ເປັນຫຍັງຢູ່ຈີນຍັງມີອາວຸດເຄມີຂອງກອງທະຫານຍີ່ປຸ່ນໃນສົງຄາມໂລກຄັ້ງທີສອງ?ຕາມສາສະດາຈານປູພິງ ຂອງສະພາບັນດິດວິທະຍາສາດສັງຄົມຈີນສະເໜີໃຫ້ຮູ້ວ່າ,ກ່ອນຍີ່ປຸ່ນມໍ່ຈະຍອມຈຳນົນ,ເພື່ອປົກປິດໂທດກຳ,ກອງທະຫານຍີ່ປຸ່ນໄດ້ຝັງຫຼືປະຖິ້ມອາວຸດເຄມີຢ່າງຫຼວງຫຼາຍ,ແລະຂໍ້ມູນຂ່າວສານທີ່ກ່ຽວຂ້ອງແມ່ນຮັກສາຄວາມລັບຕໍ່ຈີນຢ່າງເດັດຂາດ.ພາຍຫຼັງສົງຄາມໂລກຄັ້ງທີສອງ,ລັດຖະບານຍີ່ປຸ່ນໄດ້ປະຕິເສດບໍ່ຮັບຮອງເປັນໄລຍະຍາວນານວ່າຍີ່ປຸ່ນເຄີຍຄົ້ນຄວ້າແລະປະຖິ້ມອາວຸດເຄມີ,ຈົນຮອດປີ1991,ຍ້ອນກຳລັງໜີບຈາກເລື່ອງຈິງແລະຫາງສຽງຂອງປະຊາຄົມໂລກ,ພວກເຂົາເຈົ້າຈິ່ງຮັບຮອງວ່າມີບັນຫາດັ່ງກ່າວ.
ຖັງໂລຫະທີ່ບັນທຸກສານພິດໃນເຫດການ4ສິງຫາ
ກໍແມ່ນຍ້ອນມູນເຫດດັ່ງກ່າວ,ລະເບີດອາຍພິດຈຳນວນຫຼວງຫຼາຍທີ່ກອງທະຫານຍີ່ປຸ່ນປະຖິ້ມຢູ່ຈີນໄດ້ກາຍເປັນອັນຕະລາຍທີ່ແຝງຊ້ອນຢູ່,ເລື່ອງໂສກນາດຕະກຳທີ່ຄືກັນກັບທ່ານລີເສິນບໍ່ໄດ້ຢຸດເຊົາຈັກເທື່ອ.ໃນນັ້ນ,ເຫດການຂ້ອນຂ້າງໜັກໜ່ວງເທື່ອໜຶ່ງແມ່ນເກີດຂຶ້ນເມື່ອວັນທີ4ສິງຫາປີ2003,ຢູ່ສະຖານທີ່ກໍ່ສ້າງແຫ່ງໜຶ່ງຂອງເມືອງສີສີຮາເອີ ແຂວງເຮີຍລົງຈ່ຽງຈີນ,ກຳມະກອນໄດ້ຂຸດເຫັນຖັງໂລຫະ5ໜ່ວຍ,ອາຍພິດມາສເຕີໃນຖັງໄດ້ຮົ່ວອອກ,ພາໃຫ້44ຄົນຖືກພິດ,ໃນນັ້ນ,ມີ1ຄົນຕາຍ.ເຫດການນີ້ຍິ່ງເຮັດໃຫ້ວົງການຕ່າງໆຂອງຈີນບໍ່ພໍໃຈນຳລັດຖະບານຍີ່ປຸ່ນທີ່ປັດປ່າຍໜ້າທີ່ຮັບຜິດຊອບທາງປະຫວັດສາດ. ສິ່ງທີ່ຕ່າງກັນກັບເມື່ອກ່ອນນັ້ນແມ່ນ,ເມື່ອລັດຖະບານຈີນໄດ້ຕໍ່ວ່າຕໍ່ຂານຫຼາຍເທື່ອ,ໃນທີ່ສຸດ,ລັດຖະບານຍີ່ປຸ່ນໄດ້ຈ່າຍ300ລ້ານເຢັນເພື່ອທົດແທນຄວາມເສຍຫາຍໃຫ້ຝ່າຍຈີນຍ້ອນເຫດການ4ສິງຫາ.ທ້າວວາງເສິງ ປີນີ້ອາຍຸ26ປີແມ່ນຜູ້ບາດເຈັບໜັກສົມຄວນໃນເຫດການດັ່ງກ່າວ,ລາວບອກນັກຂ່າວວ່າ,ດຽວນີ້,ພໍໃຊ້ແຮງຫຼາຍກໍຮູ້ສຶກຫາຍໃຈຍາກ,ນ້ຳໜັກໄດ້ຫຼຸດລົງ10ກິໂລເມື່ອທຽບກັບໄລຍະກ່ອນຖືກພິດ.ລາວເວົ້າວ່າ: "ຂ້ອຍໄດ້ຄ່າໃຊ້ແທນແລ້ວ,ແຕ່ອາລົມຈິດພັດບໍ່ດີ,ເພາະເງົາມືດແຫ່ງການຜົນຮ້າຍຂອງອາຍພິດໄດ້ປົກຫຸ້ມຢູ່ໃນໃຈຂ້ອຍໂດຍຕະຫຼອດ,ຂ້ອຍຍັງຕ້ອງໄປຮັບການປິ່ນປົວຢູ່ໂຮງໝໍເລື້ອຍໆ."
ທ້າວວາງເສິງທີ່ພວມປິ່ນປົວຢູ່ໂຮງໝໍ
ສະຖິຕິທີ່ກ່ຽວຂ້ອງສະແດງໃຫ້ເຫັນວ່າ,ປັດຈຸບັນ,ໄດ້ມີປະຊາຊົນຈີນທີ່ບໍ່ມີໂທດຫຍັງ2ພັນກວ່າຄົນປະສົບການທຳຮ້າຍຍ້ອນອາວຸດເຄມີທີ່ກອງທະຫານຍີ່ປຸ່ນຜູ້ຮຸກຮານຈີນປະຖິ້ມຢູ່ຈີນ.ນອກນີ້,ປະຊາຊົນຈີນຫຼາຍໆຄົນຍັງວິຕົກກັງວົນທີ່ສຸດນຳລະເບີດອາຍພິດທີ່ກອງທະຫານຍີ່ປຸ່ນຮຸກຮານຈີນປະຖີ້ມຢູ່ຈີນແຕ່ດຽວນີ້ຍັງບໍ່ທັນຂຸດອອກມາ.ອີງຕາມຂໍ້ກຳນົດທີ່ກ່ຽວຂ້ອງໃນເວລາຈີນຍີ່ປຸ່ນເຂົ້າຮ່ວມສົນທິສັນຍາເກືອດຫ້າມອາວຸດເຄມີຂອງອົງການສະຫະປະຊາຊາດເມື່ອປີ1997,ຍີ່ປຸ່ນຕ້ອງທຳລາຍອາວຸດເຄມີທີ່ປະຖິ້ມຢູ່ຈີນນັ້ນຢ່າງເຖິງຖອງກ່ອນປີ2007,ແຕ່ປັດຈຸບັນ,ວຽກງານດັ່ງກ່າວພັດໄດ້ຄືບໜ້າຢ່າງຊັກຊ້າ.
ນັກຮຽນຜູ້ໜຶ່ງຂອງມັດຖະຍົມເມືອງສີສີຮາເອີແຂວງເຮີຍລົງຈ່ຽງ
ຮັບການປິ່ນປົວຢູ່ໂຮງໝໍຍ້ອນຖືກພິດໃນເຫດການ4ສິງຫາ
1 2
|
