|
|
 |
| (GMT+08:00)
2005-06-23 12:40:16
|
 |
|
ຊົນເຜົ່າຊາລາເດີນຕາມເສັ້ນທາງສ້າງຮັ່ງຄູນມີ
cri
Author: huachunmei
ຢູ່ໃນມະຫາຄອບຄົວທີ່ປະກອບດ້ວຍ 56 ຊົນເຜົ່າຂອງຈີນນັ້ນ, ເຜົ່າຊາລາກໍແມ່ນໜຶ່ງໃນມະຫາຄອບຄົວດັ່າກ່າວ. ຫວ່າງບໍ່ດົນນີ້, ນັກຂ່າວວິທະຍຸພວກເຮົາໄດ້ໄປສຳພາດເມືອງຊຸນຮວາ ເຜົ່າຊາລາປົກຄອງຕົນເອງໃນແຂວງຊິງໄຮທີ່ມີເຜົ່າຊາລາຕັງພູມລຳເນົາຈຸ້ມກັນຢູ່, ແລ້ວໄດ້ສຳຜັດໂດຍຕົນເອງວ່າ, ນະໂຍບາຍຊົນເຜົ່າສ່ວນໜ້ອຍຂອງຈີນແລະການປະຕິບັດນະໂຍບາຍປະຕິຮູບແລະໄຂປະຕູຕໍ່ພາຍນອກຂອງຈີນນັ້ນໄດ້ປົວແປງຊີວິດການເປັນຢູ່ຂອງປະຊາຊົນເຜົ່າຊາລາໃຫ້ດີຂຶ້ນຫຼາຍທີ່ສຸດ. ອັນໄດ້ເຮັດໃຫ້ພວກເຂົາເຈົ້າໄດ້ເດີນຕາມເສັ້ນທາງຫຼຸດພົ້ນຈາກຄວາມທຸກແລ້ວຮັ່ງມີສີສຸກຂຶ້ນເຖິງລະດັບພໍຢູ່ພໍກິນແຕ່ຍັງມີສ່ວນເຫຼືອເປັນເທື່ອລະກ້າວ.
ເມືອງຊຸນຮວາເຜົ່າຊາລາປົກຄອງຕົນເອງແຂວງຊິງໄຮແມ່ນຕັ້ງຢູ່ແຖບຮ່ອມແມ່ນ້ຳເຫຼືອງທາງທິດຕາເວັນອອກສຽງໃຕ້ຂອງແຂວງຊີງໄຮ. ຢູ່ແຫ່ງນັ້ນ, ມີຊົນເຜົ່າຊາລາ 6 ໝື່ນກວ່າຄົນດຳລົງຊີວິດຢູ່ ເຊິ່ງກວມຍອດຈຳນວນຊົນເຜົ່າຊາລາໃນທົ່ວປະເທດເຖິງ 90% . ຊົນເຜົ່າຊາລາເຊື່ອຖືສາສະໜາອິສລາມ, ຕາມເລົ່າລືກັນມາວ່າ, ບັນພະບູລຸດຂອງເຂົາເຈົ້າແມ່ນຍ້າຍມາຈາກຊາມາເລີຄານຢູ່ ອາຊີກາງເມື່ອ 700 ກວ່າປີກ່ອນ. ຈົນມາຮອດປະຈຸບັນ, ຊົນເຜົ່າຊາລາກໍຍັງຮັກສາພາສາແລະຮີດຄອງປະເພນີອັນໂດດເດັ່ນຂອງຕົນໄຊ້ຢູ່. ເປັນເວລາດົນນານມານີ້, ເນື່ອງຈາກທີ່ຕັ້ງພູມີສາດຂອງເມືອງຊຸນຮວາຕັ້ງຢູ່ສອກຫຼີກ. ບໍລິເວນອ້ອມແອ້ມກໍເຕັມໄປແຕ່ພູຜາປ່າໄມ້. ການໄປມາກໍຍາກບວກກັບແຫ່ງດັ່ງກ່າວມີດິນປູກຝັງໜ້ອຍ, ເງື່ອນໄຂການຜະລິດທຳມະຊາດກໍບໍ່ດີ. ເມື່ອທຽບກັບເຂດອື່ນໆຂອງຈີນແລ້ວ, ເສດຖະກິດຂອງເມືອງຊຸນຮວາແມ່ນດ້ອຍພັດທະນາຫຼ້າຫຼັງ, ທາງລັດຖະບານຈີນຈິ່ງກຳນົດເປັນເມືອງທຸກຈົນລະດັບຊາດ. ການປະຕິບັດນະໂຍບາຍປະຕິຮູບແລະໄຂປະຕູຕໍ່ພາຍນອກໄດ້ເຮັດໃຫ້ໂສມໜ້າຊີວິດການເປັນຢູ່ຂອງປະຊາຊົນເຜົ່າຊາລາມີການປ່ຽນແປງຢ່າງບໍ່ເຄີຍມີມາກ່ອນ.
ທ່ານໝາຟິງຊຶ້ງ ເຈົ້າເມືອງເມືອງຊຸນຮວາທີ່ເກີດຢູ່ນຳເຜົ່າຊາລາໄດ້ເວົ້າວ່າ,"ຕັ້ງແຕ່ປະຕິຮູບແລະໄຂປະຕູຕໍ່ພາຍນອກເປັນຕົ້ນມາ, ໃນດ້ານນະໂຍບາຍ, ລັດໄດ້ເພີ່ມທະວີການໃຫ້ທ້າຍອູ້ມຊູເຂດຊົນເຜົ່າສ່ວນໜ້ອຍຫຼາຍກວ່າ. ອັນໄດ້ເຮັດໃຫ້ລະດັບການພັດທະນາເສດຖະກິດແລະລະດັບຊີວິດການເປັນຢູ່ຂອງປະຊາຊົນເມືອງຊຸນຮວາສູງຂຶ້ນຢ່າງວ່ອງໄວ." ທ່ານໝາກຟິງຊຶ້ງຍັງເວົ້າວ່າ, ໃນຫຼາຍປີມານີ້, ເຖິງວ່າເສດຖະກິດຂອງເມືອງຊຸນຮວາໄດ້ພັດທະນາໄວກໍຕາມ, ແຕ່ເນື່ອງຈາກຫຼາຍມູນເຫດ, ລະດັບພັດທະນາເສດຖະກິດຈິ່ງຍັງຕ່ຳຢູ່ຄືຕ່ຳກວ່າລະດັບສະເລ່ຍຂອງແຂວງຊີງໄຮຢູ່.
ເພື່ອຫຼຸດພົ້ນຈາກຄວາມທຸກຈົນໂດຍໄວ, ໂດຍຢູ່ໃຕ້ການຊີ້ນຳຂອງນະໂຍບາຍປະຕິຮູບແລະໄຂປະຕູຕໍ່ພາຍນອກ, ຊົນເຜົ່າຊາລາຜູ່ດູໝັ່ນຂະຫຍັນພຽນ, ຊ່າງເຮັດທຸລະກິດແລະສາມດາສູ້ທຸດທົນຍາກຈົນມີຊື່ລືນາມນັ້ນ, ກໍຕັ້ງໜ້າບຸກເບີກເສັ້ນທາງສ້າງຮັ່ງຄູນມີ, ອອກແຮງຂະຫຍາຍອຸດສາຫະກຳທີສອງແລະທີສາມ. ດຽວນີ້, ຊົນເຜົ່າຊາລາ 60% ໄດ້ອອກໄປເຮັດວຽກລຳລາຍຂົນສົ່ງແລະຕັ້ງຮ້ານອາຫານຕະຫຼອດປີ. ນັ້ນສະເພາະແຕ່ຮ້ານອາຫານທີ່ຊົນເຜົ່າຊາລາເມືອງຊຸນຮວາຕັ້ງຂຶ້ນຢູ່ປັກກິ່ງກໍມີຮອດ 130 ກວ່າຫຼັງ. ຊົນເຜົ່າຊາລາຍັງຮັບຊື້ຂົນແກະ, ແລະຜ້າຂົນສັດເປັນຈຳນວນຫຼວງຫຼາຍຈາກຊາວລ້ຽງສັດເຂົ້າໄປຂາຍເມືອງຊຸນຮວາ. ອັນເປັນການຊຸກຍູ້ອຸດສາຫະກຳປຸງແຕ່ງຜະລິດຕະພັນສັດລ້ຽງຢູ່ແຫ່ງນັ້ນໃຫ້ມີການຂະຫຍາຍຕົວ. ການປຸງແຕ່ງຜະລິດຕະພັນສັດລ້ຽງນັ້ນໄດ້ເຮັດຊົນເຜົ່າຊາລາເປັນຈຳນວນຫຼວງຫຼາຍຮັ່ງມີຂຶ້ນ. ກຸ່ມເສຍໂຈມຊາງຢົງ ເຊິ່ງແມ່ນວິສາຫະກິດປຸ່ງແຕ່ງຜ້າຂົນງົວທີ່ໃຫຍ່ກວ່າໝູ່ຂອງຈີນກໍມີຊັບສິນຄົງທີ່ 70 ກວ່າລ້ານຢວນ. ວິສາຫະກິດດັ່ງກ່າວແມ່ນມີທ່ານໝາຢີຊຶ້ຮາເກີ ຊາວເຜົ່າຊາລາທີ່ຫົວໃສລົງທຶນສາມພັນຢວນແລ້ວຂະຫຍາຍຕົວຂຶ້ນ. ໃນຊຸ່ມື້ນີ້, ຜະລິດຕະພັນທີ່ພວກເຂົາເຈົ້າຜະລິດນັ້ນບໍ່ພຽງແຕ່ໄດ້ສົ່ງອອກໄປຂາຍຢູ່ທົ່ວປະເທດທໍ່ນັ້ນ, ຫາກຍັງສົ່ງອອກໄປຂາຍນອກປະເທດອີກດ້ວຍ. ຢູ່ໂຮງຈັກທີ່ກວ້າງຂວາງແລະສະອາດສະອາງຂອງກຸ່ມເສຍະໂຈວຊານຢົງນັ້ນ, ນັກຂ່າວໄດ້ເຫັນເຄື່ອງຈັກທັນສະໄໝແຕ່ລະເຄື່ອງໝູນປິ່ນຢູ່ທຶດໆໄວທີ່ສຸດ, ພະນັກງານເຕັກນິກພວມຕັ້ງອົກຕັ້ງໃຈຄຸມເຄື່ອງຢູ່ຕໍ່ໜ້າຄອມພິວເຕີ, ຂົນແກະ ຂົນງົວ ຂົນແບ້ທີ່ຊື້ມາຈາກຊາວລ້ຽງສັດນັ້ນຫຼັງຈາກຜ່ານກຳມະກອນປຸງແຕ່ງຕາມລະບຽບການເປັນແຕ່ລະຄະນຶກແລ້ວ, ກໍກາຍເປັນເສື້ອແລນແບບໃໝ່ທີ່ງາມປານີດ.
1 2
|
|
|
