|
|
 |
| (GMT+08:00)
2005-07-05 10:34:18
|
 |
|
ອຸດສາຫະກຳໂຄມິກຈີນທີ່ພວມຈະເລີນຂຶ້ນ(ສຽງ)
cri
Author: huachunmei
ຄຽງຄູ່ກັບຜະລິດຕະພັນໂຄມິກທີ່ຜະລິດເດີມໄດ້ປະກົດອອກມາຢ່າງຫລວງຫລາຍ, "ສີສັນພິເສດຈີນຂອງຜະລິດຕະພັນໂຄມິກ"ກໍໄດ້ກາຍເປັນຫົວຂໍ້ຈຸດສຸມຂອງບຸກຄົນພາຍໃນຂະແໜງການ.
ທ່ານຈິນໂກວພິງ ປະທານສະມາຄົມກາຕູນຈີນ ຫົວໜ້າໂຮງສ້າງຟິມວິຈິດຕະກຳຊຽງໄຮ້ກ່າວວ່າ, ຄຳວ່າ"ສີສັນພິເສດຂອງຈີນ"ບໍ່ແນ່ນອນວ່າຕ້ອງແມ່ນນິທານຈີນແລະໂສມໜ້າຈີນ, ແຕ່ທັດສະນະຄະຕິຄືຊີວະທັດແລະທັດສະນະຄຸນຄ່າຕ້ອງແມ່ນຂອງຈີນ.
ສະຖິຕິລາຍໜຶ່ງສະແດງໃຫ້ເຫັນວ່າ, ປີ 2004, ຍອດປະລິມານການຜະລິດຟິມກະຕຸນພາຍໃນປະເທດຈີນບໍ່ຮອດ 3 ໝື່ນນາທີ, ແຕ່ຄວາມຕ້ອງການໃນຕະຫລາດພັດບັນລຸເຖິງ 3 ແສນນາທີ.
ພາກສ່ວນທີ່ກ່ຽວຂ້ອງຂອງລັດຖະບານຈີນກໍຮູ້ສຶກວ່າ, ອຸດສາຫະກຳໂຄມິກມີອະນາຄົດແລະມີກຳລັງບົ່ມຊ້ອນ, ພວມຈັດວາງສ້າງແຫຼ່ງອຸດສາຫະກຳໂຄມິກແລະແຫຼ່ງຄົ້ນຄວ້າວິທະຍາສາດລະດັບຊາດ, ເພື່ອເຮັດເປັນເຄື່ອງບົ່ມເພາະອຸດສາຫະກຳໂຄມິກຈີນ.
ການພັດທະນາອຸດສາຫະກຳໂຄມິກຈີນພວມກ້າວເຂົ້າສູ່ສະພາບຈະເລີນຮຸ່ງເຮືອງ, ນີ້ໄດ້ເຮັດໃຫ້ຜູ້ລົງທຶນຫລວງຫລາຍມີກຳລັງໃຈ, ແຕ່ກໍມີບຸກຄົນພາຍໃນຂະແໜງການມີທ່າທີໃຈເຢັນໆ.
ທ່ານຈ່າງສຽວອານ ຫົວໜ້າທີ່ປຶກສາຂອງອົງການກາຕູນອາເມລິກາອາຊີຂອງອາເມລິກາເຄີຍປະຕິບັດງານຢູ່ວົງການໂຄມິກຈີນຫລາຍປີ, ທ່ານຮູ້ຈັກສະພາບການອຸດສາຫະກຳໂຄມິກສາກົນຂ້ອນຂ້າງຫລາຍ. ທ່ານເວົ້າວ່າ, "ໂຄມິກຫາກໍພັດທະນາຢູ່ຈີນ, ເມື່ອທຽບກັບປະເທດພັດທະນາແລ້ວ, ຍັງມີຄວາມໂຕນກັນຫລາຍ. ຄຽງຄູ່ກັບກຳລັງແຫ່ງຊາດຈີນເພີ່ມຂຶ້ນ, ອຸດສາຫະກຳໂຄມິກກໍຄວນພັດທະນາຢ່າງສົມຄູ່ກັນ, ແຕ່ຂໍກະແຈແມ່ນຈະເຮັດແນວໃດ? ຂ້າພະເຈົ້າມີຄວາມເຫັນ 2 ຂໍ້: ໜຶ່ງແມ່ນບໍ່ໃຫ້ເຮັດລອກແບບຕ່າງປະເທດ; ສອງ, ຕ້ອງເດີນໄປຕາມເສັ້ນທາງຂອງຕົນ, ປະກົດເຫັນທ່າແຮງແລະທ່າອ່ອນຂອງຕົນ, ປ່ຽນທ່າອ່ອນກາຍເປັນທ່າແຮງ."
1 2
|
|
|
