|
|
 |
| (GMT+08:00)
2005-06-29 16:16:00
|
 |
|
[ຄະນະຮ້ອງເພງ"ອາລີລາງ"]
cri
Author: mo
ກໍ່ແມ່ນຍ້ອນການຕົກລົງດັ່ງກ່າວກ່ອນຮຽນຈົບ, ໄດ້ສ້າງພື້ນຖານໃຫ້ແກ່ຜົນສຳເລັດຂອງພວກເຂົາເຈົ້າໃນພາຍລຸນມາ. ພາຍຫລັງຮຽນຈົບແລ້ວ, 4 ຄົນຕົກລົງໄປປັກກິ່ງຊອກຫາໂອກາດ.
ໃນງານປະກວດນັກຮ້ອງໜຸ່ມລະດັບຊາດທາງໂທລະພາບຄັ້ງທີ 10 ຂອງCCTV, ຄະນະອາລີລາງຊິງໄດ້ລາງວັນສອງລາຍເຊັ່ນລາງວັນເງິນຖ້ວຍຮ້ອງແບບສະໄໝນິຍົມ, ແລະລາງວັນນັກຮ້ອງທີ່ຜູ້ຊົມນິຍົມທີ່ສຸດຂອງພາກສ່ວນວິຊາສະເພາະ ດ້ວຍຄວາມຊຳນານໃນການຮ້ອງເພງ, ການປະສານສຽງ 4 ສຽງທີ່ມີເອກະລັກພິເສດ ແລະລີລາການສະແດງທີ່ສະເທືອນໃຈ.
ອ້າຍບ່າວ 4 ຄົນນີ້ດີໃຈຫລາຍ, ທ້າວຈິນເຈີນານເວົ້າວ່າ:
ຫາກໍໄດ້ຮັບລາງວັນ, ພວກເຮົາຮູ້ສຶກດີໃຈຫລາຍ, ແຕ່ຕໍ່ມາ, ພວກເຮົາຄິດວ່າ, ຢ່າຊູ່ດີໃຈເກີນໄປ, ອັນນີ້ພຽງແຕ່ເປັນການເລີ່ມຕົ້ນ, ພຽງແຕ່ເປັນບາດກ້າວທຳອິດຂອງພວກເຮົາທໍ່ນັ້ນ. ພວກເຮົາຍັງຕ້ອງພະຍາຍາມຕໍ່ໄປ, ຕ້ອງສືບຕໍ່ກຳໂອກາດທຸກຢ່າງໃຫ້ດີ, ແລ້ວບຸກທະລຸອີກ.
ຫລັງຈາກໄດ້ຮັບລາງວັນແລ້ວ, ຄະນະຮ້ອງເພງອາລີລາງເລີ່ມຂຸ້ນນຳວຽກ, ນອກຈາກເຂົ້າຮ່ວມການສະແດງປະເພດຕ່າງໆພາຍໃນປະເທດຈີນແລ້ວ, ພວກເຂົາເຈົ້າຍັງຕອບສະໜອງຄຳເຊີນຂອງສະຖານີໂທລະພາບKBSຂອງສ.ເກົາຫລີ, ຈັດການສະແດງຮອບຈຳເພາະຢູ່ເຊອຸ່ນ, ໄດ້ຮັບຄວາມນິຍົມຊົມຊອບທີ່ບໍ່ເຄີຍມີມາຈາກແຟນເພງສ.ເກົາຫລີ. ນອກນັ້ນ, ຄະນະອາລີລາງຍັງຍາດເວລາເຝິກແອບຮ້ອງເພງ, ແອບຟ້ອນ, ອັດສຽງ, ເພື່ອຂ້ຽວຜະລິດແຜ່ນCDແຜ່ນທຳອິດຂອງພວກເຂົາເຈົ້າ.
1 2 3 4
|
|
|
