|
|
 |
| (GMT+08:00)
2005-06-23 12:40:16
|
 |
|
ຊົນເຜົ່າຊາລາເດີນຕາມເສັ້ນທາງສ້າງຮັ່ງຄູນມີ
cri
Author: huachunmei
ເມື່ອຍ່າງເລາະຕາມຖະໜົນເທດສະບານເມືອງຊຸນຮວາ, ສິ່ງທີ່ປະຈັກຕາຄົນນັ້ນກໍແມ່ນໝາກເຜັດທີ່ແດງເປັ່ງຄັບບ້ານຄັບເມືອງ, ກອງໄວ້ຂາຍຢູ່ຕາມຮ້ານໜ້າຕຶກກໍມີ, ຊະໄວ້ຕາກແດດຢູ່ກາງໜ້າເຮືອນຂອງໃຜລາວກໍມີ. ຕາມເຈົ້າເມືອງຊຸນຮວາສະເໜີໃຫ້ຮູ້ວ່າ, ຊາວກະສິກອນເຜົ່າຊາລາໄດ້ເສີມຂະຫຍາຍທ່າແຮງຂອງທ້ອງຖິ່ນຕົນ, ພັດທະນາເສດຖະກິດທີມີສີສັນພິເສດ, ແລ້ວໄດ້ຮັບປະສິດທິຜົນເສດຖະກິດເປັນຢ່າງດີ. ໝາກເຜັດຊຸນຮວາແມ່ນຫຼອມດີແຕ່ບໍ່ເຜັດປານໃດ, ສີຂອງມັນກໍສົດໃສ ເຊິ່ງມີຊື່ສຽງທີ່ສຸດໃນແຂວງຊິງໄຮຕະຫຼອດຮອດເຂດພາກຕະເວັນຕົກສຽງເໜືອ. ທ່ານຫານຫູຊາຍ ຊາວກະສິກອນເຜົ່າຊາລາເລີ່ມຕັ້ງໂຮງງານປຸງແຕ່ງໝາກເຜັດແຕ່ປີ 1994, ເພິ່ນເຊື້ອເຊີນພະນັກງານເຕັກນິກຢູ່ເຂດໃນ, ມາຊ່ອຍຜະລິດຜະລິຕະພັນຫຼາຍຊະນິດ, ຄື, ແຈ່ວໝາກເຜັດແລະນ້ຳມັນເຜັດເປັນຕົ້ນ, ຜະລິດຕະພັນເຫຼົ່ານີ້ແມ່ນຂາຍດິບຂາຍດີຈົນບໍ່ພໍປ້ອນແຂວງຊິງໄຮ. ຈາກນັ້ນ, ໂຮງງານປຸງແຕ່ງຫຼັງນີ້ຈິ່ງໄດ້ພັດທະນາໃຫ້ກາຍເປັນບໍລິສັດ"ທຽນຊຽງລຽງຈ່າວ"ຈຳກັດຂອງເມືອງຊຸນຮວາໃນປະຈຸບັນ. ຊາວກະສິກອນຜູ່ທຸກຈົນຈຳນວນໜຶ່ງກໍເຂົ້າເປັນກຳມະກອນໃນໂຮງງານຫຼັງນີ້, ເມື່ອມີລາຍໄດ້ຄົງທີ່ແລ້ວໄດ້ຜ່ອນຄາຍຄວາມຫຍຸ້ງຍາກດ້ານເສດຖະກິດໃນຄອບຄົວຂອງຕົນຢ່າງຫຼວງຫຼາຍ.
ເຈົ້າເມືອງເມືອງຊຸນຮວາເວົ້າຕໍ່ນັກຂ່າວວ່າ, ໃນຫຼາຍປີມານີ້, ລັດໄດ້ເພີ່ມທະວີການລົງທຶນບຳບັດຄວາມທຸກຈົນຂອງເຂດເຜົ່າສ່ວນໜ້ອຍ, ໄດ້ລົງທຶນບຳບັດຄວາມທຸກຈົນໃຫ້ແກ່ເມືອງຊຸນຮວາທີ່ມີປະຊາກອນພຽງ 1 ແສນ 1 ໝື່ນຄົນເຖິງ 400 ລ້ານກວ່າຢວນ. ຍ້ອນມີລັດອູ້ມຊູຢ່າງແຂງແຮງ, ວິສາຫະກິດເອກະຊົນໃນເມືອງກໍພັດທະນາໄວທີ່ສຸດ. ດຽວນີ້, ໄດ້ມີວິສາຫະກິດເອກະຊົນ 1 ພັນ 200 ກວ່າຫຼັງ, ກວມລາຍຮັບການເງິນຂອງອົງການປົກຄອງເມືອງ 60% . ພ້ອມກັນນັ້ນ, ລັດໄດ້ເພີ່ມທະວີການລົງທຶນໃຫ້ແກ່ການກໍ່ສ້າງສິ່ງກໍ່ສ້າງໂຄງລ່າງ. ເຈົ້າເມືອງເມືອງຊຸນຮວາເວົ້າວ່າ, ພວກເຂົາເຈົ້າຍາດແຍ່ງກຳກາລາໂອກາດທີ່ອຳນວຍຂອງການພັດທະນາການຕາເວັນຕົກເພື່ອເຮັດໃຫ້ຊົນເຜົ່າຊາລາຜ່ານຊີວິດຢູ່ດີກິນດີໂດຍໄວ.
ຢູ່ບ້ານສາມັກຄີທີ່ຕັ້ງນ້ຳບໍ່ອຸດ ເຊິ່ງແມ່ນຖິ່ນກຳເນີດເຜົ່າຊາລານັ້ນ, ພວກເຮົາໄດ້ໄປສຳພາດບ້ານລູງຫານຈ້ານສຽງ ຊົນເຜົ່າຊາລາ. ເຫັນແຕ່ເດີ່ນບ້ານກວ້າງຂວາງແລະສະອາດດີ, ເຮືອນເພິ່ນກໍ່ແມ່ນຕຶກສອງຊັ້ນ. ຢູ່ໃນເຮືອນມີເຄື່ອງໄຟຟ້າທັນສະໄໝ ຄື, ໂທລະທັດສີ ຕູ້ເຢັນແລະໂທລະສັບເປັນຕົ້ນຄົບໝົດທຸກຢ່າງ. ລູງສະເໜີໃຫ້ຮູ້ວ່າ, ລູງມີລູກເຈັດຄົນ. ລູກກົກແລະລູກຜູ່ຖ້ວນສອງອອກໄປເຮັດວຽກຂົນສົ່ງຢູ່ຕ່າງແຂວງ. ລູກສາວສອງຄົນຕັ້ງຮ້ານອາຫານຫຼັງໜຶ່ງຢູ່ທ້ອງຖິ່ນນີ້ແລະຂາຍດິບຂາຍດີແທ້ໆ. ເຮືອນຫຼັງນີ້ກໍແມ່ນສ້າງຂຶ້ນຍ້ອມໄດ້ກຳໄລຈາກຮ້ານອາຫານທີ່ວ່ານັ້ນ. ລູງເວົ້າວ່າ, ແຕ່ກ່ອນ, ຄອບຄົວລູງແມ່ນຄົນຂີ້ທຸກຈົນມີຊື່ມີສຽງ. ດຽວນີ້, ຊີວິດການເປັນຢູ່ກໍມີການປ່ຽນແປງຫຼາຍແລ້ວ.
ລູງຫານຈ້ານສຽງທີ່ຮັບຕຳແໜ່ງເປັນຫົວໜ້າຫໍວັດທະນະທຳບ້ານທີ່ໄດ້ຮຽນຈົບມະຫາວິທະຍາໄລຊົນເຜົ່າສູນກາງໃນເມື່ອກ່ອນ, ເພິ່ນໄດ້ຂັບພື້ນເມືອງເຜົ່າຊາລາທີ່ເພິ່ນແຕ່ງກອນຂັບລົງໃສ່ທຳນອງຂັບພື້ນເມືອງແລ້ວຮ້ອງຂຶ້ນໝົດແຮງວ່າ,"ລະບອບຮັບເໝົາການຜະລິດກ່າຍຂົວແຫ່ງຄວາມສຸກ, ຊາວກະສິກອນແລະຊາວລ້ຽງສັດພ້ອມກັນພັດທະນາ. ການຜະລິດໄດ້ຮັບການປົວແປງໃຫ້ດີຂຶ້ນ, ຢູ່ເຮືອນກໍມີໂທລະທັດສີ, ອອກນອກເຮືອນກໍມີລົດຈັກຂີ່. ຢູ່ສະຫະກອນສິນເຊື່ອກໍມີເງິນຝາກ, ເບິ່ງແມ, ຈັ່ງແມ່ນຮັ່ງມີແທ້ໆ."
ລູງຫານຈ້ານສຽງເວົ້າວ່າ, ສຽງເພງໄດ້ສະແດງໃຫ້ເຫັນທ່ານຮັກແພງບ້ານເກີດເມືອງນອນແລະຂອບອົກຂອບໃຈນຳນະໂຍບາຍຊົນເຜົ່າສ່ວນໜ້ອຍ.
1 2
|
|
|
