|
ຄະນະຮ້ອງເພງ"ອາລີລາງ"ແມ່ນຄະນະຮ້ອງເພງທີ່ໄດ້ຮັບຄວາມນິຍົມຫລາຍບົນເວທີເພງສະໄໝນິຍົມຈີນ, ພວກເຂົາເຈົ້າໄດ້ສ້າງພາບປະທັບໃຈອັນເລິກເຊິ່ງແກ່ແຟນເພງດ້ວຍສຽງເພງທີ່ມີເອກະລັກພິເສດ, ລີລາການຟ້ອນທີ່ເຕັ້ນດີດ, ແລະຮອຍຍິ້ມອັນສະໜິດສະໜົມ.
ເພງທີ່ທ່ານພວມຟັງຢູ່ນີ້ແມ່ນເພງ"ອາລີລາງ" ເພງທີ່ເຮັດໃຫ້ຄະນະອາລີລາງຂຶ້ນຊື່ລືນາມ, ໃນຫົວທີ, ເພງນີ້ແມ່ນເພງພື້ນເມືອງເຜົ່າເກົາຫລີທີ່ເຜີຍແຜ່ຢ່າງກວ້າງຂວາງ, ພາຍຫລັງດັດແປງເປັນເພງສະໄໝນິຍົມແລ້ວ, ໄດ້ໃຊ້ຄຳເວົ້າງ່າຍດາຍຊາບຊຶ້ງສ້າງພາບທີ່ສວຍງາມ.
ຄະນະຮ້ອງເພງອາລີລາງປະກອບດ້ວຍອ້າຍບ່າວເຜົ່າເກົາຫລີທີ່ເຈົ້າຊູ້ 4 ຄົນເຊັ່ນ: ຈິນເຈີນານ ຈີນເຢິນຈີ ຈາງຈີນໂຢວ ແລະສວນເຮີ້. ພວກເຂົາເຈົ້າແມ່ນມາຈາກກິ່ງແຂວງຢຽນປຽນເຜົ່າເກົາຫລີປົກຄອງຕົນເອງຂອງແຂວງຈີລີນ ພາກຕາເວັນອອກສຽງເໜືອຂອງຈີນ.
1 2 3 4
|
