|
|
 |
| (GMT+08:00)
2005-06-23 16:33:58
|
 |
|
ວັດທະນະທຳຊົນເຜົ່າແຂວງຢຸນນານທີ່ເຕັມໄປດ້ວຍສະເໜ
cri
Author: huachunmei
ທ່ານຜູ່ຟັງທີ່ໂຄລົບ, ເມື່ອຊຸມປີ 50-60 ສະຕະວັດແລ້ວ, ບັນດາສິນລະປິນຂອງແຂວງຢຸນນານກໍໄດ້ເອົານິທານແລະຊີວິດຕົວຈິງຂອງຊົນເຜົ່າສ່ວນໜ້ອຍເປັນເຄົ້າເລື່ອງ, ຖ່າຍທຳຟິມຫຼາຍເລື່ອງ, ຄື, ເລື່ອງ "ນາງອາສືມາ"ແລະເລື່ອງ "ມາລາຫ້າດອກ"ເປັນຕົ້ນ. ອັນໄດ້ສະແດງໃຫ້ເຫັນທັດສະນີຍະພາບທຳມະຊາດທີ່ເຮັດໃຫ້ຄົນເຜີ່ດເພີນແລະຮີດຄອງຊົນເຜົ່າອັນເຂັ້ມຂຸ້ນຂອງແຂວງຢຸນນານ. ປ່າຫີນຢຸນນານ ພູຊ່າງຊານແລະໜອງແສຕາລີແລະສິບສອງພັນນາເປັນຕົ້ນໃນຮູບເງົານັ້ນໄດ້ກາຍເປັນບ່ອນທີ່ຄົນທັງຫຼາຍນິຍົມກັນໄປທ່ຽວ.
ໃນຫຼາຍປີມານີ້, ແຂວງຢຸນນານໄດ້ຈັດບຸນສິນລະປະຈີນສະໄໝທີສາມແລະງານກິລາຊົນເຜົ່າທົ່ວປະເທດຄັ້ງທີຫ້າເປັນລຳດັບ. ປີ 1998, ແຂວງຢູນນານໄດ້ຈັດບຸນສິນລະປະພພື້ນເມືອງອາຊີຄັ້ງທີ 6. ປີ 1999, ກໍໄດ້ຈັດງານມະຫະກຳວີຊາສວນໂລກອີກ. ອັນໄດ້ດູດດຶງເອົາຜູ່ຊົມແລະຜູ່ລົງທຶນຢ່າງຫຼວງຫຼາຍ.
ໃນຖານເປັນແຂວງທີ່ມີຊັບພະຍາກອນຊີວະຊາດແລະຊັບຍະກອນວັດທະນະທຳອຸດົມສົມບູນ. ໃນຫຼາຍປີມານີ້, ທ່ອງທ່ຽວຂອງແຂວງຢຸນນານໄດ້ພັດທະນາຢ່າງໄວວາ. ປີ 1998, ຍ້ອນຖືກວິກິດການການເງິນອາຊີກະທົບກະເທືອນ, ສະນັ້ນ, ການທ່ອງທ່ຽວກໍ່ຖືກກະທົບກະເທືອນໃນລະດັບໃດໜຶ່ງ, ແຕ່ເຖິງປານນັ້ນ, ແຂວງຢຸນນານກໍຍັງໄດ້ຮັບຕ້ອນແຂກທ່ອງທ່ຽວພົ້ນທະເລຕັ້ງ 7 ແສນ 50 ພັນເທື່ອຄົນ, ລາຍຮັບຈາກການທ່ອງທ່ຽວບັນລຸ 13 ຕື້ 500 ລ້ານຢວນ. 5 ຕົວເມືອງຂອງແຂວງຢຸນນານ, ຄື, ເມືອງຄຸນມິງ ເມືອງຊຽງຮຸ່ງ ເມືອງຕາລີ ເມືອງລີ້ຈຽງແລະເມືອງຢຸ້ນລີຖືກຂະໜານນາມເປັນເມືອງທ່ອງທ່ຽວທີ່ດີເລີດຂອງຈີນເປັນງວດທຳອິດ.
ບຸນເດືອນສາມຂອງເຜົ່າປາຍ ບຸນຫົດນ້ຳຂອງເຜົ່າລື້ ບຸນທວນໄຟຂອງເຜົ່າອີແລະບຸນຂອງຊົນເຜົ່າອື່ນໆໄດ້ດູດດຶງເອົາຜູ່ທ່ອງທ່ຽວຕ່າງປະເທດທີ່ມີຜິວພັນຕ່າງກັນແລະພາສາຕ່າງກັນ. ເມືອງລີ້ຈຽງ ເມືອງບູຮານຂອງແຂວງຢຸນນານທີ່ອົງການຢູເນັສໂກຈັດເຂົ້າໃນບັນຊີລາຍຊື່ມໍລະນະດົກວັດທະນະທຳຂອງໂລກ ປີ 1998 ມີລາຍຮັບດ້ານການທ່ອງທ່ຽວເຖິງ 800 ລ້ານຢວນ.
ທ່ານຕ້ວນເຈີນຊີ້ງ ເຈົ້າໜ້າທີ່ເຂດລີ້ຈຽງເວົ້າວ່າ, ລີ້ຈຽງເປັນບ່ອນທີ່ມີຊັບພະຍາກອນອຸດົມສົມບູນ, ແລະກໍ່ແມ່ນບ່ອນທີ່ມີພື້ນຖານວັດທະນະທຳໜາແໜ້ນ, ສະນັ້ນ, ຕ້ອງຂຸດຄົ້ນກຳລັງບົ່ມຊ້ອນທາງວັດທະນະທຳຊົນເຜົ່າຢູ່ເຂດດັ່ງກ່າວຢ່າງເຕັມສ່ວນ, ຊັກຈູງເສດຖະກິດໃຫ້ພັດທະນາ.
ທ່ານຕ້ວນເຈີນຊີ້ງເວົ້າວ່າ, "ພວກເຮົາຈະເອົາການທ່ອງທ່ຽວວັດທະນະທຳຂອງລີ້ຈຽງເປັນຫົວມັງກອນ, ສ້າງລີ້ຈຽງໃຫ້ເປັນເຂດທ່ອງທ່ຽວທີ່ມີຊື່ດັງໃນໂລກທີ່ມີສີສັນພິເສດທາງດ້ານວັດທະນະທຳຊົນເຜົ່າຢ່າງເດັ່ນຊາດ."
ການພັດທະນາການທ່ອງທ່ຽວຂອງແຂວງຢຸນນານທີ່ຖືວັດທະນະທຳຊົນເຜົ່າເປັນພື້ນຖານນັ້ນໄດ້ຊຸກຈູງການພັດທະນາອຸດສາຫະກຳທີ່ກ່ຽວຂ້ອງຄືຄົມມະນາຄົມ ເຄື່ອງກິນ ສິນລະປະຫັດຖະກຳເປັນຕົ້ນ. ການຫຍິບປັກງັກແສ່ວ ຄວັດໄມ້ ຈັກສານແຜ່ນແພຍ້ອມດ້ວຍໄຂແລະເຄື່ອງສິນລະວິຈິດຕະກຳຊົນເຜົ່າອື່ນໆກໍພວມເດີນໄປສູ່ໂລກເປັນກ້າວໆ.
1 2
|
|
|
