|
|
 |
| (GMT+08:00)
2005-06-28 15:24:37
|
 |
|
ທ່ານຮວງລີ້ຊິງກັບເພງຂອງທ່ານ(ສຽງ)
cri
Author: mo
ເມື່ອໄດ້ພັກຜ່ອນສັບຊ້ອນໄລຍະໜຶ່ງແລ້ວ, ທ່ານຮວງລີ້ຊິງເລີ່ມແຕ່ງ ເພງ. ປີ 2000, ທ່ານຢາວຊຽນ ນັກດົນຕີທີ່ມີຊື່ສຽງຂອງໄຕ້ຫວັນໄດ້ເຫັນຄວາມສາມາດໃນການແຕ່ງເພງຂອງທ່ານຮວງລີ້ຊິງ. ແລ້ວໄດ້ແນະນຳໃຫ້ທ່ານເຂົ້າຮ່ວມບໍລິສັດແຜ່ນສຽງເວີຍຈິງຮົງກົງສາຂາໄຕ້ຫວັນ, ທັງອັດCDສ່ວນຕົວແຜ່ນທຳອິດທີ່ໃຫ້ຊື່ວ່າ"Nishenbian" ຄຽງຂ້າງເຈົ້າໃນປີ 2002. ໃນຫລາຍປີມານີ້, ທ່ານຮວງລີ້ຊິງໄດ້ແຕ່ງເພງຫລວງຫລາຍ. CDເພງແຜ່ນນີ້ຄື"ຄວາມຂຸ້ນວຽກກັບຄວາມຫຼັບຫູຫຼັບຕາ"ແມ່ນCDສ່ວນຕົວແຜ່ນທີ 5 ຂອງທ່ານແລ້ວ.
ທີ່ທ່ານພວມຟັງຢູ່ນີ້ແມ່ນເພງ"Tuoniaoshichenmo" ຄວາມມິດງຽບແບບນົກກະຈອກເທດ. ຕໍ່ໜ້າຄວາມຢ້ານກົວແລະການຂົ່ມຂູ່, ນົກກະຈອກເທດມັກເອົາຫົວໝົ້ນເຂົ້າກອງດິນຊາຍ. ໃນເວລາຄົນເຮົາປະເຊີນຄວາມຢ້ານກົວແລະກຳລັງກົດໜີບນັ້ນ, ມັກເວົ້າຫຼົງໜ້າຫຼົງຫຼັງຫຼືມິດງຽບບໍ່ປາກບໍ່ເວົ້າ. ນີ້ກໍແມ່ນຄວາມໝາຍທີ່ທ່ານຮວງລີ້ຊິງຢາກສະແດງອອກໃນເພງນີ້.
ເພງ"Ganran" ຕິດເຊື້ອ ແມ່ນທ່ານຮວງລີ້ຊິງເປັນຜູ້ແຕ່ງເນື້ອຮ້ອງ, ແຕ່ວ່າ, ເນື້ອຮ້ອງບໍ່ແມ່ນວາດພາບສະເໜຂອງຜູ້ຊາຍ, ຫາກແມ່ນກຳລັງແຜ່ລະບາດແລະຄວາມຊາບຊືມອັນແຂງແຮງຂອງເຊື້ອໂຣກແລະໄວລັສຄອບພິວເຕີ. ເຊິນຟັງໄດ້ເລີຍ, "Ganran" ຕິດເຊື້ອ.
ເພງ"Mangyumang" ແປວ່າ"ຄວາມຂຸ້ນວຽກກັບຄວາມຫຼັກຫູຫຼັບຕາ" ແມ່ນເພງເກົ່າຂອງນາງຈ່າງອ້າຍເຈ່ຍ ນັກຮ້ອງໄຕ້ຫວັນຈີນ. ໃນCDໃໝ່ແຜ່ນນີ້, ທ່ານຮວງລີ້ຊິງກໍໄດ້ຮ້ອງເພງເກົ່ານີ້ອີກ. ເພງນີ້ແຕ່ງເມື່ອປີ 1985, ໃນ 20 ປີມານີ້, ເພງນີ້ໄດ້ເປັນຕົວແທນໃຫ້ແກ່ຊີວິດຂຸ້ນນຳແຕ່ວຽກງານແລະຖືກກຳລັງໜີບດ້ານຈິດໃຈຂອງຄົນສະໄໝນີ້. ທ່ານຮວງລີ້ຊິງເວົ້າວ່າ, ສະພາບຊີວິດທີ່ກ່າວໃນ ເພງນີ້, ພໍດີຄືກັບຄວາມຮູ້ສຶກທີ່ທ່ານຢາກສະແດງໃນCDແຜ່ນໃໝ່ນີ້, ສະນັ້ນ, ທ່ານຈຶ່ງຄິດຢາກໃຊ້ຊື່ຂອງເພງນີ້ມາເປັນຊື່ຂອງແຜ່ນCDໃໝ່, ແລະໃຊ້ຮູບການສະແດງແບບໃໝ່.
ໃນເວລາຮ້ອງເພງນີ້, ທ່ານຮວງລີ້ຊິງໄດ້ເພີ່ມລັກສະນະຂອງຕົນເອງ, ໃຊ້ທຳນອງລອກແອນໂລນທີ່ຕົນຊຳນານມາຮຽບຮຽງແລະຂັບຮ້ອງຄືນໃໝ່, ເຮັດໃຫ້ຜູ້ຟັງຮູ້ສຶກມ່ວນຊື່ນຟົດຟື້ນຢ່າງສົມໃຈ.
ມ້ວນທ້າຍລາຍການມື້ນີ້, ພວກເຮົາມາຟັງເພງ"Loutijian" ຢູ່ຂັ້ນໃດ, ເພງນີ້ໄດ້ວາດພາບອາລົມຈິດຂອງຄົນສະໄໝນີ້, ເນື້ອເພງຮ້ອງວ່າ, "ເຈົ້າກັບຂ້ອຍຍ່າງຫວິດກັນໄປ, ຄືເຈົ້າຢູ່ຟ້າຂ້ອຍຢູ່ດິນ, ຮອຍຍິ້ມຂອງເຈົ້າເຮັດໃຫ້ຂ້ອຍຫຼົງໄຫຼ, ຂ້ອຍເຂົ້າໃກ້ຊິດເຈົ້າໄດ້ບໍ່? ກອດຊົມເຈົ້າໄດ້ບໍ່? ອັນຕະລາຍແທ້, ແມ່ນຄວາມຮັກແນວໃດນໍພາໃຫ້ຄົນອິດເມື່ອຍປານນີ້?
1 2
|
|
|
