|
ທ່ານຮວງລີ້ຊິງກັບເພງຂອງທ່ານ(ສຽງ)
cri
Author: mo
|
ຫວ່າງແລ້ວນີ້, ທ່ານຮວງລີ້ຊິງ ນັກຮ້ອງໄຕ້ຫວັນຈີນທີ່ມີເອກະລັກພິເສດຂອງຕົນ, ໄດ້ອັດຈຳໜ່າຍແຜ່ນCDສ່ວນຕົວແຜ່ນທີ 5 ທີ່ຊື່ວ່າ"Mangyumang" ແປວ່າ"ຄວາມຂຸ້ນວຽກກັບຄວາມຫຼັບຫູຫຼັບຕາ", ໄດ້ສະແດງໃຫ້ເຫັນລັກສະນະອັນແຈ່ມແຈ້ງໃນເພງຂອງທ່ານ. ໃນລາຍການມື້ນີ້, ແສງແກ້ວຈະແນະນຳCDເພງແຜ່ນນີ້ສູ່ທ່ານຟັງ.
ກ່ອນອື່ນ ເຊີນຟັງເພງ"Woshinideshui?" ຂ້ອຍແມ່ນຫຍັງຂອງເຈົ້າ? ຊື່ງເປັນເພງເອກໃນCDໃໝ່ແຜ່ນນີ້. ເພງນີ້, ໄດ້ມີການເວົ້າແລັບປະສົມທຳນອງລອກແອນໂລນ, ສະແດງໃຫ້ເຫັນສີສັນພິເສດຂອງທ່ານຮວງລີ້ຊິງທີ່ມັກຮ້ອງເພງປະເພດມີກຳລັງແລະຈັງຫວະໄວ.
ເນື້ອເພງມີຢູ່ວ່າ: ຜູ້ສາວທຸກຄົນຕ່າງມີຫລາຍໜ້າຕາ, ໃສ່ເກີບຕີນຢ່ອງຍ່າງຕາມຖະໜົນນ້ອຍໃຫຍ່, ຍ່າງກາຍໜ້າຂ້ອຍ, ຂ້ອຍຮູ້ສຶກມ່ວນດີ. ນາງພິບຕາວັບໆ, ຂົນຕາງອນໆ ງາມຈົນເຮັດໃຫ້ອາກາດຢຸດນິ່ງ. ຂ້ອຍແມ່ນຫຍັງຂອງເຈົ້າ, ບໍ່ຢາກໃຫ້ຂ້ອຍກາຍເປັນຜູ້ໃດຜູ້ໜຶ່ງຂອງເຈົ້າແດ່ຫວະ, ຢ່າຝັນດີກວ່າ, ຢ່າຫວັງດີເກີນໄປ, ມັນມີແຕ່ຈະເຮັດໃຫ້ຂ້ອຍອິດເມື່ອຍ.
ປີ 1992, ທ່ານຮວງລີ້ຊິງກັບອ້າຍແລະນ້ອງປະກອບເປັນຄະນະຮ້ອງເພງສາມຄົນທີ່ໃຫ້ຊື່ວ່າ"L.A.Boys", ພວກເຂົາເຈົ້າເຄີຍມີຊື່ສຽງດັງສຸດຂີດໃນໄລຍະໜຶ່ງ, ແລະມີແຟນເພງຫລວງຫລາຍ. ຈົນຮອດປີ 1997, ທ່ານຮວງລີ້ຊິງຮູ້ສຶກໃນທັນໃດວ່າ, ການສະແດງ ການເຮັດວຽກແລະຊີວິດທີ່ຊ້ຳແບບເກົ່າມາຫລາຍປີເຮັດໃຫ້ຕົນເອງອິດເມື່ອຍທັງກາຍແລະໃຈ, ສະນັ້ນ, ທ່ານໄດ້ອອກຈາກຄະນະດັ່ງກ່າວ.
1 2
|
|
