ້ວ, ການຂັບຂອງຊ່າງຂັບແມ່ນສິ່ງທີ່ຂາດບໍ່ໄດ້ໃນຊີວິດ. ເພາະສະນັ້ນ, ຊ່າງຂັບທັງຫຼາຍຈິ່ງໄດ້ຮັບຄວາມນິຍົມຊົນຊອບທີ່ສຸດຈາກຊາວເຜົ່າລື້.
"ກົກໝາກຕານຈ່າງງ່າພືໃບຄ້ຳຟ້າສີຄາມ, ເຮືອນຍົກພື້ນຈອມແຫຼມມີໃບກ້ວຍອູ້ມຊູຢູ່ທາງຂ້າງ." ນີ້ແມ່ນປ້າກວງ ເມຍເຈົ້າຂອງຮ້ານອາຫານລື້ຫຼັງໜຶ່ງຢູ່ສິບສອງພັນນາສະແດງຄໍຕາມຄຳສະເໜີ.
ປ້າກວງແມ່ນຊ່າງຂັບເຜົ່າລື້ທີ່ດີເລີດຜູ່ໜຶ່ງ. ປ້າຄືກັນກັບຊ່າງຂັບຜູ່ອື່ນທີ່ຊົນເຜົ່າລື້ພາກັນເອິ້ນເປັນຊ່າງຂັບດ້ວຍຄວາມເຄົາລົບນັບຖື. ປ້າກວງເຄີຍຖືກປະກວດເປັນທີໜຶ່ງໃນງານປະກວດຊ່າງຂັບເຜົ່າລື້ສອງເທື່ອ. ອາດເວົ້າໄດ້ວ່າ, ລາວແມ່ນຊ່າງຂັບທີ່ຜູ່ໃດກໍຮູ້ໃນສິບສອງພັນນາ, ແລະປ້າເອງກໍມັກຂັບສູ່ຜູ່ທ່ອງທ່ຽວທີ່ມາຈາກທາງໄກຟັງຢູ່ເລື້ອຍໆ.
ປ້າກວງບອກນັກຂ່າວວ່າ, ຜູ່ທ່ອງທ່ຽວທີ່ມາຟັງປ້າຂັບນັ້ນບໍ່ພຽງແຕ່ມີຜູ່ທ່ອງທ່ຽວທີ່ມາຈາກແຫ່ງຕ່າງໆຂອງຈີນທໍ່ນັ້ນ, ຫາກຍັງມີຜູ່ທ່ອງທ່ຽວຕ່າງປະເທດຫຼາຍສົມຄວນ.
ປ້າເວົ້າວ່າ, "ມີແຂກທີ່ມາຈາກລາວ ໄທແລະມຽນມ້າ, ຍັງມີແຂກທີ່ມາຈາກຍີ່ປຸ່ນແລະອາເມລິກາທີ່ໄກແສນໄກ."
ປ້າກວງເວົ້າວ່າ, ຜູ່ທ່ອງທ່ຽວຕ່າງປະເທດເຫຼົ່ານີ້ໃຜກໍມັກຟັງສຽງຂັບຂອງປ້າທີ່ສຸດ.
ປ້າເຄີຍຮັບຄຳເຊີນໄປຂັບຢູ່ບ້ານອື່ນເລື້ອຍໆແລະໄດ້ໄປຂັບຢູ່ບັນດາປະເທດອາຊີອາຄະເນ, ອອກໄຫຂັບຢູ່ຕ່າງປະເທດເທື່ອໃດກໍໄດ້ຮັບການຕີລາຄາສູງ. ເມື່ອທຽວກັບໂຊກຊາຕາຂອງຊ່າງຂັບໃນສະໄໝປະເທດຈີນເກົ່າແລ້ວ, ປ້າກວງແມ່ນມັກຊີວິດການເປັນຢູ່ໃນສະໄໝນີ້ຫຼາຍກວ່າ.
1 2
|
|
|
